Ahebro 9:2 - Mbeti ti Nzapa - Tënë so amu fini

² Ndali ni, azo aleke mbeni da ti bongo. Kozo ndo ti ya ti da ti bongo ni, a iri ni “ndo so ayeke nde si ayeke nzoni kue”. Na ndo ni so, ala zia gere ti alamba na meza daa, meza so mapa ti mungo na Nzapa ayeke na ndö ni.

Ahebro 9:2 ပူးပေါင်းရင်းမြစ်များ

Sigingo 25:23

“Fade ala yeke sara mbeni meza na keke ti akasia. Yongoro ni ayeke metere oko, nduru ni santimetere baleoku, yongo ni na nduzu santimetere balembarambara na oku.

Sigingo 25:30

Fade ala yeke mu mapa so a leke si a yeke zia na dawa ti mbi, ala zia na ndö ti meza ni si angba na dawa ti mbi lakue lakue.”

Sigingo 25:31

“Fade ala yeke sara mbeni gere ti alamba na lôro ti nzoni ni so a pika tere ni pikango. Gere ti alamba ni, amaboko ni, akopo ni, akutu ni nga na akongo ni ayeke bongbi kue ti ga gi ye oko.

Sigingo 26:1

Ti da so Nzapa ayeke duti daa, fade azo ti sarango ye na kode ayeke sara ni na amapia-bongo baleoko so ayeke na kamba ti *len so akpengba kpengbango, so a bongbi ni na kua ti tere ti taba so nzoroko ni akpa le ti nduzu, na mbeni so abe bengo si mbeni abe si ayeke za zango. Fade ala yeke kpo alimo ti *asheruben na tere ni.

Sigingo 26:33

Ala yeke kanga ridoo ni na nduzu na gbe ti akongi ni. “Na peko ti ridoo ni kâ, ala yeke zia sanduku so a zia na ya ni atêne so a su atënë ti mbuki na le ni. Ridoo ni ayeke kangbi popo ti ndo so ayeke nde si ayeke nzoni kue na ndo so ayeke nde si ayeke nzoni kue ahon atanga ni.

Sigingo 26:35

Na dawa ti ridoo ni, na mbage ti Banga, na ndo so ayeke nde si ayeke nzoni kue so, ala yeke zia meza ni daa. Ti gere ti alamba ni, ala yeke zia ni abaa ndo le na le na meza ni, na mbage ti Mbongo ti da ni.

Sigingo 29:1

“Lege so mo yeke zia Aaron na amolenge ti lo nde titene ala sara kua ti awayango-sandaga na mbi ayeke so: “Fade mo yeke mu koli-bagara oko na akoli-taba use so mbage ti tere ti ala abuba pepe;

Sigingo 29:35

“Fade mo yeke sara na Aaron na amolenge ti lo alingbi gi na yanga so mbi mu na mo. Ala yeke mu lango mbarambara ti sara matanga ti lingo ti ala na kua ni.

Sigingo 40:2

“Na kozo lango ti kozo nze, fade mo yeke gbara da ti bongo so mbi na azo ti mbi e yeke wara tere daa, da so mbi yeke duti daa.

Sigingo 40:4

Mo yeke ga na meza ni si mo yeke zia na ndö ni mapa so a yeke zia na dawa ti KOTA GBIA. Mo yeke ga na gere ti alamba ni si mo yeke zia wâ na ya ti alamba ni.

Matthieu 12:4

Lo li na ya ti da ti Nzapa si lo na azo so amu peko ti lo ate mapa so a mu na *sandaga na Nzapa. Andaa a mu lege na ala pepe ti te mapa ni, me gi awayango-sandaga laa alingbi fade ti te ni!

Matthieu 5:15

Zo ayeke zia wâ na ya ti lamba ti zia ni na gbe ti ta pepe. Me lo yeke zia ni na ndö ti mbeni ye na nduzu titene aza si azo ti ya ti da ni kue abaa ndo na ni.

Ahebro 9:25

Na ya ti ngu oko oko, kota wayango-sandaga ayeke mu mene ti anyama si lo yeke li na ni na da ti Nzapa. Me ti Christ, lo li na yayu pepe ti ka tere ti lo wani na kuâ fani mingi.