Ahebro 9:9 - Mbeti ti Nzapa - Tënë so amu fini

⁹ Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.

Ahebro 9:9 ပူးပေါင်းရင်းမြစ်များ

Rome 5:14

Andaa, ti londo na Adam ngbii asi na Moïse, kuâ ayeke na ngangu na ndö ti azo kue, ataa siokpari so ala sara ayeke legeoko na siokpari ti Adam pepe. Adam ayeke limo ti zo so ayeke ga ande.

Galasii 3:21

So ti tene *Ndia ake tënë ti azendo ti Nzapa? Oko pepe! Tongana mbeni ndia alingbi fade ti mu fini na zo, ka azo aga mbirimbiri biani na le ti Nzapa na lege ti ndia awe.

Ahebro 10:11

Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Ahebro 11:19

Abraham atene na be ti lo, atene: ataa zo akui awe, Nzapa ayeke na ngangu ti zingo lo na kuâ. Biani, Abraham akiri awara molenge ti lo, mo baa mo tene, molenge ni alondo na ndo ti akuâ si akiri na fini.

Ahebro 5:1

A yeke soro kota wayango-sandaga na popo ti azo si a yeke zia lo titene lo sara kua ti Nzapa ndali ti azo, ti leke tënë na popo ti azo na Nzapa. Kua ti kota wayango-sandaga ayeke ti ya aye so azo aga na ni na Nzapa, ti ya nga *sandaga na Nzapa ndali ti asiokpari ti azo.

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 8:4

Tongana lo yeke fade na sese so, ka lo duti wayango-sandaga oko pepe, ngbanga ti so awayango-sandaga ayeke daa awe, ala so ayeke ya aye na Nzapa alingbi na *Ndia ti Moïse.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

1 Pierre 3:21

So ayeke limo ti bateme so ayeke soo ala fadeso. Bateme ni ayeke ye ti sukulango zende na tere ti zo pepe, me ayeke ti hunda na Nzapa titene mbeni ye ti sioni aduti na be ti zo ni pepe. Bateme ni ayeke soo ala na kuâ, ngbanga ti so Jésus Christ azingo na kuâ awe.