Ahebro 9:10 - Mbeti ti Nzapa - Tënë so amu fini

¹⁰ Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

Ahebro 9:10 ပူးပေါင်းရင်းမြစ်များ

Sigingo 29:4

“Fade mo yeke mu Aaron na amolenge ti lo, mo ga na ala na yanga ti da ti bongo so Nzapa na azo ti lo ayeke wara tere daa si mo yeke sukula ala na ngu.

Sigingo 40:12

“Fade mo yeke mu Aaron na amolenge ti lo ti koli, mo ga na ala na yanga ti da ti bongo so mbi na azo ti mbi e yeke wara tere daa si mo yeke sukula ala na ngu.

Ezekiel 4:14

Mbi kiri tënë, mbi tene: “Ae! Kota Gbia NZAPA, laoko mbi buba tere ti mbi pepe. So mbi de molenge ngbii asi laso, laoko mbi te kuâ ti nyama pepe, wala nyama so mbeni sioni nyama asuru ya ti lo. *Sioni kasa ti nyama ade ti li na yanga ti mbi laoko pepe.”

Awayango-sandaga 13:58

“Na peko ti sukulango bongo, mapia-bongo, bongo so a kpo ni kpongo nga na ye so kue a sara na poro ti nyama, tongana nzoroko so asigigi na tere ni ahon biani biani, fade a yeke kiri ti sukula aye ni ti fani use ni titene aga *nzoni.”

Awayango-sandaga 16:24

Lo yeke sukula ngu na mbeni ndo so ayeke nde si ayeke nzoni kue, lo yeke yu ambeni bongo nde. Lo yeke sigigi si lo yeke ya na KOTA GBIA sandaga so a yeke gbi ni kue na wâ ndali ti lo wani nga ndali ti azo ni kue. Na pekoni, lo yeke sara titene a zi siokpari na li ti lo wani nga na li ti azo ni.

Awayango-sandaga 16:4

Alingbi lo yu yongoro bongo so a sara na *len, lo yu kilote so a sara na len, lo kanga kamba ti ndö ti bongo so a sara na len si lo kanga na li ti lo bongo so ayeke tongana kpoto. So ayeke abongo so a zia ni nde ndali ti Nzapa. Alingbi lo sukula ngu kozoni si lo yu ni.

Awayango-sandaga 22:6

Zo so andu aye tongaso, lo ga *sioni awe; lo yeke ngba *sioni ngbii asi na lakui. Asandaga so a zia nde ndali ti Nzapa, kozo titene lo te ni, alingbi lo sukula tere ti lo kue.

Wungo ti azo 6:3

alingbi lo nyon vin wala samba pepe, lo nyon kpingo vin pepe, lo nyon nga kpingo vin pepe so a sara na ngangu samba, lo nyon ngu ti le ti *vinye pepe; lo te ale ti vinye pepe, ataa ala so angba fini ni wala ala so ahole holengo.

Marc 7:4

Tongana ala londo na gara si ala kiri na da, kozoni titene ala te kobe, ala yeke sukula tere ti ala si. Ala bata ambeni ndia mingi: andia na ndö ti nzoni lege ti sukulango akopo ti ngu, ata ti ngu, asembe [ na agbogbo].

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Efeze 1:10

Lo leke na be ti lo titene, tongana lango ni alingbi awe, lo yeke bongbi ye kue ti yayu na ti sese na gbe ti makonzi oko so ayeke Christ.

Efeze 2:15

*Ndia ti Moïse so atene na zo, atene: “Mo sara so, mo sara so!”, Christ amingo ni awe. Lo sara tongaso ti bongbi azuife na azo ti amara nde titene ala ga mara oko, na lege ti gango so ala use kue aga oko na lo; Christ asara so ti zia siriri na popo ti ala.

Ndia ti fani use ni 21:6

Fade akangba kue ti gbata ni, so ti tene ala so ayeke nduru na tere ti kuâ ni, ayeke sukula maboko ti ala na ndö ti kete mama ti bagara so a kungbi go ti lo so.

Ndia ti fani use ni 23:11

Na bi, tongana mbeni turugu oko aga *sioni ndali ti ngu ti tere ti lo ti koli so atuku, fade lo yeke sigigi na ya ti bâbâ ni; lo yeke kiri ti li na ya ni hio pepe.

Kolose 2:16

Tongaso, alingbi mbeni zo afâ ngbanga na li ti ala pepe ndali ti tënë ti kobe, wala ye ti nyongo ni, wala ndali ti alango ti Nzapa, wala amatanga ti fini nze wala *alango ti wungo tere.

Ahebro 10:22

Tongaso, e ga nduru na Nzapa na be ti e oko nga na be so asi singo na mabe, be so e hinga, e tene, a *sukula asioni kue daa awe na tere so a sukula ni awe na mbeni nzoni ngu.

Ahebro 13:9

Ala zia lege na ambeni zo pepe ti handa ala na lege ti afango ye ti kirikiri nde nde. Titene be ti zo awara ngangu na lege ti nzoni ye so Nzapa asara, so laa ayeke nzoni, me na lege ti kobe pepe; azo so ayeke bata andia ti kobe, ala wara nzoni ye na peko ni pepe.

Ahebro 2:5

Biani, dunia so ayeke ga ande si e yeke tene tënë ni so, *a-ange laa Nzapa azia ni na gbe ti ala pepe.

Ahebro 6:2

tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Ahebro 6:5

ala hinga atene, tënë ti Nzapa anzere, ala hinga nga aye ti kpene ti ngoi so Nzapa ayeke ga ti le-gbia.

Ahebro 7:12

Tongana lege ti dutingo ti awayango-sandaga aga nde, alingbi a mu nga mbeni ndia nde.

Ahebro 7:16

Lo ga wayango-sandaga na lege ti ndia ti azo pepe, me ndali ti ngangu ti fini so angba lakue lakue.

Ahebro 9:1

Kozo *mbuki ayeke na andia so ayeke fa na azo lege ti vorongo Nzapa; ayeke nga na da ti vorongo Nzapa so azo aleke na ndö ti sese so.