Ahebro 7:13 - Mbeti ti Nzapa - Tënë so amu fini

¹³ Tënë so ayeke na ndö ti *Kota Gbia ti e; lo yeke zo ti mbeni mara nde. Mbeni zo oko ti mara ti lo ade ti sara kua ti yango *sandaga na ndö ti gbalaka pepe.

Ahebro 7:13 ပူးပေါင်းရင်းမြစ်များ

Wungo ti azo 17:5

Ye ni aga mbeni ye ti dango be ndali ti azo ti Israel, tongaso si mbeni senge zo so lo yeke *hale ti Aaron pepe aga ti zö dukani pepe na dawa ti KOTA GBIA. Zo so asara mara ti ye tongaso, lo yeke kui mara ti kuâ ti Kore na azo ti lo alingbi na tënë so KOTA GBIA atene na Moïse.

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 7:12

Tongana lege ti dutingo ti awayango-sandaga aga nde, alingbi a mu nga mbeni ndia nde.

Ahebro 7:14

Azo kue ahinga so, a du Kota Gbia ti e na ya ti mara ti Juda. Moïse atene tënë oko pepe na ndö ti mara ti Juda tongana lo tene tënë ti awayango-sandaga.