Amato 1:27 - Mbeti ti Nzapa - Tënë so amu fini

²⁷ Biani, fade kota mbeto ayeke ga na ndö ti ala tongana kota pupu; ye ti ngangu ayeke ti na ndö ti ala tongana ngangu pupu ti ngu-Nzapa; pasi na ye ti mawa ayeke hon ndö ti ala.

Amato 1:27 ပူးပေါင်းရင်းမြစ်များ

Mbeti ti Job 27:9

Tongana ye ti ngangu asi na lo, fade Nzapa ayeke ma dekongo ti lo?

Abia (Psaumes) 58:9

Ayeke nzoni ala ga tongana ngonzâ so akui si azia dongo ti tere ti lo na sese. Ayeke nzoni ala ga tongana akete molenge so a du ala na kuâ ni si ala baa lâ pepe.

Ésaïe 17:13

Wusuwusu ti amara nde ayeke tongana toto ti kota ngu. *KOTA GBIA asuku na ala, ala kpe yongoro, lo tumba ala tongana holengo pere so pupu ti li ti hoto ahon na ni, tongana fuku ti sese so kota pupu ahon na ni.

Jérémie 23:19

Baa, ngangu pupu ti KOTA GBIA ayeke ga, sioni ngonzo ti lo alondo awe, sioni pupu ti ngu-Nzapa ayeke ya si ayeke turne wirrr ti ti na li ti azo ti sioni.

Nahum 1:3

KOTA GBIA ayeke sara ngonzo hio hio pepe, lo yeke ngangu mingi. Me zo so asara siokpari, lo yeke zia lo senge pepe. Lo yeke tambula na ya ti kota pupu so ayeke ya ngangu, lo yeke tambula nga na ya ti ngu-Nzapa so ayeke pika mingi mingi so. Ambinda ayeke tongana fuku ti sese, fuku ti sese so ayeke londo na peko ti gere ti lo.

Rome 2:9

Azo so kue ayeke sara ye ti sioni, fade ye ti ngangu na pasi ayeke si na ala, azuife kozoni si na pekoni azo ti amara nde.

1 Tesalonike 5:3

Na ndembe so azo ayeke tene ande, atene: “E yeke na siriri, mbeni ye ti sarango e ayeke daa pepe!”, gi na ndembe so laa kota kpale ayeke ti na ndö ti ala fafade tongana songo ya ti mama ti ngo so aga nduru ti du. Fade ala yeke wara lege ti sigigi na ya ni pepe.