Ahebro 9:1 - Mbeti ti Nzapa - Tënë so amu fini

¹ Kozo *mbuki ayeke na andia so ayeke fa na azo lege ti vorongo Nzapa; ayeke nga na da ti vorongo Nzapa so azo aleke na ndö ti sese so.

Ahebro 9:1 ပူးပေါင်းရင်းမြစ်များ

Sigingo 25:8

Fade azo ti Israel ayeke sara mbeni da so ayeke nde si ayeke nzoni kue ndali ti mbi titene mbi duti na popo ti ala.

Ezekiel 43:11

Tongana kamene ti asioni so ala sara so agbu ala awe, fa na ala lege so a sara na kota da ni, kode so a leke na ni, alege ti lingo ni nga na alege ti sigingo ni, lege so a zia aye oko oko kue na ya ti da ni, ambela ti da ni nga na andia ni. Su aye so kue na mbeti, mo zia na gbe ti le ti ala, tongaso si ala lingbi ti bata lege ti aye ti da ni oko oko kue si ala sara ye alingbi na andia ti da ni.

Awayango-sandaga 18:30

“Ala bata atënë ti yanga ti mbi; ala sara mara ti asioni ye so azo asara ando kozo ti ala so pepe. Ala ga *sioni pepe na lege ti sarango mara ti aye tongaso. Mbi laa mbi yeke KOTA GBIA, Nzapa ti ala.”

Awayango-sandaga 22:9

“Alingbi awayango-sandaga asara ye alingbi na atënë ti yanga ti mbi. Tongaso si ngbanga ati na li ti ala pepe ndali ti tënë ti kobe. Tongana ala sara si kobe ni aga sioni, fade ala yeke kui. Mbi laa mbi yeke KOTA GBIA so mbi sara titene ala duti nde si ala duti nzoni kue.

Wungo ti azo 9:12

A yeke bata mbeni ye oko asi na ndaperere pepe; a yeke kungbi abio ti nyama ni pepe. A yeke sara matanga ni alingbi na ndia ti sarango Pake.

Nzoni Tënë so Luc asu na mbeti 1:6

Ala use kue ayeke ambirimbiri zo na le ti Nzapa; ala yeke sara ye gi na lege ti andia nga na lege ti ambela kue ti *Kota Gbia.

Rome 9:4

A-ita ti mbi ni ayeke azo ti Israel: Nzapa asara si ala ga amolenge ti lo, lo fa gonda ti lo na ala, lo leke *mbuki ndali ti ala, lo fa *Ndia ti lo na ala, lo fa lege ti vorongo lo na ala, lo mu azendo na ala,

Kolose 2:8

Le ti ala akpengba si mbeni zo ahanda ala na atënë ti ndara ti sese so pepe! Atënë so ayeke asenge senge tënë alondo na lege ti tënë ti akotara wala na lege ti ayingo so ayeke na ngangu na ndö ti dunia so, me alondo na Christ oko pepe.

Ahebro 8:13

So Nzapa atene tënë ti fini mbuki so, lo sara si kozo mbuki ni aga ngbene ye. E hinga so, ye so aga ngbene ye si aga gbagbara ni, aga nduru ti hon awe.

Ahebro 8:2

Lo yeke sara kua ti lo ti kota wayango-sandaga ni na ndo so ayeke nde si ayeke nzoni kue, so ti tene, na ya ti taa da ti bongo so *Kota Gbia Nzapa asara ni; maboko ti zo laa asara ni pepe.

Ahebro 8:7

Tongana ye ti sioni oko ayeke fade na ya ti kozo mbuki ni pepe, ka lege ayeke daa pepe ti sara mbeni fini mbuki nde.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.