Amato 1:9 - Mbeti ti Nzapa - Tënë so amu fini

⁹ Fade aye ni ayeke duti tongana pendere kpoto na li ti mo wala tongana pendere ye ti go na go ti mo.

Amato 1:9 ပူးပေါင်းရင်းမြစ်များ

Tongo nda ti aye 41:42

Faraon azi bage so ayeke na maboko ti lo, lo yoro ni na maboko ti Joseph. Lo yu na Joseph mbeni pendere bongo so a sara ni na *len si lo zia na go ti lo ye ti go so a sara ni na lôro.

Abia (Psaumes) 73:6

Tongaso, baba aga tongana mbeni ye ti go na go ti ala, sarango ngangu na azo aga tongana bongo ti ngangu ngere so ala yeke yu.

Amato 3:22

Fade ala yeke sara si mo duti na taa fini nga na fini so anzere.

Amato 3:3

Ayeke nzoni mo zia ti sara nzoni be pepe, mo zia ti bata tënë ti yanga ti mo pepe; mo kanga ni na go ti mo tongana ye ti go, mo su ni na be ti mo tongana mbeti.

Amato 4:9

Lo yeke zia mbeni pendere kpoto na li ti mo; lo yeke zia na li ti mo mbeni ye ti pendere so aza zango.”

B. ti abia 1:10

So pendere ngbangba laa mo yeke na ni na popo ti aye ti mê so! So pendere go laa mo yeke na ni na popo ti aye ti go so!

B. ti abia 4:9

Mo sara si be ti mbi afâ, ndali ti mo ita ti mbi ti wali, mo so mo yeke ga wali ti mbi so. Mo sara si be ti mbi afâ, gi na lege so mo bi le ti mo ti baa mbi, gi na lege ti lenge oko ti go ti mo.

Ésaïe 3:19

aye ti mê, aye ti maboko, alafayi,

Jérémie 35:8

E sara ye so kue kotara ti e Yonadab, molenge ti Rekab, amu ando yanga na e ti sarango ni. Nilaa e yeke nyon ka vin pepe, ataa e, ataa awali ti e, amolenge ti e ti koli na ti wali.

Ezekiel 16:11

Mbi yu mo na aye ti pendere nde nde, mbi yu na mo aye ti maboko na aye ti go.

Daniel 5:16

Me ti mbi, mbi ma a tene, mo lingbi ti fa nda ti aye so akara azo na nda ti aye so ahonde. Fadeso, tongana mo diko mbeti so si mo fa nda ni na mbi, fade a yeke yu na mo bongo ti agbia so abe bengo; a yeke zia na go ti mo ye ti go so a sara na lôro si mo yeke duti oko ti akota zo ota ti ya ti govoroma ti kodro ni.”

Daniel 5:29

Biaku na pekoni, Baltazar amu yanga na azo ti gbe ti lo titene ala yu Daniel na bongo ti gbia so abe bengo; ala zia na go ti lo ye ti go so ayeke na lôro. Lo mu yanga titene ala to mbela ti tene na azo atene, fade a yeke zia Daniel ti duti oko ti akota zo ota ti ya ti govoroma ti kodro ni.

Daniel 5:7

Lo dekongo ngangu si lo mu yanga titene azo airi azo ti nganga ti Babilone, azo ti mazi, azo ti yoro na azo ti bango nda ti aye ti ga. So azo ti bango nda ti aye ni aga awe, gbia atene na ala, atene: “Zo so ayeke diko mbeti so si lo fa na mbi nda ni, fade a yeke yu na lo bongo ti agbia so abe bengo; a yeke zia na go ti lo ye ti go so ayeke na lôro si lo yeke duti oko ti akota zo ota ti ya ti govoroma ti kodro ni.”