Ahebro 9:7 - Mbeti ti Nzapa - Tënë so amu fini

⁷ Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.

Ahebro 9:7 ပူးပေါင်းရင်းမြစ်များ

2 Samuel 6:7

Ngonzo ti KOTA GBIA alondo na tere ti Uza. Nzapa afâ lo, ngbanga ti sarango ye ti buba ti lo. Lo kui gi na ndo so, na tere ti sanduku ti mbuki ti Nzapa ni.

2 Mbai 33:9

Me Manase apusu azo ti Juda na ti Jérusalem titene ala kiri asara sioni ahon amara so KOTA GBIA afâ ando ala kue kue kue na dawa ti azo ti Israel so.

Abia (Psaumes) 19:12

Atënë ni azi nga le ti mbi, zo ti kua ti mo; zo ayeke wara ye mingi na lege ti batango atënë ni.

Abia (Psaumes) 95:10

Na ya ti ngu baleosio, azo ti ngoi ni so asara ye so aso be ti mbi, nilaa mbi tene: ‘Li ti azo so ague kirikiri awe, lege so mbi ye ala mu, ala hinga ni pepe.’

Sigingo 30:10

Fani oko na ya ti ngu oko, fade Aaron ayeke zi siokpari na tere ti gbalaka ni. Lo yeke zia mene na ndö ti adidi ti gbalaka ni; mene ti nyama so a ya na sandaga ti zi siokpari na li ti azo. Na peko ti ngu oko oko, lo yeke kiri ti sara gi mara ti ye so, ngu na ngu. Gbalaka so ayeke duti nde si ayeke duti nzoni kue ahon atanga ni ndali ti mbi KOTA GBIA.”

Ésaïe 28:7

Ndali ti vin so asara ala, ataa awayango-sandaga na awayanga-Nzapa agirisa lege. Ndali ti ngangu samba, ala yeke tambula kirikiri. Samba asara si ala girisa lege. Ndali ti vin, li ti ala aga kirikiri, tongana ala baa ye na ya ti mbeni ye tongana bango-li, ala yeke girisa lege, ala hinga li ti ala na ngbanga so ala yeke fâ pepe.

Ésaïe 29:14

Ndani laa, fade mbi yeke ngba ti sara si li ti azo so akpe na lege ti aye ti dongo be. Fade a yeke buba ndara ti azo ti ndara, a yeke honde hingango ndo ti azo ti hingango ndo.”

Ésaïe 3:12

KOTA GBIA atene: “Azo ti mbi, azo so ayeke sara ngangu na ala ayeke gi amolenge, awali laa ayeke sara komandema na ndö ti ala. Azo ti mbi, azo so ayeke fa lege na ala asara si ala girisa lege, ala yeke fa na ala sioni lege.”

Ésaïe 9:16

Ndani laa KOTA GBIA ayeke baa mawa ti amaseka ti azo ni so pepe; anyindu ti ala nga na awali-mua ti ala, lo yeke baa mawa ti ala pepe. Biani, ala kue ake Nzapa, ala yeke azo ti sarango sioni; atënë ti yanga ti ala kue gi buba tënë. Ataa so kue, ngonzo ti KOTA GBIA akai pepe, maboko ti lo angba gi na nduzu.

Osée 4:12

Azo ti mbi ayeke hunda yanda ti ala ti keke si nduru keke laa ayeke kiri tënë na ala. Biani, yingo ti sarango ye ti ndumba asara si ala girisa lege. Na sarango ye ti ndumba ni, ala yeke gue yongoro na Nzapa ti ala.

Awayango-sandaga 16:34

“So ayeke mbeni ndia so ayeke ngba kpu na kpu ndali ti ala. Fade ala yeke sara ye alingbi na ni ti zi siokpari kue na li ti azo ti Israel, fani oko na ya ti ngu oko oko.” Aaron asara ye alingbi na yanga so kue KOTA GBIA amu lani na Moïse.

Awayango-sandaga 5:18

Alingbi zo ni amu koli-taba so mbeni mbage ti lo abuba pepe, lo ga na ni na wayango-sandaga; koli-taba so ngere ti lo alingbi na ngere ti taba so a yeke mu ka na sandaga ti lekengo tënë. Tongana wayango-sandaga asara ye ni so kue na tere ti zo ni ndali ti siokpari so lo sara na mbana ti be ti lo pepe si lo hinga pepe, tongaso Nzapa azi siokpari na li ti zo ni awe.

Amos 2:14

Ataa azo so gere ti ala ayapu na mungo loro, ala lingbi ti kpe pepe; ataa azo so ayeke na ngangu mingi, ala lingbi ti sara ye na ngangu ti ala ni pepe; ataa angangu turugu, ala lingbi ti soo fini ti ala pepe.

Wungo ti azo 15:25

Fade wayango-sandaga ayeke sara ye so afa atene, Nzapa azi siokpari na li ti bongbi ti azo ti Israel kue. Tongaso Nzapa azi siokpari ni awe. Biani, ala sara sioni ni na mbana ti be ti ala pepe, nilaa ala mu sandaga so a yeke gbi ni kue na wâ nga na sandaga ndali ti zingo siokpari na li ti zo.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

Ahebro 10:3

Me asandaga so azo ayeke mu so asara si ngu na ngu, ala yeke dabe ti ala na asiokpari ti ala,

Ahebro 6:19

Ti fini ti e ayeke nga tongaso: ye so e zia be ti e ti ku ayeke tongana nengo wen so a yeke bi na ya ti ngu, agbu mangboko si aluti mbirimbiri. Ye so e zia be ti e ti ku ayeke ye so aluti mbirimbiri, ye ni ahon na ya ti ridoo so a kanga na ya ti kota da ti Nzapa so ayeke na yayu, ague ngbii asi na ndo so ayeke nde si ayeke nzoni kue ahon atanga ni.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 9:3

Na peko ti use ridoo ni, mbeni ndo ayeke daa so a iri ni “ndo so ayeke nde si ayeke nzoni kue ahon atanga ni”.