Ahebro 8:5 - Mbeti ti Nzapa - Tënë so amu fini

⁵ Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Ahebro 8:5 ပူးပေါင်းရင်းမြစ်များ

1 Mbai 28:12

Lo mu nga na Salomon mbeti so afa kode ti ambeni ye so lo leke na be ti lo ti sarango ni: ya ti gbagba ti kota da ti *KOTA GBIA, ada so angoro tere ti ya ti gbagba ni, akubu so a yeke bata amosoro ti kota da ti Nzapa daa nga na akubu so a yeke bata aye so a zia ni nde ndali ti Nzapa daa.

1 Mbai 28:19

Tongaso David atene: “Aye so kue ayeke na ya ti mbeti so mbi wara na maboko ti KOTA GBIA; mbeti so afa akode oko oko ti sarango na aye ni.”

Sigingo 25:40

Moïse, mo baa ye ni nzoni, fade mo yeke sara kue ti sara ye ni alingbi gi na kode so mbi fa na mo na li ti hoto so.”

Sigingo 25:9

Fade ala yeke sara da ni na akungba ti ya ni kue alingbi gi na kode nga na tapande so mbi yeke fa na mo.”

Sigingo 26:30

Moïse, fade mo yeke yo na nduzu da so Nzapa ayeke duti daa, alingbi gi na kode so mbi fa na mo ge na li ti hoto so.

Sigingo 27:8

Ala yeke sara gbalaka ni na *mabaya si ya ni ayeke senge. Ala yeke sara ni alingbi gi na kode so mbi fa na mo ge na li ti hoto so.”

Wungo ti azo 8:4

Lege so a sara na gere ti alamba ni ayeke tongaso: a sara gere ti alamba ni kue na lôro so a pika tere ni pikango, ti londo na gere ni ngbii asi na akongo ti li ni. A sara gere ti alamba ni alingbi na kode so KOTA GBIA afa na Moïse.

Matthieu 2:12

Na pekoni, Nzapa atene tënë na ala na ya ti bango-li titene ala kiri na ndo ti Herode pepe. Tongaso, ala mu mbeni lege nde, ala kiri na kodro ti ala.

Awatokua 7:44

“Na benyama, akotara ti e ayeke na da so a zia atêne na ya ni, atêne so a su atënë ti *mbuki na le ni. Nzapa amu yanga na Moïse ti leke da ni alingbi na kode so Moïse abaa.

Kolose 2:17

Ye so kue ayeke tongana gbe ti de ti ye so ayeke ga gbanda, me taa ye ni ayeke Christ.

Ahebro 10:1

Aye so ayeke daa, *Ndia ti Moïse ayeke fa ni mbirimbiri kue pepe; Ndia ni ayeke gi limo ti anzoni ye so ayeke ga. Ngu na ngu, azo ayeke mu *sandaga ndali ti asiokpari ti ala, ala yeke mu gi oko sandaga ni lakue lakue; ala yeke zia ni pepe. Ataa so ala yeke sara tongaso, Ndia alingbi ti sara si azo so aye ti ga nduru na Nzapa, aga nzoni kue pepe.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 12:25

Ala sara hange! Zo so ayeke tene tënë na ala, ala ke ti ma tënë ti lo pepe. Ando na sese so, azo ti Israel awara sioni, ngbanga ti so ala ke ti ma tënë ti zo so ayeke fa na ala peko ti tënë ti yanga ti Nzapa, ti gboto mê ti ala. Ti e, tongana e ke lo so alondo na yayu si ayeke tene tënë na e, fade e yeke kpe ngbanga ti Nzapa tongana nyen?

Ahebro 13:10

E yeke na mbeni gbalaka so awayango-sandaga ti azuife alingbi ti te kobe ti sandaga na ndö ni pepe, ala so ayeke sara kua na ya ti da so azuife ayeke voro Nzapa daa.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.

Josué 22:28

E tene na be ti e, e tene: gbanda, tongana azo atene tënë so na e nga na ahale ti e, fade e yeke tene na ala: ‘Ala baa, akotara ti e asara gbalaka so gi na oko kode ti gbalaka ti KOTA GBIA. Ala sara ni ndali ti sandaga ti anyama so a yeke gbi ni kue na wâ pepe, wala ndali ti ambeni sandaga nde pepe; me ala sara ni titene aduti mbeni ye na popo ti e na ala.’

Aye so Nzapa afa 15:5

Na pekoni, mbi baa kota da ti Nzapa so ayeke na yayu; yanga ni azi. Mbi baa da ti bongo so Nzapa na azo ti lo ayeke wara tere daa ayeke na ya ti kota da ni.