Amato 1:28 - Mbeti ti Nzapa - Tënë so amu fini

²⁸ Na lango ni so, fade ala yeke iri mbi titene mbi mu maboko na ala, me mbi yeke kiri tënë na ala pepe; ala yeke gi mbi, me ala yeke wara mbi pepe.

Amato 1:28 ပူးပေါင်းရင်းမြစ်များ

Tongo nda ti aye 6:3

Tongaso KOTA GBIA atene na be ti lo: “Pupu ti mbi ayeke ngba lakue na ya ti zo pepe, ngbanga ti so lo yeke gi zo senge. Fade lo yeke duti na gigi gi ngu ngbangbo oko na baleuse.”

Mbeti ti Job 27:9

Tongana ye ti ngangu asi na lo, fade Nzapa ayeke ma dekongo ti lo?

Mbeti ti Job 35:12

Tongaso azo adekongo, me lo yeda pepe ndali ti baba ti azo ti sioni.

Abia (Psaumes) 18:41

Mo sara si awato ti mbi akpe na dawa ti mbi, mbi yeke fâ azo ti kengo mbi, mbi hunzi ala kue.

Abia (Psaumes) 18:42

Ala yeke dekongo, me zo oko ti soo ala ayeke daa pepe; ala yeke dekongo na KOTA GBIA, me lo yeke kiri tënë na ala pepe.

Abia (Psaumes) 66:18

Tongana mbi bata fade sioni ye na be ti mbi, ka Kota Gbia ama mbi pepe.

Amato 15:29

KOTA GBIA angba yongoro na tere ti azo ti sioni; me lo yeke ma sambela ti azo ti mbirimbiri.

Amato 8:17

Mbi, mbi ye azo so aye mbi. Azo so ayeke gi mbi, fade ala yeke wara mbi.

B. ti abia 5:6

Mbi zi yanga ti da na kamba ti be ti mbi. Me lo turne peko na mbi, lo hon ti lo. Be ti mbi afâ. Mbi gi lo, me mbi wara lo pepe; mbi iri lo, me lo yeda pepe.

Ésaïe 1:15

Tongana ala yoro maboko ti ala na nduzu ti sambela, mbi yeke bi le ti mbi na ngonda. Ataa ala sambela tongana nyen, mbi yeke ma ala pepe, ngbanga ti so maboko ti ala atuku mene mingi.

Jérémie 11:11

“Ndani laa, tënë so KOTA GBIA atene ayeke so: ‘Fade mbi yeke sara si mbeni kota kpale aga na ndö ti ala; kota kpale so ala lingbi ti sigigi na ya ni pepe. Ala yeke dekongo ti iri mbi, me mbi yeke ma ala pepe.

Jérémie 14:12

Ataa ala ke kobe, fade mbi yeke ma dema ti ala pepe. Ataa ala ya na mbi asandaga so a yeke gbi ni kue na wâ nga na asandaga ti ale ti kobe, ayeke nzere na be ti mbi pepe. Me mbi yeke hunzi ala na lege ti bira, na lege ti nzara nga na lege ti sioni kobela ti bubango kodro.”

Ezekiel 8:18

Mbi nga, fade mbi yeke sara ye na ala na lege ti ngonzo ti mbi ti wâ. Mbi yeke baa mawa ti ala pepe, mbi yeke zia zo oko pepe. Ataa ala dekongo na mbi na kota go, mbi yeke ma ala pepe.”

Osée 5:15

“Fade mbi *KOTA GBIA, mbi yeke gue, mbi yeke kiri na ndo ti mbi ngbii asi na ngoi so ala hinga sioni ti ala, ala gi le ti mbi si. Na ndembe so ye ti ngangu ayeke si na ala, fade ala yeke gi mbi.”

Osée 5:6

Fade ala yeke mu ataba ti ala na abagara ti ala ti gue ti gi KOTA GBIA, me ala yeke wara lo pepe; KOTA GBIA azi tere ti lo na ala awe.

Amos 8:12

Fade azo ayeke tambula tongana ti azo so nzara awoko ala, ti londo na mbage ti Mbongo ti si na mbage ti Do, ti londo na mbage ti Banga ti si na mbage ti To, ala yeke fono ti gi ti ma tënë ti KOTA GBIA, me ala yeke wara ni pepe.

Mishe 3:4

Ndani laa, na ngoi so ala yeke dekongo ti iri *KOTA GBIA, lo yeke kiri tënë na ala pepe. Fade lo yeke honde le ti lo na ala ndali ti asioni ye so ala sara.

Zakarii 7:13

Nilaa KOTA GBIA so ayeke na ndö ti dunia kue, atene: “So lani mbi iri ala si ala ke ti ma so, mbi nga, ala iri mbi si mbi ke ti ma ala.

Ndia ti fani use ni 1:45

Na kiringo ti ala, azo ti Israel, ala toto na KOTA GBIA; me lo ma ala pepe, lo dingi mê ti lo kete pepe ti ma ala.

Jacques 4:3

Tongana ala hunda mbeni ye, ala yeke wara ni pepe, ngbanga ti so ala hunda na legeni pepe, me ala hunda ni ti buba gi na lege ti anzara ti be ti ala.

1 Samuel 8:18

Na lango ni so, ala yeke dekongo ndali ti gbia so ala wani asoro lo. Me KOTA GBIA ayeke kiri tënë na ala oko pepe.”