Ahebro 6:7 - Mbeti ti Nzapa - Tënë so amu fini

⁷ E mu tapande ti yaka: tongana ngu apika fani mingi na ndö ti sese si sese ni asara titene anzoni le ti kobe asigigi ndali ti azo so alu ye daa, andaa Nzapa asara tufa na ndö ti sese ni awe.

Ahebro 6:7 ပူးပေါင်းရင်းမြစ်များ

Tongo nda ti aye 1:11

Nzapa atene: “Ayeke nzoni sese asara titene apere na akeke asigigi, amara ni nde nde. Apere ni na ale ti lungo ni na tere ni, na akeke nde nde so ayeke le, na ale ti lungo ni na ndö ni. Ye ni asi tongana ti so lo tene.

Tongo nda ti aye 27:27

Jacob aga nduru si lo su ngbangba ti babâ ti lo. Isaac ama fion ti abongo ti lo si lo sara tufa na ndö ti lo, lo tene: “Biani, fion ti tere ti molenge ti mbi ayeke tongana fion ti yaka so KOTA GBIA asara tufa na ndö ni.

Abia (Psaumes) 126:6

Zo so ague ti lu le ti kobe na toto na yanga ti lo, fade lo yeke kiri na kodro na gba ti kobe, ngia na yanga ti lo.

Abia (Psaumes) 24:5

Fade KOTA GBIA ayeke sara tufa na ndö ti lo, fade Nzapa, wasongo lo ayeke baa lo zo ti mbirimbiri.

Ésaïe 44:3

Biani, fade mbi yeke tuku ngu na ndö ti sese so ayeke na nzara ti ngu, mbi yeke sara titene akete ngu asua na ndö ti holengo sese. Mbi yeke tokua yingo ti mbi na ndö ti amolenge ti mo si mbi yeke sara tufa na ndö ti *ahale ti mo.

Ezekiel 34:26

Mbi yeke sara tufa na ndö ti ala nga na ndö ti ando nde nde so ayeke na tere ti hoto ti mbi. Mbi yeke sara titene ngu-Nzapa apika na ngoi ni, ngu-Nzapa so ayeke sara nzoni na zo.

Osée 10:12

Ala lu ye alingbi na ye ti mbirimbiri si fade ala yeke ko ye alingbi na nzoni be; ala fâ fini yaka ti ala! Ngoi titene ala gi KOTA GBIA alingbi awe; ala gi lo ngbii lo ga lo sara si ye ti mbirimbiri atuku na ndö ti ala.

Awayango-sandaga 25:21

Fade mbi yeke mu yanga titene tufa ti mbi aga na ndö ti ala na ngu omene ni si sese ayeke du ale ti kobe ndali ti ngu ota.

Malashii 3:10

Adime ti aye so ala wara, ala ga na ni kue na ya ti kubu ti batango mosoro ti da ti mbi titene kobe aduti lakue na ya ti da ti mbi. Ala sara tongaso ti tara mbi, ala baa tongana mbi zi fenetere ti yayu ti tuku anzoni ye ti mbi gbani gbani na ndö ti ala pepe si. Tënë so KOTA GBIA so ayeke na ndö ti dunia kue atene laa.

Matthieu 7:8

Zo so ahunda ye, fade a yeke mu na lo; zo so agi ye, fade lo yeke wara; zo so apika yanga ti da, fade a yeke zi na lo.

2 Timothée 2:6

Zo so abaa pasi na fango yaka, alingbi lo laa lo wara ale ti kobe ti yaka ni kozoni.

Jacques 5:7

A-ita, ala kanga be ti ala ti ku lango ti gango ti *Kota Gbia. Ala baa zo ti fango yaka: lo yeke kanga be ti lo ti ku anzoni kobe ti yaka ti lo, lo yeke ku ngbii akozo ngu-Nzapa na angu ti ndani apika si.