Ahebro 6:2 - Mbeti ti Nzapa - Tënë so amu fini

² tënë na ndö ti abateme, tënë ti ziango maboko na li ti azo, tënë ti zingongo ti akuâ na tënë ti ngbanga so Nzapa ayeke fâ ande na li ti azo biani biani.

Ahebro 6:2 ပူးပေါင်းရင်းမြစ်များ

Zo ti bongbingo azo 12:14

Biani, aye so kue zo ayeke sara, ataa na hondengo ni, nzoni ni wala sioni ni, fade Nzapa ayeke iri zo na ngbanga.

Ésaïe 26:19

Azo ti mbi, azo ti ala so akui so, ala yeke kiri ti duti na fini, ala yeke zingo na kuâ. Ala azo so alango na ya ti fuku ti sese, ala zingo, ala dekongo na ngia! Biani, *KOTA GBIA ayeke tokua na ala ngu ti pere so ayeke mu lumiere, ndali ti ngu ti pere ni, sese ayeke sara si akuâ akiri ti duti na fini.

Daniel 12:2

Azo mingi so alango na ndo ti akuâ ayeke zingo: ambeni ayeke zingo ti duti na fini so angba lakue lakue si ambeni ayeke zingo ti wara kamene nga ti baa pasi so ayeke sioni mingi lakue lakue.

Matthieu 28:19

Tongaso, ala gue na ndo ti amara kue, ala sara si ala ga adisiple, ala batize ala na iri ti Babâ, ti Molenge na ti Yingo-Vuru;

Matthieu 3:14

Me Jean aye ti ke. Lo tene na Jésus: “Mo laa mo lingbi fade ti batize mbi. Tongana nyen laa mo kiri, mo ga titene mbi batize mo so?”

Marc 16:16

Zo so ama na be si awara bateme, fade lo yeke soo kuâ, me zo so ama na be pepe, fade a yeke fâ ngbanga na li ti lo.

Marc 7:4

Tongana ala londo na gara si ala kiri na da, kozoni titene ala te kobe, ala yeke sukula tere ti ala si. Ala bata ambeni ndia mingi: andia na ndö ti nzoni lege ti sukulango akopo ti ngu, ata ti ngu, asembe [ na agbogbo].

Marc 7:8

Jésus atene na ala: “Ala afarizien na awafango-ndia, ala zia ndia ti Nzapa si ala yeke bata gi lege ti andia ti akotara ti ala.”

Nzoni Tënë so Luc asu na mbeti 11:38

So farizien ni abaa Jésus ayeke te kobe, me lo sukula maboko ti lo kozoni pepe, li ti lo akpe.

Nzoni Tënë so Luc asu na mbeti 12:50

Mbi yeke ku ti wara mbeni bateme; be ti mbi ayeke ngba na nduzu ngbii asi na ngoi so mbi yeke wara ni!

Nzoni Tënë so Luc asu na mbeti 14:14

Fade mo yeke duti na ngia, ngbanga ti so ala yeke na ye ti kiri na ni na mo pepe. Me Nzapa ayeke kiri ni ande na mo na ngoi so azo ti mbirimbiri ayeke zingo na kuâ.”

Nzoni Tënë so Luc asu na mbeti 3:16

Jean akiri tënë na ala kue, atene: “Ti mbi, mbi yeke batize ala na ngu, me lo so lo yeke ga ande, ngangu ti lo ahon ti mbi: mbi kpa zo ti zi akamba ti poro ti gere ti lo pepe. Fade lo yeke batize ala na Yingo-Vuru nga na wâ.

Jean 1:33

Mbi hinga ti mbi lo kozoni pepe, me lo so atokua mbi ti batize azo na ngu, lo tene: ‘Zo so mo yeke baa ande Yingo azu si aduti na ndö ti lo, lo laa lo yeke batize azo na Yingo-Vuru.’

Jean 5:29

si ala yeke zingo na kuâ. Azo so asara aye ti nzoni, fade ala yeke zingo na kuâ ti kiri ti duti na fini; me azo so asara aye ti sioni, ala yeke zingo na kuâ titene a fâ ngbanga na li ti ala.

Awatokua 10:47

“Fadeso, azo so awara Yingo-Vuru gi tongana ti so e wara na ni. Alingbi ti gbanzi ala titene ala wara bateme ti ngu?”

Awatokua 13:3

Na peko ti so ala ke kobe si ala sambela awe, ala zia maboko na ndö ti azo use so si ala mu na ala lege ti gue.

Awatokua 16:15

Na peko ti so lo na azo ti da ti lo awara bateme, lo iri e, lo tene: “Tongana ala baa so mbi ma na be na Kota Gbia biani, ala ga, alango na ya ti da ti mbi.” Lo voro e ngbii si e yeda.

Awatokua 16:33

Gi na ya ti ngbonga ni so, wabatango da ti kanga ni amu ala si asukula ale ti ka ti ala. Gi na bi ni, lo wara bateme, lo na azo ti sewa ti lo kue.

