Ahebro 7:11 - Mbeti ti Nzapa - Tënë so amu fini

¹¹ Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 7:11 ပူးပေါင်းရင်းမြစ်များ

Galasii 2:21

Mbi ye titene ye so Nzapa amu na e na nzoni be aga senge ye pepe. Tongana mbeni zo aga mbirimbiri na le ti Nzapa na lege ti Ndia, andaa Christ akui gi senge senge!

Galasii 4:3

E nga, e yeke ando tongaso: e yeke tongana amolenge, e yeke na gbe ti ngbaa ti ayingo so ayeke na ngangu na ndö ti dunia so.

Galasii 4:9

Me fadeso ala hinga Nzapa awe – ti tene taa-tënë, Nzapa laa ahinga ala –. Ayingo so ayeke na ngangu pepe si ala yeke nga ye oko pepe so, ala ye ti kiri ti mu peko ti ayingo ni so tongana nyen? Ngbanga ti nyen si ala azo ti Nzapa, ala ye ti kiri ti ga angbaa ti ala?

Ahebro 5:10

Nzapa azia lo kota wayango-sandaga tongana ti Melkisedeke.

Ahebro 5:6

Nzapa akiri atene nga: “Mo yeke duti wayango-sandaga kpu na kpu tongana ti Melkisedeke.”

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Ahebro 7:10

Andaa, Abraham ayeke kotara ti Lévi. Tongaso, e lingbi nga ti tene, Lévi ade na ya ti kotara ti lo na ndembe so Abraham atengbi tere na Melkisedeke.

Ahebro 7:12

Tongana lege ti dutingo ti awayango-sandaga aga nde, alingbi a mu nga mbeni ndia nde.

Ahebro 7:13

Tënë so ayeke na ndö ti *Kota Gbia ti e; lo yeke zo ti mbeni mara nde. Mbeni zo oko ti mara ti lo ade ti sara kua ti yango *sandaga na ndö ti gbalaka pepe.

Ahebro 7:15

Mbeni ye so akiri avuru le ti tënë ni ayeke so: mbeni wayango-sandaga nde asi, lo yeke tongana Melkisedeke.

Ahebro 7:21

Me ti Jésus, Nzapa adeba yanga ti lo, atene: “*Kota Gbia adeba yanga ti lo awe, lo yeke kiri na ndö ti tënë ti lo pepe: mo yeke duti wayango-sandaga kpu na kpu.”

Ahebro 8:7

Tongana ye ti sioni oko ayeke fade na ya ti kozo mbuki ni pepe, ka lege ayeke daa pepe ti sara mbeni fini mbuki nde.

Ahebro 9:6

So a leke aye ni tongaso kue awe, awayango-sandaga ayeke li lakue na ya ti kozo ndo ni ti sara kua ti ala.