Ahebro 8:9 - Mbeti ti Nzapa - Tënë so amu fini

⁹ Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Kota Gbia atene: Akotara ti ala angba na ya ti mbuki ni pepe, nilaa mbi nga, mbi do ala, mbi zia.

Ahebro 8:9 ပူးပေါင်းရင်းမြစ်များ

Tongo nda ti aye 19:16

So tere ti Lot angba ti ne nengo, akoli use so agbu maboko ti lo, agboto lo, lo na wali ti lo, na amolenge ti lo ti wali use kue, ala sigigi na lo. Ala sigigi na Lot na ya ti gbata ni si ala zia lo na gigi, ngbanga ti so KOTA GBIA abaa mawa ti lo.

Mbeti ti Job 8:20

Zo so ayeke sara ye na legeni, Nzapa ayeke ke lo pepe. Azo ti sarango sioni, lo yeke mu maboko na ala pepe.

Abia (Psaumes) 105:43

Lo sara si azo ti lo asigigi na ngia na be ti ala, azo ti lo so lo soro ala, ala sigigi na dekongo na ngia.

Abia (Psaumes) 77:20

Mo suru lege ti mo na ya ti kota ngu-ingo, mo hon na ya ti ngu so alinda, zo oko abaa peko ti gere ti mo pepe.

Abia (Psaumes) 78:57

Tongana ti so akotara ti ala asara, ala mu mbeni sioni lege, ala zia lege ti Nzapa, ala yeke tongana kokora so aba bango, so zo alingbi ti zia be ti lo na ndö ni pepe.

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Sigingo 34:10

KOTA GBIA atene na Moïse: “Mbi yeke sara titene mbi na ala e ga ambuki. Na le ti azo ti mo kue, fade mbi yeke sara aye ti dongo be so ade ti si laoko pepe na mbeni ndo na ndö ti sese so wala na popo ti mbeni mara. Fade azo so kue angoro mo ayeke baa akota ye so mbi sara na lege ti mo si aye ni ayeke zia mbeto na be ti ala.

B. ti abia 8:5

Wali wa laa alondo na benyama si ayeke ga, lo gbu kamba ti be ti lo na tere ti lo so? Mbi zingo mo na gbe ti keke ti pome, ndo so mama ti mo amu ngo ti mo daa, ndo so mama ti mo adu mo daa.

Ésaïe 40:11

Tongana wabatango-taba, lo yeke gue na ataba ti lo na ndo ti tengo pere, lo yeke sara maboko ti lo ti bongbi ala; lo yeke yo akete taba ni na ya ti maboko ti lo, lo yeke gue yeke-yeke na ataba so ayeke mu me na amolenge ti ala.”

Ésaïe 41:13

Biani, mbi *KOTA GBIA, mbi yeke Nzapa ti mo; mbi gbu maboko ti mo ti koli, mbi tene na mo, mbi tene: ‘Sara mbeto pepe, mbi laa mbi yeke mu maboko na mo.’ ”

Ésaïe 51:18

Na popo ti amolenge so kue mo du ala, mbeni oko so afa lege na mo ayeke daa pepe; na popo ti amolenge so kue mo bata ala, mbeni oko so agbu maboko ti mo ayeke daa pepe.

Ésaïe 63:9

Na ya ti aye ti ngangu ti ala kue, lo soro mbeni zo wala mbeni watokua ti soo ala pepe, me lo wani laa lo soo ala. Na lege ti ndoye ti lo nga na lege nzoni be ti lo, lo zi ala; lo gbu ala si lo yo ala na ya ti angoi so kue ahon.

Jérémie 31:32

Mbuki ni ayeke duti nde na ti so lani mbi na akotara ti ala e sara na ngoi so mbi gbu maboko ti ala ti sigigi na ala na Ezipte. Akotara ti ala abuba tënë ti ya ti mbuki ni, ataa so mbi laa mbi yeke lani wa ti ala; so tënë ti yanga ti KOTA GBIA laa.

