Ahebro 9:27 - Mbeti ti Nzapa - Tënë so amu fini

²⁷ A diko na zo kue ti kui gi fani oko, na pekoni, Nzapa ayeke fâ ngbanga na li ti lo.

Ahebro 9:27 ပူးပေါင်းရင်းမြစ်များ

Tongo nda ti aye 3:19

Mo yeke wara kobe ti mo gi na gbiki ti li ti mo, ngbii asi na lango so mo yeke kiri na ya ti sese, ngbanga ti so a mu mo na ya ti sese. Mo yeke fuku ti sese, mo yeke kiri ande na ya ti fuku ti sese.”

2 Samuel 14:14

Mbeni lâ, fade e kue, e yeke kui. E yeke tongana ngu so zo atuku na sese si lo lingbi ti kiri ti to ni pepe. Me ye so Nzapa adiko laa pepe ndali ti lo so a tumba lo ti gue na mbeni kodro yongoro; me Nzapa aleke na be ti lo titene zo ni angba yongoro na lo pepe.

Mbeti ti Job 14:5

Biani, mo diko lango ti fini ti zo awe, mo diko wungo ti nze ti lo si lo lingbi ti hon ni pepe.

Mbeti ti Job 19:25

Ti mbi, mbi hinga so zo ti zingo mbi ayeke na fini; na ndani, lo yeke luti na ndö ti sese.

Mbeti ti Job 30:23

Mbi hinga kue, mo yeke gue na mbi na kuâ laa, ndo so a diko ndali ti azo so kue ayeke na fini.

Abia (Psaumes) 89:48

Dabe ti mo na mbi si: lango ti fini ti mbi ayeke gi nduru! Mo sara zo titene lo ga gi senge senge ye?

Zo ti bongbingo azo 11:9

Maseka-koli, na ngoi so mo de maseka, mo sara ngia biani. Ayeke nzoni be ti mo aduti na ngia na ngoi ti maseka ti mo. Sara ye so be ti mo aye; sara ye so le ti mo abaa. Me ayeke nzoni mo hinga, mo tene, Nzapa ayeke iri ande mo na ngbanga ndali ti aye oko oko so mo sara.

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Zo ti bongbingo azo 12:7

Na ngoi ni so, fade tere ti zo ayeke kiri na ya ti fuku ti sese, ngbanga ti so a mu zo na ya ti fuku ti sese. Na pekoni, yingo ayeke kiri na Nzapa so amu yingo na zo.

Zo ti bongbingo azo 3:2

Ngoi ti dungo ayeke daa, ngoi ti kuâ ayeke daa; ngoi ti lungo ye ayeke daa, ngoi ti gbotongo ye so a lu ayeke daa.

Zo ti bongbingo azo 3:20

Ye kue ayeke gue gi na ndo oko; ye kue alondo na ya ti fuku ti sese, ye kue ayeke kiri na ya ti fuku ti sese.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Zo ti bongbingo azo 9:5

Biani, azo so ade na fini ahinga atene, fade ala yeke kui. Me akuâ ahinga ye oko pepe; ti ala, ala yeke kiri ti wara futa pepe, ngbanga ti so be ti azo agirisa na ala awe.

Nzoni Tënë so Luc asu na mbeti 20:32

Na ndani, wali ni nga akui.

Awatokua 17:31

Lo leke mbeni lango awe so lo yeke fâ ande ngbanga na li ti azo kue na legeni. Lo soro wafango-ngbanga ni awe, lo fa zo ni na azo kue na lege ti so lo zingo lo na kuâ.”

Rome 2:5

Me be ti mo akpengba si mo ye ti zia ngbene lege ti sarango ye ti mo ni pepe. Ndani laa mo yeke bongbi gba ti ngonzo ti Nzapa na ndö ti mo ti ku na lango ti ngonzo ti ndani. Na lango ni so, lo yeke fa so fango ngbanga ti lo ayeke mbirimbiri,

Rome 5:12

Siokpari aga na ndö ti dunia so na lege ti zo oko, Adam, si na lege ti siokpari, kuâ aga. Tongaso kuâ amu azo kue, ngbanga ti so azo kue asara siokpari awe.

1 Korente 4:5

Ndani laa, alingbi ala fâ ngbanga na li ti zo kozo pepe si ngoi ni alingbi, ala ku Kota Gbia aga si. Ye so angba na hondengo ni na ya ti vukongo ndo, fade lo yeke fa ni na gigi polele; aye so azo aleke na be ti ala ti sarango ni, fade lo sigigi na nda ni. Tongaso, Nzapa ayeke gonda zo oko oko alingbi na kua so lo sara.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

2 Timothée 4:1

Na le ti Nzapa nga na le ti Jésus Christ so ayeke ga ande ti fâ ngbanga ti azo so ade na fini na azo so akui awe, ndali ti kiringo ti lo ti ga ti duti *Kota Gbia, mbi hunda na mo titene

Ahebro 10:27

Me ye so angba ayeke gi ti ku na kota mbeto na be ngbanga ti Nzapa na kota wâ so ayeke gbi azo so ake Nzapa.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

1 Jean 4:17

Tongana ndoye so ayeke na be ti e alingbi kue, na lango ti kota ngbanga, be ti e ayeke do pepe, ngbanga ti so dutingo ti e na dunia so ayeke tongana ti Jésus Christ.

Jude 1:15

Lo yeke ga ti fâ ngbanga na li ti azo kue, ti kanga azo ti sioni ndali ti asioni ye so kue ala sara. Lo yeke kanga nga azo ti siokpari so ayeke azo ti sioni ndali ti asioni yanga so kue ala tene na tere ti lo.’ ”

Aye so Nzapa afa 20:11

Na pekoni, mbi kiri mbi baa mbeni kota vuru mbata ti gbia. Mbi baa nga lo so ayeke duti na ndö ni so. Sese na yayu alondo na dawa ti lo, akpe ahon, a kiri a baa ala mbeni pepe.