Amato 1:31 - Mbeti ti Nzapa - Tënë so amu fini

³¹ Fade ala yeke ko lengo ti sarango ye ti ala; apialo ti ala ayeke fun sen na hon ti ala.

Amato 1:31 ပူးပေါင်းရင်းမြစ်များ

Mbeti ti Job 4:8

Ti mbi, ye so mbi baa ayeke so: Azo so alu ye ti kirikiri na ala so alu pasi, ye ti kirikiri na pasi laa ala yeke ko lengo ni.

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

Amato 12:14

Atënë so zo atene alingbi ti sara si lo baa nzoni na pekoni legeoko tongana ti so zo ayeke wara futa na peko ti kua so lo sara.

Amato 13:2

Atënë so zo atene alingbi ti sara si lo wara nzoni ye na pekoni; me ti azo ti kango zo, gi nzara ti sarango ngangu na zo laa ayeke na be ti ala.

Amato 14:14

Zo so sarango ye ti lo ayeke kirikiri, fade lo yeke wara ye ti pekoni. Zo ti nzoni ayeke baa nzoni ahon lo.

Amato 22:8

Zo so alu sioni ye, lengo ni so lo yeke ko ayeke kpale; ngangu so lo yeke sara na sioni na azo, fade ayeke hunzi.

Amato 5:22

Sarango ye ti kirikiri ti zo wani laa akanga lo; siokpari ti lo agbu lo tongana kuku.

Amato 5:23

Fade zo ni ayeke kui, ngbanga ti so a gboto mê ti lo gbaa; kota buba ti lo ayeke sara lo tongana samba.

Amato 8:36

Me zo so asara sioni ti ke mbi, lo wani, lo zia ka na tere ti lo; azo so kue be ti ala ake mbi, ala ye kuâ.”

Ésaïe 66:4

Mbi nga, mbi soro ti zia ala titene ala baa pasi ndali ti mbana ti ala. Mbi yeke sara titene ye so ala yeke sara mbeto ni aga na ndö ti ala. Biani, mbi iri ndo, me zo oko ayeda pepe; mbi tene tënë, me ala ma pepe. Ala sara ye so ayeke sioni na le ti mbi, ala soro ti sara ye so anzere na be ti mbi pepe.”

Jérémie 14:16

Azo so awayanga-Nzapa ni atene tënë ni na ala so, fade bira na nzara ayeke fâ ala; a yeke bi kuâ ti ala kirikiri na ndö ti alege ti Jérusalem, zo oko ti lu kuâ ni ayeke daa pepe, ala na awali ti ala nga na amolenge ti ala ti koli na ti wali. Sioni so azo ni asara so, fade mbi yeke sara si akiri gi na li ti ala wani.

Jérémie 2:19

Fade sioni ti mo wani ayeke kiri na li ti mo. Mo zia mbi awe; fade mo yeke wara ye ti peko ni! Tongaso si mo hinga, mo tene, ziango KOTA GBIA Nzapa ti mo, ayeke sioni si ayeke ye ti vundu mingi; tongana mo kpe mbeto ti mbi pepe, so ayeke ye ti vundu mingi!” So tënë ti yanga ti KOTA GBIA so ayeke na ndö ti dunia kue laa.

Jérémie 21:14

Mbi yeke ga na tere ti ala; so futa ti asioni sarango ye ti ala laa; so tënë ti yanga ti KOTA GBIA laa. Fade mbi yeke bi wâ na ya ti gbako ti ala, wâ ni ayeke gbi aye so kue angoro gbako ni.”

Jérémie 6:19

Ala ma si, ala azo ti sese kue: mbi yeke sara titene kota kpale ati na ndö ti azo ni, so ayeke futa ti asioni gbungo-li ti ala laa. Ala dingi mê ti ala ti ma atënë ti mbi pepe; ala baa atënë ti ndia ti mbi tongana mbumbuse ye.

Ezekiel 22:31

Tongaso, mbi tuku ngonzo ti mbi na ndö ti ala; mbi hunzi ala kue na lege ti ngonzo ti mbi ti wâ; mbi sara si sioni sarango ye ti ala akiri na li ti ala. So tënë ti yanga ti Kota Gbia NZAPA laa.”