Amato 1:12 - Mbeti ti Nzapa - Tënë so amu fini

¹² E mene ala na fini ni tongana ti so du ti kuâ ayeke mene akuâ; e mene ala na ngbongboro ni, titene ndo ti akuâ ni amene ala.

Amato 1:12 ပူးပေါင်းရင်းမြစ်များ

Abia (Psaumes) 124:3

na ngonzo ti ala ti wâ so alondo na tere ti e so, ka ala mene e na fini ni awe.

Abia (Psaumes) 143:7

KOTA GBIA, kiri tënë na mbi hio, be ti mbi awoko kue awe! Honde le ti mo na mbi pepe, tongaso pepe, fade mbi yeke ga tongana azo so ayeke li na ya ti du ti kuâ.

Abia (Psaumes) 28:1

Bia ti David. *KOTA GBIA, mo so mo yeke Kota Têne so mbi luti na ndö ni ngangu, mo laa mbi iri mo; kanga mê ti mo pepe! Tongana mo kiri tënë na mbi pepe, fade mbi yeke ngba zo pepe; mbi yeke kpa azo so aga nduru ti kui.

Abia (Psaumes) 35:25

Ayeke nzoni ala tene na be ti ala pepe, atene: “Huuu! Huuu! Ye so e ye fade laa!” Ayeke nzoni ala tene pepe: “E mene lo awe!”

Abia (Psaumes) 5:9

KOTA GBIA, mo yeke mbirimbiri, fa na mbi lege ndali ti so awato ti mbi ayeke hara mbi; leke lege ti mo mbirimbiri na dawa ti mbi si mbi hon daa.

Abia (Psaumes) 57:3

Mbi dekongo na Nzapa, lo so lo yeke na yayu kâ na ndö ti aye kue; mbi dekongo na Nzapa, lo yeke sara ande ye kue ndali ti mbi.

Amato 1:13

Fade e yeke wara aye nde nde ti ngangu ngere si ya ti ada ti e ayeke si singo na aye so e gbu.

Jérémie 51:34

“Nabukodonosor, gbia ti Babilone ate mbi awe, lo pete ya ti mbi kue, lo do mbi, lo zia tongana sembe so ya ni angba senge. Lo mene mbi tongana kota ngbo so amene ye; lo sara si ya ti lo asi na anzerengo ye ti tere ti mbi; na pekoni lo bi tanga ni na ngonda.

Abia ti demango tere 2:16

Awato ti ala azi yanga ti ala ti gi tënë na ala. Ala yeke huru yanga ti ala, ala yeke te pembe ti ala na ngonzo si ala yeke tene: “E yeke hunzi ala hunzingo. Een! Lango ni alingbi awe! E ku lango ni ngbii, e si daa awe, e baa ni awe!”

Abia ti demango tere 2:5

KOTA GBIA asara e tongana taa wato; lo hunzi azo ti kodro ti Israel kue; lo kungbi akota da ti amakonzi ni kue na sese; lo fâ angangu gbagba ti kodro ni na sese. Pasi ti azo ti kodro ti Juda ahon ndoni; gi demango tere na demango tere.

Wungo ti azo 26:10

Sese azi yanga ti lo si amene ala, ala na Kore kue. Na lango ni so laa bongbi ti azo ti Kore akui si wâ agbi akoli ngbangbo use na baleoku. Ye ni so asi ti ga tapande ndali ti tanga ti azo ni.

Rome 3:13

Tënë ti yanga ti ala ayeke fâ zo fango, menga ti ala ayeke ti handango na zo, tënë ti yanga ti ala ayeke sara sioni tongana ngu ti yanga ti ngbo.