Ahebro 9:14 - Mbeti ti Nzapa - Tënë so amu fini

¹⁴ Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Ahebro 9:14 ပူးပေါင်းရင်းမြစ်များ

2 Samuel 4:11

So fadeso asioni zo afâ mbeni zo ti mbirimbiri na ya ti da ti lo, na ndö ti gbogbo ti lo senge senge so, fade mbi yeke hunda mene ti lo na maboko ti ala pepe? Mbi yeke mingo ala na ndö ti sese ti ala pepe?”

2 Agbia 19:16

KOTA GBIA, dingi mê ti mo, mo ma si! KOTA GBIA, zi le ti mo, mo baa ye si! Mo ma atënë ti Senakerib, lo so lo tokua makonzi ti aturugu ti batango lo titene lo zonga Nzapa so ayeke na fini so!

Mbeti ti Job 15:16

si âdu zo so ayeke sioni mingi, zo so aye tënë ti goro, zo so ayeke sara sioni hio hio tongana ngu so lo yeke nyon, fade Nzapa azia be ti lo na ndö ti lo?

Abia (Psaumes) 51:2

David adema tere ti lo na peko ti so wayanga-Nzapa Natan aga asuku na lo ndali ti so lo gi Batsheba, wali ti mba ti lo.

Sigingo 12:5

Ala yeke soro kete koli-taba wala kete koli-ngasa ti ngu oko so mbeni mbage ti tere ti lo abuba pepe.

Ésaïe 42:1

*KOTA GBIA atene: “Baa, zo ti kua ti mbi laa, lo so mbi gbu lo na maboko ti lo, lo so mbi soro lo, mbi wara ngia na lege ti lo. Mbi zia Yingo ti mbi na ndö ti lo, fade lo yeke sara si sarango ye ti mbirimbiri abaa gigi ndali ti amara nde.

Ésaïe 53:9

A zia lo na du ti kuâ legeoko na azo ti sioni; a lu lo na ndo ti azo ti mosoro, ataa so lo sara sioni oko pepe, ataa so tënë ti mvene asigigi na yanga ti lo oko pepe.

Ésaïe 57:15

Nzapa so ayeke na nduzu mingi, yongoro kâ, lo so ndo ti lo ayeke kpu na kpu, lo so iri ti lo ayeke nde si ayeke nzoni kue, tënë so lo tene ayeke so: “Mbi Nzapa so mbi yeke nde si mbi yeke nzoni kue, mbi yeke na nduzu mingi. Me mbi yeke na azo so a nika ala awe nga na azo so asara tere ti ala kete. Mbi yeke mu ngangu na be ti azo so asara tere ti ala kete; mbi yeke kiri fini na azo so a nika ala awe.

Ésaïe 61:1

Yingo ti Kota Gbia NZAPA ayeke na ndö ti mbi. Biani, *KOTA GBIA atuku mafuta na li ti mbi, lo tokua mbi ti fa nzoni tënë na awayere, ti kanga ka ti be ti azo so be ti ala afâ, ti tene na azo so a gbu ala na ngbaa atene, a zi ala awe, ti tene na azo ti kanga atene, ala yeke sigigi na ya ti kanga!

Jérémie 10:10

Me KOTA GBIA ayeke taa Nzapa, lo yeke Nzapa so ayeke na fini, lo yeke gbia kpu na kpu. Tongana lo sara ngonzo, sese ayeke yingi; tongana le ti lo abe na ngonzo, amara nde alingbi ti kanga be ti ala pepe.

Ezekiel 45:18

Tongaso, tënë so Kota Gbia NZAPA atene ayeke so: “Na kozo lango ti kozo nze, fade mo yeke mu koli-bagara so mbeni mbage ti tere ti lo abuba pepe ti zi sioni na tere ti da so ayeke nde si ayeke nzoni kue.

Daniel 6:26

Na pekoni gbia Darius asara mbeti si lo tokua na azo nde nde kue, azo ti amara nde nde kue na azo ti ayanga ti kodro nde nde kue so asara kodro na ndö ti sese kue; lo tene: “Ayeke nzoni siriri asi ala singo!

Awayango-sandaga 22:20

Nyama so mbeni mbage ti tere ti lo abuba, alingbi lo mu na sandaga pepe, tongaso pepe mbi yeke yeda na lo pepe.

Wungo ti azo 28:11

“Lakue na kozo lango ti fini nze, ala yeke mu akoli-bagara use, koli-taba oko, akete taba mbarambara ti ngu oko so mbage ti tere ti ala abuba pepe ti ya na sandaga so a yeke gbi ni kue na wâ na *KOTA GBIA.

