Amato 1:7 - Mbeti ti Nzapa - Tënë so amu fini

⁷ Kpengo mbeto ti KOTA GBIA ayeke tongo nda ti hingango ye. Gi azo ti buba laa abaa ndara na anzoni wango na le ti ala tongana mbumbuse ye.

Amato 1:7 ပူးပေါင်းရင်းမြစ်များ

Mbeti ti Job 28:28

Na pekoni, lo tene na azo, lo tene: “Kpengo mbeto ti *Kota Gbia, baa ndara ni laa! Kpengo siokpari, baa hingango ndo laa!”

Abia (Psaumes) 111:10

Kpengo mbeto ti KOTA GBIA ayeke tongo nda ti dutingo na ndara. Azo so kue akpe mbeto ti lo ayeke azo ti hingango ndo. Gonda ti lo angba kpu na kpu.

Amato 1:22

“Ala azo so le ti ala ahan pepe so, ala ye ti ngba tongaso ngbii asi lawa? Ala azo ti hengo ndo, ala yeke ngba ti he ndo ngbii asi lawa? Ala azo so ahinga ndo pepe so, ala yeke ke ti hinga ye ngbii asi lawa?

Amato 15:32

Zo so ake wango abi tere ti lo na sese; me zo so aye titene a gboto mê ti lo, lo yeke ga zo ti hingango ndo.

Amato 15:33

Kpengo mbeto ti KOTA GBIA ayeke fa na zo lege ti dutingo na ndara. Kozo titene zo awara gonda, ayeke nzoni lo sara tere ti lo kete si.

Amato 15:5

Zo ti buba abaa ye so babâ ti lo agboto mê ti lo daa tongana mbumbuse ye; me zo so aye titene a suku na lo, lo yeke zo ti hango le.

Amato 18:2

Mango ya ti ye anzere na zo ti buba pepe; me lo ye ti fa na le ti azo kue gi atënë ti be ti lo.

Amato 2:5

Tongana mo sara tongaso, fade mo yeke hinga nda ti kpengo mbeto ti KOTA GBIA, mo yeke wara lege ti hinga Nzapa.

Amato 23:9

Tene tënë na zo ti buba pepe: fade lo yeke baa hingango ndo ti mo tongana senge senge ye.

Amato 9:10

Kpengo mbeto ti KOTA GBIA ayeke tongo nda ti dutingo na ndara. Hingango lo so ayeke nde si ayeke nzoni kue, taa hingango ye laa.

Zo ti bongbingo azo 12:13

Atënë so kue e tene ge so, kota tënë ni ayeke so: kpe mbeto ti Nzapa, mo sara ye alingbi na andia ti lo, ngbanga ti so gi ye so zo alingbi ti sara ni laa.

Rome 1:28

So ala ke ti hinga Nzapa awe, lo zia ala titene hingango ndo ti ala aga kirikiri si ala sara ye so zo alingbi fade ti sara pepe.

Ndia ti fani use ni 4:6

Tongana ala bata andia ni si ala sara ye alingbi na ni, amara nde so ayeke ma tënë ni, fade ala yeke baa ala, azo ti Israel, tongana azo ti ndara na azo ti hingango ndo; azo ni ayeke tene: “So ndara na hingango ndo na kota mara so!”