Ahebro 7:24 - Mbeti ti Nzapa - Tënë so amu fini

²⁴ Me ti Jésus, lo yeke ngba na fini lakue lakue; mbeni zo nde ti mu ndo ti lo, ti sara kua ti yango sandaga ni ayeke daa pepe.

Ahebro 7:24 ပူးပေါင်းရင်းမြစ်များ

Jean 12:34

Gba ti azo ni akiri tënë na lo, atene: “Na ya ti mbeti ti *Ndia ti e, e ma a tene, fade *Mesii ayeke ngba kpu na kpu. Tongana nyen laa mo tene, a yeke mu *Molenge ti Zo ti kanga lo na nduzu so? Molenge ti Zo ni ayeke zo wa?”

Rome 6:9

E hinga nga so Christ azingo na kuâ awe, lo yeke kiri ti kui pepe, kuâ ayeke na ngangu na ndö ti lo mbeni pepe.

Rome 9:5

ala yeke *ahale ti akotara, Christ asigigi na ya ti ala na lege ti dutingo ti lo ti zo, lo yeke Nzapa so ayeke na ndö ti aye kue. Ayeke nzoni azo agonda lo kpu na kpu! Amen.

Ahebro 13:8

Jésus Christ angba tongana ti biri, ti laso na kpu na kpu.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.

Aye so Nzapa afa 1:18

lo so lo yeke na fini. Mbi kui ando, me mo baa, mbi yeke na fini kpu na kpu. Mbi yeke na ngangu na ndö ti kuâ nga na ndö ti ndo ti akuâ.

1 Samuel 2:35

Na pekoni, fade mbi yeke soro mbeni wayango-sandaga so ayeke sara ye na legeni. Lo yeke sara ande ye so anzere na mbi nga na ye so be ti mbi aye. Mbi yeke sara titene ahale ti lo aduti awayango-sandaga lakue. Zo ti mbi so mbi yeke soro lo titene lo ga gbia, fade ala sara kua na lo.