Ahebro 7:2 - Mbeti ti Nzapa - Tënë so amu fini

² Na pekoni, Abraham amu na lo *dime ti aye so kue lo wara. Kozo ye so e yeke baa na ndö ti Melkisedeke ayeke so: nda ti iri ti lo atene “gbia ti ye ti mbirimbiri”. Use ye ni, lo yeke nga gbia ti gbata ti Salem; nda ti iri ni ayeke “gbia ti siriri”.

Ahebro 7:2 ပူးပေါင်းရင်းမြစ်များ

Tongo nda ti aye 28:22

Têne so mbi leke ni aluti na nduzu so, fade ayeke ga da ti Nzapa. Aye so kue lo yeke mu ande na mbi, fade mbi yeke mu na lo *dime ni.”

2 Samuel 23:3

Nzapa ti Israel atene tënë, Kota Têne so azo ti Israel ayeke luti na ndö ni atene na mbi: “Gbia so ayeke bata azo ti lo mbirimbiri si lo yeke bata azo ti lo na lege ti kpengo mbeto ti Nzapa,

2 Samuel 8:15

David ale-gbia na ndö ti azo ti Israel kue; lo fâ ngbanga ti azo ti lo kue na legeni mbirimbiri.

1 Mbai 22:9

Fade mo yeke du molenge-koli: lo yeke zo so ayeke duti kpoo; mbi yeke sara titene awato so angoro lo azia lo kpoo. Iri ti lo ayeke duti ande Salomon; mbi yeke sara titene azo ti Israel aduti na siriri si kodro ni aduti kpoo na ngoi so kue lo yeke na fini.

Abia (Psaumes) 72:7

Na ngoi so lo ngba ti le-gbia, ayeke nzoni sarango ye ti mbirimbiri angba ti mai na ndo kue, nzoni duti asi singo na ngoi so kue nze angba ti su!

Awayango-sandaga 27:32

Âdu ti abagara, ataba na angasa, fade a yeke zia nzoroko na tere ti nyama oko na popo ti anyama baleoko si a yeke zia oko ni nde ndali ti KOTA GBIA.

Mishe 5:5

Fade azo ti li ni so ayeke sara komandema na ndö ti sese ti Asirii na yongoro zeme, ala yeke sara komandema na ndö ti kodro ti Nemrod na zeme so yanga ni aza.” “Ti makonzi ni, fade lo yeke zi e na maboko ti azo ti Asirii tongana ala hon katikati ti kodro ti e titene ala li na sese ti e.”

Wungo ti azo 18:21

*KOTA GBIA akiri atene: “Mbi yeke mu na azo ti mara ti Lévi *dime ti aye so kue azo ti Israel ayeke wara. So ayeke futa ti ala ndali ti akua ti da ti bongo so mbi, KOTA GBIA na azo ti mbi, e yeke wara tere daa.

Matthieu 1:23

“Baa, fade maseka-wali so ade ti hinga koli pepe ayeke mu ngo, lo yeke du molenge-koli; fade a yeke di iri ti lo Emmanuel.” – Nda ti iri so atene: “Nzapa ayeke na e”. –

Nzoni Tënë so Luc asu na mbeti 2:14

“E gonda Nzapa so ayeke na yayu kâ na ndö ti aye kue, siriri na ndö ti sese na popo ti azo so lo ye ala!”

Rome 3:26

na ngoi so lo kanga be ti lo ti ku ala. Ti fadeso, lo fa so lo yeke mbirimbiri si lo ye titene azo so ama na be na Jésus aga mbirimbiri na le ti lo.

Ahebro 7:1

Melkisedeke ayeke gbia ti gbata ti Salem, lo yeke nga wayango-sandaga ti Nzapa so ayeke na yayu kâ na ndö ti aye kue. Lani, Abraham ague ti tiri bira na agbia si lo kinda ala. Na kiringo ti lo na kodro, Melkisedeke ague, atengbi na lo na lege si Melkisedeke asara tufa na ndö ti lo.

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

1 Samuel 8:15

Na ya ti ale ti kobe baleoko, lo yeke mu mbage ni oko titene aga lapo ti ale ti kobe ti yaka, na lapo ti ale ti vinye ti mu na akota zo ti kua ti gbia. Lo yeke zi ti lo nga na ti azo ti gbe ti lo.

1 Samuel 8:17

Lo yeke zi lapo ti ataba ti ala na ti angasa ti ala. Ti hunzi na ni, fade ala wani, ala yeke ga angbaa ti lo.