Wungo ti azo 28:3

“Mo yeke tene na ala: Baa, aye so ala lingbi ti mu na KOTA GBIA laa: akete taba use ti ngu oko so mbeni mbage ti tere ti ala abuba pepe; ala yeke mu ataba ni na ya ti lango oko oko. So ayeke sandaga so a yeke gbi ni kue na wâ ndali ti KOTA GBIA lakue lakue.

Wungo ti azo 28:9

“Na *lango ti wungo tere, ala yeke ga na akete taba use ti ngu oko so mbeni mbage ti tere ti ala abuba pepe. Ala yeke bongbi ni na kilo omene ti farini so ala gbu ya ni na mafuta. Ala bongbi ni na sandaga ti samba.

Matthieu 12:28

Me tongana mbi yeke tumba asioni yingo na ngangu ti Yingo ti Nzapa, andaa *Kodro-gbia ti Nzapa asi na ala awe.

Matthieu 16:16

Simon Pierre akiri tënë: “Mo yeke *Mesii, Molenge ti Nzapa so ayeke na fini.”

Matthieu 20:28

Legeoko tongaso, *Molenge ti Zo aga titene azo asara kua na lo pepe, me lo ga titene lo sara kua na azo, ti ka tere ti lo na kuâ ti soo gba ti azo.”

Matthieu 7:11

Ala so ayeke asioni zo, ala hinga ti mu anzoni ye na amolenge ti ala. Babâ ti ala so ayeke na yayu alingbi biani ti mu anzoni ye na azo so ahunda ni na lo!

Nzoni Tënë so Luc asu na mbeti 1:74

‘Mbi yeke zi ala na maboko ti awato ti ala titene ala voro mbi na mbeto pepe,

Nzoni Tënë so Luc asu na mbeti 12:24

Ala baa *akpakpo: ala yeke lu kobe pepe, ala yeke ko nga ale ti kobe pepe, ala yeke na da ti batango ye daa wala gogoro pepe, me Nzapa ayeke mu kobe na ala! Ala azo, ala hon andeke so mingi!

Nzoni Tënë so Luc asu na mbeti 12:28

Apere so ayeke na ngonda laso si kekereke azo ayeke tuku ni na le ti wâ, Nzapa ayeke leke ni pendere. Ala azo ti kete mabe, fade Nzapa ayeke sara na ala ahon ti so lo sara na apere so pepe?

Nzoni Tënë so Luc asu na mbeti 4:18

“Yingo ti *Kota Gbia ayeke na ndö ti mbi, ngbanga ti so lo tuku mafuta na li ti mbi si lo tokua mbi ti fa Nzoni Tënë na azo ti mawa. Lo tokua mbi ti tene na azo ti kanga so a zi ala awe, ti tene na awaziba so le ti ala ayeke zi, ti zi azo na ya ti pasi ti ala,

Jean 3:34

Zo so Nzapa atokua lo, lo yeke tene gi atënë ti Nzapa, ngbanga ti so Nzapa amu Yingo ti lo ahon ndoni na zo ni.

Awatokua 1:2

ngbii asi na lango so a mu lo na yayu. Kozo titene a mu Jésus na yayu, lo mu yanga na lege ti ngangu ti Yingo-Vuru na azo so lo soro ala ti ga *awatokua.

Awatokua 10:38

Ala hinga tënë ti Jésus, zo ti Nazaret, ala hinga lege so Nzapa asoro lo si lo sara si Yingo-Vuru na ngangu aga na ndö ti lo. Nzapa ayeke na lo, nilaa lo tambula na ndo kue, lo sara aye ti nzoni si lo kai akobela na tere ti azo so kue ayeke na gbe ti Zabolo.

Awatokua 14:15

“Azo! Ala yeke sara ye so ngbanga ti nyen? E yeke gi azo tongana ala! E ga ge ti fa Nzoni Tënë titene ala zia lege ti abuba ye so ala yeke voro so, ala mu be ti ala na Nzapa so ayeke na fini, lo so asara yayu, na sese na kota ngu-ingo na aye so kue ayeke na ya ni.

Awatokua 15:9

Na le ti lo, e na ala kue, e yeke gi oko. Lo sukula be ti ala, ngbanga ti so ala ma na be.

Rome 1:20

Ti londo na ndembe so dunia abaa gigi, ambeni ye ti Nzapa ayeke daa so le ti zo ayeke baa pepe: ngangu ti lo so ayeke lakue lakue nga na dutingo ti lo ti Nzapa; azo so ayeke gbu li ti ala ayeke baa ni na lege ti aye so Nzapa asara. Tongaso ala yeke na tënë ti kiri na ni pepe.

Rome 1:4

Me na lege ti Yingo-Vuru, zingongo ti lo na popo ti akuâ afa na ngangu so lo yeke Molenge ti Nzapa: Jésus Christ, *Kota Gbia ti e.

