Ahebro 9:18 - Mbeti ti Nzapa - Tënë so amu fini

¹⁸ Ndani laa kozo mbuki ni ato nda ti wara ngangu gi na ndembe so mene ti nyama atuku.

Ahebro 9:18 ပူးပေါင်းရင်းမြစ်များ

Sigingo 12:22

Fade ala yeke mu maboko ti *izope, ala yoro na ya ti mene so ayeke na ya ti kota sembe, ala kpaka na tere ti akadere ti yanga ti da ni nga na tere ti kadere ti nduzu. Na pekoni, alingbi zo oko na popo ti ala alondo na ya ti da ti lo asigigi pepe ngbii ndo ahan si.

Awayango-sandaga 8:24

Lo ga na amolenge ti Aaron; lo mu mene ni, lo zia na tere ti mê ti ala ti mbage ti koli; lo zia ni na ndö ti kota li ti maboko ti ala ti mbage ti koli nga na ndö ti kota li ti gere ti ala ti mbage ti koli. Na pekoni, Moïse afi tanga ti mene ni na tere ti gbalaka ni, angoro ni kue.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Ahebro 9:17

Biani, tongana zo ni ade na fini, tënë ti ya ti mbeti ni ayeke na ngangu pepe; tënë ti ya ti mbeti ni ayeke na ngangu gi na peko ti kuâ ti lo.

Ahebro 9:19

Moïse ato mbela ando na azo ti Israel na atënë ti ambela oko oko kue alingbi na ndia. Na pekoni, lo mu mene ti akete bagara na ti akoli-ngasa, lo mu nga ngu, kete keke ti *izope nga na ambeni bengba kua ti tere ti taba, lo yoro aye ni na ya ti mene ni si lo wani, lo fi na tere ti mbeti ti *Ndia nga na tere ti azo kue.

Ahebro 9:22

Na lege ti ye so ndia afa, aye so a lingbi ti sukula asioni ni na mene pepe ayeke mingi pepe. Tongana mene atuku pepe, a lingbi ti zi siokpari na li ti azo pepe.