Ahebro 9:8 - Mbeti ti Nzapa - Tënë so amu fini

⁸ Na lege so, Yingo-Vuru ayeke fa atene, so kozo da ti bongo ni angba so, lege ti si na use ndo ni ade ti zi pepe, ndo so ayeke nde si ayeke nzoni kue ahon atanga ni.

Ahebro 9:8 ပူးပေါင်းရင်းမြစ်များ

Ésaïe 63:11

Tongaso, azo ti lo adabe ti ala na ngoi ti giriri, ngoi so Moïse ayeke ando na ala: “Lo so lo sara si azo ti lo so ayeke tongana ataba ti lo nga na amakonzi ti ala afâ kota ngu-ingo si ala sigigi so, lo yeke na ndo wa? Lo so ando lo zia yingo ti lo so ayeke nde si ayeke nzoni kue na popo ti azo ti lo so, lo yeke na ndo wa?

Nzoni Tënë so Luc asu na mbeti 1:80

Molenge ni ayeke kono si ndara ti lo ayeke mai. Lo duti na benyama ngbii asi na lango so lo sigigi polele na le ti azo ti Israel.

Jean 10:7

Jésus akiri atene: “Biani, mbi tene na ala taa-tënë: mbi laa mbi yeke yanga ti gbagba ti ataba ni.

Jean 10:9

Mbi yeke yanga ti gbagba ni. Zo so ali na lege ti mbi, fade lo yeke soo kuâ; lo yeke li, lo yeke sigigi si lo yeke wara kobe ti tengo ni.

Jean 14:6

Jésus akiri tënë na lo: “Mbi yeke lege ni, taa-tënë na fini. Zo oko alingbi ti gue na Babâ na mbeni lege nde pepe, gi na lege ti mbi.

Awatokua 28:25

Azo ni ama tere na popo ti ala na ndö ti tënë ni pepe. So ala londo ti gue, Paul atene na ala gi mbeni tënë oko, lo tene: “Tënë so ando Yingo-Vuru atene na akotara ti ala na lege ti wayanga-Nzapa Ésaïe so ayeke taa-tënë! Yingo-Vuru atene:

Galasii 3:8

Mbeti ti Nzapa atene tënë ti ye ni so kozoni awe: fade Nzapa ayeke sara si azo ti amara nde ayeke ga mbirimbiri na le ti lo na lege ti mabe. Mbeti ni atene nzoni tënë so kozoni na Abraham, atene: “Na lege ti mo, fade Nzapa ayeke sara tufa na ndö ti amara kue.”

Efeze 2:18

Biani, ndali ti lo si e, azuife, na ala azo ti amara nde, e ga nduru na Nzapa Babâ, na lege ti oko Yingo-Vuru.

Ahebro 10:15

Yingo-Vuru atene nga na e tënë na ndö ni. Lo tene kozoni, lo tene:

Ahebro 3:7

Ndani laa, tongana ti so Yingo-Vuru atene: “Laso, tongana ala ma go ti Nzapa,

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.