Amato 10:1 - Mbeti ti Nzapa - Tënë so amu fini

¹ *Amato ti Salomon. Molenge ti ndara ayeke mu ngia na babâ ti lo; me molenge ti buba ayeke zia vundu na be ti mama ti lo.

Amato 10:1 ပူးပေါင်းရင်းမြစ်များ

Amato 1:1

*Amato ti Salomon, molenge ti David, gbia ti Israel.

Amato 13:1

Molenge ti ndara ama ye so babâ ti lo agboto mê ti lo daa; me molenge ti hengo ndo ake titene a suku na lo.

Amato 15:20

Molenge ti ndara ayeke mu ngia na babâ ti lo; me zo ti buba abaa mama ti lo tongana mbumbuse zo.

Amato 17:21

Zo so adu molenge so ahinga ndo pepe, lo yeke gi na vundu; ngia atia babâ so molenge ti lo ayeke molenge ti buba.

Amato 17:25

Molenge so ahinga ndo pepe ayeke zia vundu na be ti babâ ti lo; lo yeke zia mawa na be ti mama ti lo.

Amato 19:13

Molenge ti buba ayeke ga na kpale na ndö ti babâ ti lo. Wali so aye tënë ti papa, lo yeke tongana li ti da so akoro si ngu ayeke yuru daa lakue.

Amato 25:1

So ayeke ambeni *mato ti Salomon so azo ti tere ti Ezekias, gbia ti Juda, asu na mbeti.

Amato 27:11

Molenge ti mbi, mo duti na ndara si fade be ti mbi aduti na ngia. Tongana mbeni zo akasa mbi, fade mbi yeke wara lege ti kiri tënë na lo.

Amato 29:15

Pikango molenge na sukungo na lo asara si lo duti na ndara; me molenge so azia lo gi senge tongaso, lo yeke zia kamene na le ti mama ti lo.

Amato 29:17

Mo pika molenge ti mo na zaza si fade mo wara lege ti duti kpoo; lo yeke sara ande titene be ti mo asi singo na ngia.

Amato 29:3

Zo so aye tënë ti ndara, lo yeke zia ngia na be ti babâ ti lo; me zo so ayeke fono na awali-ndumba, lo yeke buba nginza ti lo kue.

Zo ti bongbingo azo 12:9

Ye so zo ti bongbingo azo asara ayeke so: lo kiri lo fa hingango ye na azo. Lo ma *amato mingi, lo gi nda ni si lo leke ni na legeni.

Zo ti bongbingo azo 2:19

Zo ni so ayeke ande zo ti ndara wala zo ti buba; e hinga? Me akua so kue mbi baa pasi na sarango ni, akua so mbi sara na ndara na ndö ti sese so, fade ayeke ga ye ti lo. Ye so nga ayeke gi senge senge.