Ahebro 7:10 - Mbeti ti Nzapa - Tënë so amu fini

¹⁰ Andaa, Abraham ayeke kotara ti Lévi. Tongaso, e lingbi nga ti tene, Lévi ade na ya ti kotara ti lo na ndembe so Abraham atengbi tere na Melkisedeke.

Ahebro 7:10 ပူးပေါင်းရင်းမြစ်များ

Tongo nda ti aye 35:11

Nzapa akiri atene na lo: “Mbi yeke Nzapa so ngangu ti mbi ahon angangu kue. Mo du amolenge, ala wu mingi. Fade mbeni mara na amara mingi ayeke baa gigi na lege ti mo. Fade agbia ayeke sigigi na ya ti mo.

Tongo nda ti aye 46:26

Azo so kue ayeke na tere ti Jacob na guengo ni na Ezipte, ala so ayeke amolenge ti ya ti lo, wungo ti ala ayeke baleomene na omene. A diko awali ti amolenge ti lo na ya ni pepe.

1 Agbia 8:19

Me mo laa mo yeke sara ande da ni pepe; molenge ti mo laa ayeke sara da ni ndali ti mbi.’ ”

Ahebro 5:6

Nzapa akiri atene nga: “Mo yeke duti wayango-sandaga kpu na kpu tongana ti Melkisedeke.”

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 7:5

Andaa *Ndia ti Moïse amu lege na *ahale ti Lévi so ayeke sara kua ti yango sandaga ti mu dime ti aye ti azo ti Israel kue. So aye ti tene, ala yeke mu dime ni na maboko ti a-ita ti ala so ayeke nga ahale ti Abraham.

Ahebro 7:9

Ahale ti Lévi ayeke wara dime na maboko ti azo; me e lingbi ti tene, Lévi nga amu dime ti lo na lege ti Abraham so amu dime ti aye ti lo na Melkisedeke.