Abia ti demango tere 4:16

KOTA GBIA, lo wani akangbi ala kirikiri; lo ye ti baa ala na le ti lo mbeni pepe. Zo ti nengo awayango-sandaga ayeke daa pepe! Zo ti kpengo awayango-sandaga ayeke daa lawa.

Ezekiel 16:59

“Biani, tënë so mbi Kota Gbia NZAPA, mbi tene ayeke so: Mo baa dengo ba ti yanga ti mo tongana mbumbuse ye si mo buba lege ti *mbuki ti mbi na mo. Ndani laa, fade mbi yeke sara na mo alingbi na ye so mo sara.

Ezekiel 16:8

Mbeni lâ, mbi kiri mbi hon nduru na tere ti mo si mbi baa mo; andaa mo ga wali awe. Mbi gbara bongo ti mbi na ndö ti mo ti kanga na tere ti mo so ayeke ndumbu so. Mbi deba yanga ti mbi si mbi sara *mbuki na mo. Nilaa mo ga ti mbi. So tënë ti yanga ti Kota Gbia NZAPA laa.

Amos 5:22

Asandaga ti anyama so a yeke gbi ni kue na wâ na ale ti kobe ti ala so ala ya na mbi na *sandaga so, be ti mbi anzere na ni oko pepe. Anyama ti mafuta so ala mu na sandaga ti beoko so, mbi ye ti baa na le ti mbi oko pepe.

Malashii 2:13

Mbeni use ye so ala yeke sara ni ayeke so: ala sara si ngu ti le ti ala amu ndö ti gbalaka ti KOTA GBIA kue. Ala yeke dema tere ti ala si ala yeke toto, ngbanga ti so aye so ala yeke mu na KOTA GBIA so, lo kiri lo baa ni na nzoni le pepe, lo kiri lo yamba ni na nzoni be pepe.

Marc 8:23

Jésus agbu maboko ti waziba ni si asigigi na lo na ya ti kodro ni. Na pekoni, lo tuku ngu ti yanga ti lo, lo zia na le ti zo ni; lo zia maboko na ndö ti lo si lo hunda lo, atene: “Mo baa mbeni ye?”

Awatokua 13:11

Fadeso, maboko ti Kota Gbia ayeke zu na ndö ti mo: le ti mo avuko si na ya ti mbeni ngoi, mo yeke kiri ti baa ndo pepe.” Gi hio tongaso, le ti Elimas avuko si lo yeke tatara ndo titene lo wara mbeni zo ti gbu maboko ti lo ti fa lege na lo.

Awatokua 7:36

Moïse laa amu azo ni na Ezipte, lo sigigi na ala. Lo sara aye ti kpene na aye ti dongo be na Ezipte, na kota Ngu-bengba nga na ya ti benyama so ala sara ngu baleosio daa.

Awatokua 9:8

Saul alondo na sese, lo zi le ti lo, me lo baa ndo pepe. Azo ni agbu maboko ti lo si ala gue na lo na Damas.

Galasii 4:24

Nda ti tënë so alinda mingi: awali use so ayeke tongana *ambuki use. Oko ni ayeke mbuki so abaa gigi na ndö ti hoto ti Sinai; lo du amolenge ti lo so ayeke angbaa: Agar laa.

Ndia ti fani use ni 29:1

Moïse abongbi azo ti Israel kue si lo tene na ala: Ala wani abaa na le ti ala aye so kue *KOTA GBIA asara na gbia Faraon, na azo ti gbe ti lo nga na kodro ti lo kue.

Ndia ti fani use ni 29:12

Tongaso si ala ga azo ti lo laso si lo ga Nzapa ti ala alingbi na zendo so lo mu na ala nga na dengo ba ti yanga ti lo so lo de na akotara ti ala Abraham, Isaac na Jacob.

Ndia ti fani use ni 29:25

Ala gue ti voro ambeni nzapa nde, ala kuku na gbe ti ala. Andaa ala hinga anzapa ni so kozoni pepe; KOTA GBIA amu yanga na ala pepe ti voro anzapa ni so.