Amato 10:10 - Mbeti ti Nzapa - Tënë so amu fini

¹⁰ Zo so ate le na amba ti lo, lo zia vundu na be ti azo; me zo so ayeke diko abuba tënë, lo yeke gi titene gigi ti lo abuba.

Amato 10:10 ပူးပေါင်းရင်းမြစ်များ

Mbeti ti Job 15:12

Be ti mo gi wâ wâ so ngbanga ti nyen? Mo yeke pika le ti mo ni ngbanga ti nyen?

Abia (Psaumes) 35:19

Azo so azia be na mbi senge senge so, ayeke nzoni ala he mbi pepe; azo so ake mbi senge senge so, ayeke nzoni ala te le ti ala na peko ti mbi pepe.

Amato 10:14

Azo ti ndara abata hingango ye ti ala tongana mosoro; me atënë ti zo ti buba ayeke buba ndo hio.

Amato 10:8

Zo so ayeke na nzoni gbungo-li, lo yeke yeda na andia so a fa na lo; me zo so ayeke diko abuba tënë, lo yeke gi titene gigi ti lo abuba.

Amato 16:30

Zo so akanga le ti lo si lo te poro ti yanga ti lo titene lo leke na be ti lo ti sara sioni, andaa lo sara ni awe.

Amato 18:21

Zo alingbi ti ngba na fini wala ti kui na lege ti atënë ti yanga ti lo. Zo so aye tënë, fade lo yeke wara ye ti peko ni.

Amato 6:13

Lo yeke te le na zo, lo yeke sara gere ti lo ti iri na zo, lo yeke fa ye na lege ti ali ti maboko ti lo.

3 Jean 1:10

Ndani laa, tongana mbi si ande kâ, fade mbi yeke fa na le ti azo aye so kue lo yeke sara, na asioni tënë so lo yeke tene na tere ti e, na atënë ti mvene so lo yeke tene. Na ndö ni, tongana a-ita asi, lo wani, lo ke ti yamba ala. A-ita so aye ti yamba azo so asi, lo yeke kanga lege na ala si lo yeke tumba ala na ya ti Eglize.