Ahebro 9:19 - Mbeti ti Nzapa - Tënë so amu fini

¹⁹ Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Ahebro 9:19 ပူးပေါင်းရင်းမြစ်များ

Abia (Psaumes) 51:7

Baa, a du mbi na ya ti siokpari; gi so mbi de na ya ti mama ti mbi, mbi yeke zo ti sarango sioni.

Sigingo 12:22

Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Ésaïe 52:15

Me fadeso, li ti azo ti mara mingi akpe ndali ti lo, tënë ahunzi na yanga ti agbia. Biani, ye so a tene ando tënë ni na ala pepe, ni laa ala yeke baa ni; ye so ala ma ando tënë ni pepe, ni laa ala yeke baa ni.”

Ezekiel 36:25

Mbi yeke tuku *nzoni ngu na ndö ti ala si ala ga *nzoni. Mbi yeke *sukula asioni ti ala kue, mbi yeke zi ayanda ti ala.

Awayango-sandaga 1:10

“Tongana zo ni aye ti mu taba wala ngasa na sandaga so a yeke gbi ni kue na wâ, alingbi lo soro na popo ti ataba wala angasa mbeni koli-taba, wala koli-ngasa so mbeni mbage ti tere ti lo abuba pepe.

Awayango-sandaga 3:6

“Tongana zo ni aye ti mu taba wala ngasa na sandaga ti beoko na KOTA GBIA, alingbi lo mu koli ni wala mama ni so mbeni mbage ti tere ti lo abuba pepe.

Wungo ti azo 19:18

Mbeni zo so ayeke *nzoni ayeke mu mbeni maboko ti keke ti *izope, lo yeke yoro na ya ti ngu ni si lo yeke fi na tere ti da ti bongo so kuâ ni akui daa so. Lo yeke fi ngu ni na tere ti akungba ti ya ti da ti bongo ni kue nga na tere ti azo ti ya ti da ni kue. Lo yeke fi nga ni na tere ti zo so apika gere ti lo na abio ti kuâ, wala zo so apika gere ti lo na kuâ ti zo, wala na du ti kuâ.

Wungo ti azo 19:6

Lo yeke mu maboko ti keke ti sedre, ti *izope nga na mbeni yanga ti bongo so a sara ni na kua ti tere ti taba so abe si aza zango. Lo yeke bi aye so kue na le ti wâ so ayeke gbi bagara ni.

Matthieu 27:28

Ala zi bongo ti lo na tere ti lo si ala yu na lo mbeni kota bengba bongo.

Marc 15:17

Ala yu mbeni kota bengba bongo na lo; ala mu akamba ti ki aleke ni tongana kpoto ti gbia si ala zia na li ti lo.

Marc 15:20

So ala zia lege ti hengo lo awe, ala zi bengba bongo ni na tere ti lo si ala yu na lo bongo ti lo wani. Na pekoni, ala sigigi na lo ti gue ti fâ lo na ndö ti keke ti kroa.

Jean 19:2

Aturugu amu akamba ti ki aleke ni tongana kpoto ti gbia si ala zia na li ti lo; ala yu na lo mbeni kota bengba bongo.

Jean 19:5

Tongaso Jésus asigigi na kpoto ti ki ni na li ti lo, na kota bengba bongo ni na tere ti lo. Pilate atene na ala: “Baa, koli ni laa!”

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 10:4

ngbanga ti so mene ti akoli-bagara na ti akoli-ngasa alingbi ti zi siokpari oko pepe.

Ahebro 12:24

Ala ga nduru na Jésus awe, lo so lo leke tënë ti fini *mbuki; ala ga nduru awe na mene ti Jésus so atuku ndali ti azo si ayeke tene nzoni tënë ahon mene ti Abel.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:13

Azo ayeke mu ando mene ti akoli-ngasa na ti akoli-bagara nga na mburu ti wâ ti wali-bagara so agbi lo, ala yeke tuku ni na tere ti azo so aga *sioni, ndali ti so azo ni asara mbeni ye so alingbi na tënë ti ndia pepe. Ala sara aye so kue ti sukula asioni ti azo ni, tongaso si azo ni akiri aga azo so alingbi ti voro Nzapa.

Ahebro 9:18

Ndani laa kozo mbuki ni ato nda ti wara ngangu gi na ndembe so mene ti nyama atuku.

1 Pierre 1:2

Nzapa Babâ asoro ala tongana ti so lo leke na be ti lo kozoni; lo sara si ala ga azo so ayeke nde si ayeke nzoni kue na lege ti Yingo ti lo, tongaso si ala ma yanga ti Jésus Christ, tongaso nga si lo *sukula asioni ti ala na mene ti lo. Ayeke nzoni Nzapa asara nzoni be mingi na ala si lo mu na ala siriri ahon ndoni!