Amato 1:18 - Mbeti ti Nzapa - Tënë so amu fini

¹⁸ Me ti azo ti fango azo ni, ala bi gbanda ndali ti ala wani, ala honde tere ti ala ti sara sioni na ala wani.

Amato 1:18 ပူးပေါင်းရင်းမြစ်များ

Esther 7:10

Ala kanga go ti Haman na nduzu na tere ti keke so lo wani, lo leke ndali ti Mardochée. Na pekoni, ngonzo ti gbia ade.

Abia (Psaumes) 55:23

Zi akungba ti be ti mo, mo zia na ndö ti KOTA GBIA, fade lo yeke mu na mo aye so kue atia mo. Lo yeke zia zo ti mbirimbiri titene mbeni ye ayingi lo pepe.

Abia (Psaumes) 9:16

Azo ti mara nde ati na ya ti du so ala wani azi; kuku so ala leke na hondengo ni, kuku ni akiri agbu gere ti ala wani.

Amato 1:11

Ala lingbi ti tene na mo: “Ga na peko ti e! E gue, e honde tere ti e titene e fâ azo so ayeke hon na lege. Azo so asara ye oko na e pepe so, e fâ ala senge senge!

Amato 1:17

Tongana zo abi gbanda si ndeke abaa lo na bingo ni, fade ndeke ni ayeke ti na ya ti gbanda ni pepe.

Amato 11:19

Zo so aleke na be ti lo ti sara ye ti mbirimbiri, fade lo yeke ngba na fini; me zo so ayeke kpe na peko ti sarango sioni ye, lo yeke gue na le ti kuâ.

Amato 11:5

Mbirimbiri ti zo so sarango ye ti lo ayeke na legeni ayeke sara si fini ti lo aduti mbirimbiri; me sarango sioni ti zo ti sioni asara si lo ti.

Amato 28:17

Zo so ngbanga ti kuâ ti mbeni zo ayeke na li ti lo, lo yeke kpe ngbii ti li na da ti kanga; ayeke nzoni zo oko akanga lege na lo pepe.

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,