Amato 10:12 - Mbeti ti Nzapa - Tënë so amu fini

¹² Kengo zo ayeke du papa; me ndoye ayeke kanga ndö ti sioni ye kue.

Amato 10:12 ပူးပေါင်းရင်းမြစ်များ

Amato 15:18

Zo so be ti lo wâ wâ asara si papa alondo; me zo so ayeke kanga be ti lo asara si tiri akai.

Amato 16:27

Mbumbuse zo aleke na be ti lo ti sara sioni ye; atënë ti yanga ti lo ayeke gbi zo tongana wâ.

Amato 17:9

Zo so ayeke zi tënë na li ti azo, lo yeke gi titene ala ye lo; me zo so ayeke kiri na ndö ti tënë ni, fade amba ti lo ayeke ke lo.

Amato 28:25

Zo so kota be ahon ndö ti lo, lo sara si papa alondo; me zo so azia be ti lo na ndö ti KOTA GBIA, fade lo yeke duti na aye gbani gbani.

Amato 29:22

Zo ti ngonzo asara si papa alondo; zo so be ti lo gi wâ wâ asara si siokpari awu ahon ndoni.

Amato 30:33

Biani, tongana zo amu ngu ti me ti bagara si apika ya ni, dubere ayeke sigigi daa. Tongana zo apika hon ti mba ti lo, mene ayeke sigigi daa, tongana zo azingo ngonzo ti mba ti lo, tiri ayeke londo.

Jacques 4:1

Atiri na apapa so ayeke na popo ti ala so alondo na ndo wa? Alondo gi na lege ti anzara ti be ti ala so ayeke tiri lakue na ya ti tere ti ala.

Jacques 5:20

Alingbi ala hinga atene, zo so agboto zo na sioni lege ti siokpari si akiri na lo na nzoni lege, fade lo yeke sara titene zo ni asoo kuâ; lo yeke sara nga titene Nzapa azi gba ti asiokpari so ayeke na li ti zo ni.

1 Pierre 4:8

Kozoni kue, ala ye tere na popo ti ala na be ti ala kue, ngbanga ti so ndoye ayeke zi asiokpari mingi.