Ahebro 9:26 - Mbeti ti Nzapa - Tënë so amu fini

²⁶ Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

Ahebro 9:26 ပူးပေါင်းရင်းမြစ်များ

2 Samuel 12:13

David atene na Natan: “Mbi sara siokpari so ake KOTA GBIA awe.” Natan akiri tënë na David, atene: “KOTA GBIA azi siokpari na li ti mo awe; mo yeke kui pepe.

2 Samuel 24:10

Na peko ti so David adiko wungo ti azo, be ti lo apika kpu kpu kpu. Lo tene na *KOTA GBIA, lo tene: “Ye so mbi sara so ayeke sioni mingi. Mbi hinga, mbi tene, mbi sara ye tongana zo so li ti lo ayeke daa pepe. Fadeso, KOTA GBIA, mo zi siokpari so na li ti mbi, zo ti kua ti mo.”

Mbeti ti Job 7:21

Mo lingbi ti kanga be ti mo na siokpari ti mbi pepe? Mo lingbi ti zi sioni na li ti mbi pepe? Fadeso mbi ga nduru ti lango tongana kuâ na ya ti fuku ti sese. Tongana mo gi mbi, mbi yeke daa mbeni pepe.

Abia (Psaumes) 103:12

Tongana ti so To ayo na Do, lo yeke zi aye ti kirikiri ti e, lo zia ni yongoro legeoko tongaso.

Ésaïe 2:2

Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara nde kue ayeke gue kâ tongana ngu so ayeke sua.

Daniel 10:14

Fadeso mbi ga ti sara si mo hinga ye so ayeke si gbanda na azo ti mo. Baa, ye so mo baa tongana bango-li so ayeke kiri ti duti daa ndali ti alango so.’

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Mishe 4:1

“Mbeni lâ, gbanda, hoto so kota da ti *KOTA GBIA ayeke na ndö ni ayeke luti ngangu na ndö ti akota hoto kue; hoto ni ayeke yo na nduzu ahon akete hoto kue si amara ayeke gue kâ tongana ngu so ayeke sua.

Matthieu 13:39

wato so alu asioni pere ni ayeke Zabolo; ngoi ti fango ale ti kobe ni ayeke lango ti ndani; azo ti fango ale ti kobe ni ayeke *a-ange.

Matthieu 13:40

Na lango ti ndani, fade ye ni ayeke duti tongana ti so a sara na asioni pere so a bongbi ni si a gbi ni so:

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Jean 1:29

Lango oko na pekoni, Jean abaa Jésus so ayeke ga na mbage ti lo si lo tene: “Baa, Kete Taba ti Nzapa so ayeke zi siokpari na li ti azo ti dunia laa!

Jean 17:24

Babâ, mo laa mo mu ala na mbi. Mbi ye titene ala duti na mbi na ndo so mbi yeke daa si ala baa gonda so mo gonda na mbi, ngbanga ti so mo ye mbi kozo si dunia abaa gigi.

1 Korente 10:11

Aye so asi ando na akotara ti e titene e manda ye na lege ni. A su ni na mbeti ti gboto mê ti e, ngbanga ti so e yeke na ngoi so nda ti aye kue aga nduru ti si awe.

Galasii 4:1

Tënë so mbi ye ti tene ayeke so: tongana mbeni babâ aleke amosoro ndali ti molenge ti lo, na ngoi so molenge ni angba ti kono, dutingo ti lo ayeke tongana ti mbeni ngbaa, ataa so amosoro ni kue ayeke ti lo.

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 1:2

Me na ngoi ti ndani so e yeke daa, lo tene tënë na e na lege ti Molenge ti lo. Nzapa asara dunia mobimba na lege ti Molenge si lo zia Molenge ni titene aye kue aga ti lo.

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 10:26

So e hinga taa-tënë nzoni kue awe so, tongana e ngba ti sara siokpari na be ti e wani, mbeni *sandaga nde ndali ti asiokpari ayeke daa pepe.

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

Ahebro 4:3

Ti e so e ma na be na Nzoni Tënë ni, e yeke li na ndo ti wungo tere ni. Nzapa atene ando, atene: “Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!” Andaa, Nzapa atene tënë so na peko ti so lo hunzi kua ti lo kue awe, ngbene ye so dunia abaa gigi.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Pierre 4:7

Ye kue aga nduru ti hunzi awe. Tongaso, alingbi ala sara ye na ndara, le ti ala akpengba, tongaso si ala lingbi ti sambela.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

1 Jean 3:8

Zo so ayeke sara siokpari, lo yeke zo ti Zabolo, ngbanga ti so Zabolo ayeke sara siokpari, ngbene ye na tongo nda ni. Molenge ti Nzapa aga mbirimbiri ti buba aye so Zabolo ayeke sara.

Aye so Nzapa afa 13:8

Fade azo ti ndö ti sese kue ayeke voro nyama ni. Azo so ayeke voro lo ayeke azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa, mbeti ti Molenge ti Taba so a fâ lo so.

Aye so Nzapa afa 17:8

Nyama so mo baa lo so ayeke ando na fini, me lo yeke na fini mbeni pepe. Lo yeke londo ande na ya ti *kota du so alinda mingi si lo yeke sigigi titene a buba lo biani biani. Fade li ti azo ti sese ayeke kpe na bango nyama ni, so ti tene azo so, ngbene ye so dunia abaa gigi, iri ti ala ayeke na ya ti mbeti pepe, mbeti so a su iri ti azo so ayeke na taa fini daa. Biani, nyama ni ayeke ando na fini, me fadeso lo yeke na fini mbeni pepe; fade lo yeke kiri ti ga.