Rome 11:12

Ndali ti so azuife ake ti ma yanga ti Nzapa, azo ti dunia awara anzoni ye mingi; na lege ti tingo ti ala, azo ti amara nde awara nga anzoni ye mingi. Tongana azuife kue akiri ande ti soo kuâ, fade anzoni ye ni ayeke kiri ti hon ndoni pepe?

Rome 11:24

Mo, mo yeke tongana maboko ti keke ti olive ti ngonda so Nzapa afâ si agerefe ni na ndö ti keke ti olive ti yaka, ataa so lege ti sarango ni laa pepe. Ti azuife, ala yeke tongana amaboko ti keke ti olive ti yaka. Tongaso, fade Nzapa ayeke kiri ti gerefe ala nzoni mingi na ndö ti keke so ala sigigi lani daa!

Rome 6:13

Ala mu mbage ti tere ti ala oko pepe ti sara na siokpari si aga ye ti sarango na ye ti kirikiri. Me ala mu tere ti ala kue na Nzapa tongana azo so azingo na kuâ awe si ayeke na fini; ala mu tere ti ala kue ti sara na kua ti lo si tere ti ala ni aga ye ti sarango na ye ti mbirimbiri.

Rome 6:22

Ti fadeso, Nzapa azi ala na gbe ti ngbaa ti siokpari awe si ala ga angbaa ti lo. Ye so ala yeke wara na peko ni ayeke fini so a zia nde ndali ti Nzapa si na ndani, ayeke fini so angba lakue lakue.

1 Korente 15:45

Ndani laa Mbeti ti Nzapa atene: “Adam so ayeke kozo zo, aga zo so ayeke na fini”; me Christ so ayeke nga Adam ti ndani, ayeke Yingo so ayeke mu fini na zo.

2 Korente 5:21

Christ asara siokpari oko pepe, me Nzapa asara si siokpari ti e akiri na li ti lo. Tongaso na lege ti Christ, Nzapa asara si e ga mbirimbiri.

2 Korente 6:16

Nyen laa abongbi da ti Nzapa na anzapa nde, nyen? E yeke tongana da ti Nzapa, lo so lo yeke na fini. Nzapa wani atene: “Fade mbi yeke duti na popo ti azo ni si mbi yeke tambula na popo ti ala; mbi yeke duti Nzapa ti ala si ala yeke duti azo ti mbi.”

Galasii 2:19

Ti mbi, mbi kui kuâ ti Ndia lani awe si mbi sigigi na gbe ti Ndia ni titene fini so mbi yeke na ni ayeke ndali ti Nzapa; so ti tene, na ndembe so Christ akui na ndö ti keke ti kroa, mbi na lo laa e kui.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 5:2

Ala sara ye na lege ti yengo tere tongana ti so Christ aye e si lo mu tere ti lo wani na Nzapa ndali ti e tongana *sandaga so fion ni afun nzoni si anzere na be ti Nzapa.

Ndia ti fani use ni 15:21

Tongana mbeni mbage ti tere ti nyama oko abuba, gere ti lo wala le ti lo, wala mbeni sioni ye nde ayeke na tere ti lo, ala mu lo na *sandaga na KOTA GBIA Nzapa ti ala pepe.

Ndia ti fani use ni 17:1

Bagara, wala taba wala ngasa so mbeni mbage ti tere ti lo abuba wala so mbeni sioni ye ayeke na tere ti lo, alingbi ala mu lo na *sandaga na *KOTA GBIA Nzapa ti ala pepe. Biani, so ayeke ye ti sioni mingi na le ti KOTA GBIA Nzapa ti ala.

Ndia ti fani use ni 31:27

Biani, mbi hinga azo ti Israel kue: be ti ala akpengba mingi, ala yeke azo ti ngangu li. Laso, mbi de na fini na popo ti ala. Me ataa so kue, ala yeke tomboka na tere ti KOTA GBIA! Na peko ti kuâ ti mbi, fade ye ni ayeke ga ande tongana nyen?

Ndia ti fani use ni 33:27

Nzapa so angba lakue, lo yeke ndo ti batango tere ti mo; lo ngba lakue ti fa ngangu ti lo na ndö ti sese so. Lo tumba awato na dawa ti mo si lo tene: ‘Fâ ala kue kue kue!’

Ndia ti fani use ni 5:26

Zo wa laa ama laoko go ti Nzapa so ayeke na fini, lo tene tënë na zo ni na ya ti wâ tongana ti e so si lo ngba na fini?

1 Tesalonike 1:9

Azo kue ayeke tene tënë ti yambango so ala yamba lani na e na ndembe so e si na ndo ti ala. Azo atene nga tënë ti ziango so ala zia lege ti anzapa nde ti kiri na mbage ti Nzapa titene ala sara kua na lo, lo so lo yeke na fini si lo yeke taa Nzapa.

