Ahebro 8:4 - Mbeti ti Nzapa - Tënë so amu fini

⁴ Tongana lo yeke fade na sese so, ka lo duti wayango-sandaga oko pepe, ngbanga ti so awayango-sandaga ayeke daa awe, ala so ayeke ya aye na Nzapa alingbi na *Ndia ti Moïse.

Ahebro 8:4 ပူးပေါင်းရင်းမြစ်များ

Wungo ti azo 18:5

Mo na amolenge ti mo, ala laa ayeke sara kua na ndo so ayeke nde si ayeke nzoni kue nga na kua ti gbalaka ni. Tongaso si ngonzo ti mbi akiri ati na ndö ti azo ti Israel pepe.

Ahebro 10:11

Na ya ti lango oko oko, wayango-sandaga oko oko kue ayeke luti na nduzu ti sara kua ti lo. Gi oko mara ti asandaga si ala yeke mu, me asandaga so ala yeke mu so alingbi ti zi asiokpari ti azo pepe.

Ahebro 11:4

Na lege ti mabe, Abel amu na Nzapa *sandaga so ayeke nzoni ahon ti Kain. Ndali ti mabe ti Abel, Nzapa atene, lo yeke zo ti mbirimbiri si lo yeda na aye so Abel amu. Na lege ti mabe si Abel angba ti tene tënë laso na e, ataa so lo kui awe.

Ahebro 5:1

A yeke soro kota wayango-sandaga na popo ti azo si a yeke zia lo titene lo sara kua ti Nzapa ndali ti azo, ti leke tënë na popo ti azo na Nzapa. Kua ti kota wayango-sandaga ayeke ti ya aye so azo aga na ni na Nzapa, ti ya nga *sandaga na Nzapa ndali ti asiokpari ti azo.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 8:3

Kota wayango-sandaga kue, a mu lo titene lo ya aye wala *sandaga na Nzapa. Nilaa, alingbi Jésus ayeke na mbeni ye na maboko ti lo ti ya na Nzapa.

Ahebro 9:9

Aye so kue ayeke fa na e ye na ndö ti ngoi so e yeke daa so: aye ni afa na e atene, aye so azo ayeke mu na Nzapa, wala asandaga ti anyama so ala yeke mu na lo, alingbi ti sara si be ti azo aga nzoni kue pepe, so ti tene be ti azo so ayeke voro Nzapa.