Awatokua 17:18

Ambeni wafango-ye so ayeke a-epikurien na astoisien ato nda ti tene tënë na lo. Ambeni atene: “Tënë ti nyen laa sakpa-tënë so ayeke tene so?” Ambeni atene: “Lo kpa zo ti fango tënë ti anzapa nde.” Ala tene tongaso, ngbanga ti so Paul ayeke tene tënë ti Jésus na tënë ti zingongo ti akuâ.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 2:41

Azo so ayeda na tënë ti Pierre, ala wara bateme. Na lango ni so, azo nduru na saki ota ama na be si ala li na ya ti bongbi ti azo ti Jésus.

Awatokua 23:6

So Paul ahinga atene, ambeni zo ni ayeke *asadusien si ambeni ayeke *afarizien, lo dekongo na azo ti Kota Bongbi ti Fango Ngbanga ni, lo tene: “A-ita, mbi yeke farizien, mbi yeke molenge ti afarizien. Ndali ti so mbi yeke zia be ti mbi ti ku zingongo ti akuâ si a ga na mbi na gbe ti ngbanga so.”

Awatokua 24:15

Mbi zia be ti mbi ti ku mbeni ye na mbage ti Nzapa, azo so ayeke bi tënë na li ti mbi ayeke ku nga ni: fade azo ti mbirimbiri na azo ti sioni ayeke zingo na kuâ.

Awatokua 24:21

Na ndembe so mbi luti na gbe ti azo ti Kota Bongbi ti Fango Ngbanga, mbi dekongo, mbi tene: ‘Ala yeke fâ ngbanga na li ti mbi laso, ngbanga ti so mbi yeda na tënë ti zingongo ti akuâ!’ Ndali ti tënë oko so laa ala duti ti fâ ngbanga na li ti mbi laso?”

Awatokua 24:25

Me so Paul ayeke tene tënë na ndö ti lege ti sarango ye ti mbirimbiri, ti kangango nzara ti tere nga na ndö ti fango ngbanga so ayeke ga gbanda, mbeto agbu Félix si lo kai Paul, lo tene: “Ti laso alingbi awe! Tongana mbi wara ngoi, fade mbi yeke kiri ti iri mo.”

Awatokua 26:8

Ngbanga ti nyen si ala, azuife, ala baa ti ala atene, Nzapa alingbi ti zingo azo na kuâ pepe so?

Awatokua 4:2

Be ti ala aso mingi, ngbanga ti so Pierre na Jean ayeke fa ye na azo atene, Jésus azingo na kuâ awe. Tongaso, fade azo ayeke zingo nga na kuâ.

Awatokua 6:6

Azo ni afa ala na awatokua. Awatokua asambela Nzapa si azia maboko na ndö ti ala.

Rome 2:16

Ye so ayeke sigigi polele na lango ti fango ngbanga laa. Tongana ti so Nzoni Tënë so mbi yeke fa atene tënë ni, na lango ni so, fade Nzapa ayeke fâ ngbanga ti ye so kue azo ayeke sara na hondengo ni, na lege ti Jésus Christ.

1 Korente 10:2

Akotara ti e ni kue awara bateme na ya ti mbinda nga na ya ti kota ngu-ingo, ngbanga ti so ala ga oko na Moïse.

1 Korente 12:13

Ataa e yeke azuife wala e yeke azuife pepe, ataa e yeke angbaa wala angbaa pepe, e kue, e wara bateme ti Yingo oko titene e bongbi e ga tere oko; Nzapa amu na e kue gi oko Yingo so.

2 Korente 5:10

Biani, fade e kue, e yeke si na le ti ngbanga ti Christ titene zo oko oko awara ye ti peko ti aye so lo sara na ngoi so lo yeke na fini na ndö ti sese so: nzoni ni wala sioni ni.

Filipe 3:21

Lo laa lo yeke mu tere ti e so ayeke tere ti pasi ti sara ni alingbi na tere ti lo ti gonda. Lo yeke sara tongaso na lege ti ngangu so lo yeke na ni ti sara si aye kue aduti na gbe ti komandema ti lo.

Kolose 2:12

So ala wara bateme, a lu ala na Christ awe si a zingo ala na kuâ legeoko na lo, ngbanga ti so ala ma na be na ngangu ti Nzapa so azingo lo na kuâ.

2 Timothée 2:18

Azo ni so azia lege ti taa-tënë awe si ala yeke tene na azo atene, zingongo ti akuâ ayeke mbeni ye so ahon awe. Na lege ti tënë ti ala, ala yeke kinda mabe ti azo mingi.

Ahebro 11:35

Na lege ti mabe, ambeni wali akiri awara azo ti ala so akui na peko ti so azo ni azingo na kuâ. Ti ambeni, a sara ala sana; me ala ke titene a sigigi na ala na ya ti sana ni ndali ti so ala ye ti duti na fini so ayeke nzoni ahon ti kozoni na peko ti zingongo ti ala na kuâ.

Ahebro 9:10

Aye so kue ayeke gi asenge ndia ti azo, andia so ayeke na ndö ti tengo akobe, na nyongo ye, na tënë ti *sukulango asioni nde nde. Ndia so ayeke ngba ngbii asi na ndembe so Nzapa asara titene ye oko oko kue akiri aga fini ni.

2 Pierre 3:7

Me gi na lege ti oko tënë ti yanga ti Nzapa laa, lo yeke bata yayu na sese so e yeke baa fadeso ti gbi ni na wâ. Lo yeke bata ni ti ku lango ti fango ngbanga na li ti azo ti sioni, lango so ala yeke kui biani biani.