1 Timothée 1:17

Ayeke nzoni azo ane Kota Gbia, ala gonda lo lakue lakue, lo yeke oko Nzapa, zo abaa lo pepe, lo yeke na fini lakue lakue, lo yeke Kota Gbia kpu na kpu! Amen.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Tite 2:14

Lo ka ando tere ti lo na kuâ ndali ti e, ti zi e na ya ti aye ti sioni kue, ti sukula e si e ga azo ti lo wani, titene e mu ngangu ti e kue ti sara anzoni ye.

Ahebro 1:3

Gonda ti Nzapa ayeke za na lege ti Molenge ni. Lo yeke taa tongana ti so Nzapa ayeke, lo yeke bata dunia so na ngangu ti tënë ti yanga ti lo. So lo sukula asiokpari ti azo awe, lo gue, lo duti na yayu, na tere ti Nzapa so ngangu ti lo ahon ndoni, na mbage ti maboko ti lo ti koli.

Ahebro 10:10

Jésus Christ asara ye alingbi na ye so be ti Nzapa aye. Lo mu tere ti lo na sandaga gi fani oko biani biani, nilaa a sukula asioni ti e.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 10:2

Azo so ayeke voro Nzapa, tongana a yeke sukula fade asioni ti ala gi fani oko biani biani, ka ala yeke baa tere ti ala tongana azo ti siokpari pepe si ala zia lege ti mungo sandaga awe.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 11:21

Na lege ti mabe, Jacob asara tufa na ndö ti amolenge ti Joseph ti koli na ndembe so lo ga nduru ti kui. Na pekoni, Jacob akpo li ti lo na ndö ti keke so lo yeke tambula ka na ni si lo voro Nzapa.

Ahebro 13:12

Ndani laa, Jésus nga akui na gigi ti gbata ni titene na lege ti mene ti lo wani, lo *sukula sioni ti azo.

Ahebro 3:12

A-ita, le ti ala akpengba! Mbeni zo oko na popo ti ala asara sioni be wala adekite pepe, tongaso si lo zia lege ti Nzapa pepe, lo so lo yeke na fini.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

Ahebro 7:16

Lo ga wayango-sandaga na lege ti ndia ti azo pepe, me ndali ti ngangu ti fini so angba lakue lakue.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:26

Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

Ahebro 9:7

Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.

1 Pierre 1:19

me ye so azi ala ayeke mene ti Christ so ayeke ye ti kota ngere. Christ ayeke tongana molenge ti taba so mbeni mbage ti tere ti lo oko abuba pepe si sioni ye oko ayeke na tere ti lo pepe.

1 Pierre 2:22

Christ asara siokpari pepe; tënë ti mvene asigigi na yanga ti lo laoko pepe.

1 Pierre 2:24

Christ wani ayo siokpari ti e na ya ti tere ti lo si lo kui na ni na ndö ti keke ti kroa, tongaso si e so e kangbi na siokpari na lege ti kuâ so e kui awe, e duti na fini ti sara ye ti mbirimbiri. Na lege ti aka so lo wara laa tere ti ala aga nzoni.

1 Pierre 3:18

Biani, Christ wani akui fani oko biani biani ndali ti siokpari ti azo; lo so lo yeke mbirimbiri, lo kui ndali ti azo ti kirikiri titene lo gue na ala na le ti Nzapa. Azo afâ gi tere ti lo ti zo, me Nzapa akiri na lo na fini na lege ti Yingo-Vuru.

1 Pierre 4:2

Tongaso, ngoi so angba na ala ti duti na fini na sese so, ala sara ye na lege ti nzara ti be ti ala pepe, me na lege so be ti Nzapa aye.

1 Jean 1:7

Me tongana e yeke tambula na ya ti lumiere tongana ti so Nzapa wani ayeke na ya ti lumiere, andaa e yeke na beoko na amba ti e si mene ti Jésus, Molenge ti lo, ayeke *sukula asiokpari ti e kue.

1 Jean 3:5

A-ita, ala hinga atene, Jésus aga ti zi asiokpari ti azo; siokpari ayeke na lo oko pepe.

Aye so Nzapa afa 1:5

Ayeke nzoni Jésus Christ amu aye ni na ala, lo so lo yeke fa peko ti tënë mbirimbiri! Lo yeke kozo zo so lo zingo na kuâ, lo yeke nga Makonzi ti agbia ti sese. Jésus aye e si lo zi e na gbe ti ngbaa ti asiokpari ti e na lege ti mene ti lo.

1 Samuel 17:26

David ahunda azo so ayeke luti nduru na tere ti lo so, atene: “Zo so ayeke fâ zo ti Filistii so si ayeke zi kamene na le ti azo ti Israel, fade a yeke sara nyen na lo? Zo ti Filistii so ahinga Nzapa pepe so, lo yeke zo wa si lo yeke gi yanga ti aturugu ti Nzapa so ayeke na fini so?”