Ahebro 7:3 - Mbeti ti Nzapa - Tënë so amu fini

³ Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

Ahebro 7:3 ပူးပေါင်းရင်းမြစ်များ

Sigingo 6:18

Amolenge ti Kehat ti koli ayeke so: Amram, Isar, Hebron na Uziel. Kehat asara ngu ngbangbo oko na baleota na ota na ndö ti gigi.

Wungo ti azo 1:18

Na kozo lango ti use nze ni, ala iri azo ti Israel kue ti bongbi tere ti ala na ndo oko. Tongaso azo ti Israel adiko wungo ti ala na lege ti akete mara ti ala oko oko, asewa ti ala oko oko; ala su na mbeti iri ti akoli oko oko kue, ala so ngu ti ala alingbi baleuse na ala so ngu ti ala ahon baleuse.

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Ahebro 4:14

E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 7:1

Melkisedeke ayeke gbia ti gbata ti Salem, lo yeke nga wayango-sandaga ti Nzapa so ayeke na yayu kâ na ndö ti aye kue. Lani, Abraham ague ti tiri bira na agbia si lo kinda ala. Na kiringo ti lo na kodro, Melkisedeke ague, atengbi na lo na lege si Melkisedeke asara tufa na ndö ti lo.

Ahebro 7:17

Biani, Mbeti ti Nzapa atene tënë na ndö ti lo, atene: “Mo yeke duti wayango-sandaga kpu na kpu tongana ti Melkisedeke.”

Ahebro 7:2

Na pekoni, Abraham amu na lo *dime ti aye so kue lo wara. Kozo ye so e yeke baa na ndö ti Melkisedeke ayeke so: nda ti iri ti lo atene “gbia ti ye ti mbirimbiri”. Use ye ni, lo yeke nga gbia ti gbata ti Salem; nda ti iri ni ayeke “gbia ti siriri”.

Ahebro 7:6

Melkisedeke ayeke zo ti mara ti Lévi pepe, me Abraham amu na lo dime ti aye so lo wara. Na ndoni, Melkisedeke asara tufa na ndö ti Abraham, lo so Nzapa amu zendo na lo so.