Amato 1:10 - Mbeti ti Nzapa - Tënë so amu fini

¹⁰ Molenge ti mbi, tongana asioni kamarade aye ti handa mo titene mo sara sioni, ayeke nzoni mo ke.

Amato 1:10 ပူးပေါင်းရင်းမြစ်များ

Tongo nda ti aye 37:20

Lango ni alingbi awe! Ala ga, e fâ lo, e bi kuâ ti lo na ya ti mbeni du ti ngu. Na pekoni, e gue, e tene, mbeni sioni nyama ate lo awe. Fade e yeke baa, abango-li ti lo ni ayeke ga tongana nyen.”

Abia (Psaumes) 1:1

Ti lo nzoni, zo so ake ti tambula na lege ti wango ti azo ti sioni, zo so ake ti luti ndo oko na azo ti siokpari, zo so ake ti duti na popo ti azo ti hengo Nzapa.

Abia (Psaumes) 50:18

Tongana mo baa zo ti nzi, mo yeke ga mba ti lo; mo yeke duti ndo oko na azo ti nzingo wali.

Amato 13:20

Zo so ayeke fono na azo ti ndara, fade lo yeke ga zo ti ndara; me zo so ayeke sara kamarade na azo ti buba, lo yeke baa sioni daa.

Amato 16:29

Zo ti sarango ngangu na zo, lo yeke handa amba ti lo si lo yeke gue na ala na sioni lege.

Amato 20:19

Zo so afono na iri ti amba ti lo, lo yeke fa nga na gigi atënë so ahonde; mo kpe lege ti azo so ayeke diko atënë gbani gbani.

Amato 24:2

Biani, ala yeke gbu li ti ala gi ti buba ndo; ala yeke tene gi tënë ti asioni ye so ala ye ti sara.

Ésaïe 33:15

– Zo so ayeke sara ye ti mbirimbiri si lo yeke tene taa-tënë; zo so ake ti wara ye na lege ti sarango ngangu na azo, zo so ake titene a pete na lo goro, zo so akanga mê ti lo titene lo ma atënë ti fango zo pepe, zo so akanga le ti lo titene lo baa ye ti sioni pepe.

Rome 16:18

ngbanga ti so azo ni ayeke sara kua ti Christ, *Kota Gbia ti e pepe, me ala yeke gi gi kobe ti ya ti ala. Anzoni tënë na anzerengo tënë ayeke sigigi na yanga ti ala ti handa na azo so le ti ala azi pepe.

Efeze 5:11

Aye so azo ayeke sara na ya ti vukongo ndo ayeke sara nzoni na zo oko pepe. Ala azo ti Nzapa, ala yoro tere ti ala na ya ni pepe, me ala sigigi na nda ti aye ni.

Ndia ti fani use ni 13:8

Amara so angoro ala, azo ti Israel, ala so ayeke nduru na ala, wala ala so ayeke na yongoro ndo, ti londo na nda ti sese asi na mbeni nda ni, ala laa ayeke voro anzapa ni so. –