Ahebro 6:18 - Mbeti ti Nzapa - Tënë so amu fini

¹⁸ Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Ahebro 6:18 ပူးပေါင်းရင်းမြစ်များ

Tongo nda ti aye 19:22

Mo kpe hio, mo gue kâ titene mo soo kuâ. Mbi yeke sara ye oko pepe, ngbii mo si na ya ti gbata ni awe si.” Ndani laa azo adi iri ti gbata ni so Soar.

1 Agbia 2:28

Yoab ama tënë ti ye so asi na Adonia nga na Abiatar. Tongaso lo kpe, lo honde tere ti lo na ya ti da ti *KOTA GBIA so a sara na bongo, lo gbu adidi ti gbalaka ni. Andaa Yoab amu lani peko ti Adonia, me lo mu peko ti Absalom pepe.

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Abia (Psaumes) 46:1

Bia ti azo ti Kore; bia so ayeke ndali ti makonzi-bia. A he ni na aye ti mozoko so atoto na nduzu

Abia (Psaumes) 62:8

Nzapa ayeke wasongo mbi na kuâ; na lege ti lo laa mbi yeke wara gonda. Lo yeke kota ngangu têne so mbi luti na ndö ni ti bata tere ti mbi; lo yeke ndo so mbi kpe daa ti bata tere ti mbi.

Amato 3:18

Ndara ayeke tongana keke so ayeke mu fini na azo so asara ye alingbi na ni. Lo yeke zia ngia na be ti azo so awara ni.

Amato 4:13

Wango so a mu na mo, mo bata ni ngangu, mo zia lege ni pepe. Mo bata ni, ngbanga ti so fini ti mo laa!

Ésaïe 27:5

Me tongana mbeni zo amu mbi tongana gbagba ti batango lo, lo yeke sara si mbi na lo, e duti na siriri; biani, mbi na lo, e yeke duti na siriri!”

Ésaïe 51:12

*KOTA GBIA atene: “Mbi, mbi laa mbi yeke de be ti ala. Azo ti mbi, ala yeke sara mbeto ti zo so ayeke kui kuingo so ngbanga ti nyen? Fini ti lo ayeke tongana pere.

Ésaïe 56:4

Biani, tënë so KOTA GBIA atene ayeke so: “Ambaiwa so ayeke sara ye alingbi na lango ti wungo tere, ala so asoro ti sara ye so anzere na be ti mbi, ala so agbu tënë ti *mbuki ti mbi ngangu,

Ésaïe 64:7

Andaa mo KOTA GBIA laa, mo yeke babâ ti e. E yeke tongana sese ti sarango na ta si mo yeke tongana wasarango-ta; e kue, maboko ti mo laa asara e.

Zakarii 9:12

Ala azo ti kanga so azia be ti ala ti ku titene a zi ala so, ala kiri na ya ti gbata ti ala so ngangu gbagba ayeke na tere ni. Gi laso laso, mbi tene: fade mbi yeke mu na ala ye ti peko ti pasi ti ala fani use.

Wungo ti azo 23:19

Nzapa ayeke zo pepe titene lo tene mvene, lo yeke senge zo ti sese pepe ti duti na yanga use use. Tënë so lo tene, fade lo yeke sara ni pepe? Tënë so lo tene, fade lo yeke sara ye ti peko ni pepe?

Matthieu 24:35

Fade yayu na sese ayeke hon, me atënë ti mbi ayeke hon oko pepe.”

Matthieu 3:7

So Jean abaa gba ti *afarizien na *asadusien ayeke ga na tere ti lo titene ala wara bateme, lo tene na ala: “Ala, asioni mara ti ngbo! Zo wa laa afa na ala lege ti kpe ngonzo ti Nzapa so ayeke ga so?

Nzoni Tënë so Luc asu na mbeti 2:25

Mbeni koli ayeke na Jérusalem, iri ti lo ayeke Siméon; lo yeke zo ti mbirimbiri, lo mu be ti lo kue na Nzapa, lo yeke ku zo so ayeke ga ande ti soo azo ti Israel. Yingo-Vuru ayeke na Siméon.

Rome 15:5

Nzapa so ayeke mu na zo lege ti kanga be ti lo na ti mu ngangu na be ti lo, asara si ala ma tere na popo ti ala tongana ti so Christ afa lege ni na ala.

Rome 3:25

Nzapa amu Jésus Christ na *sandaga si na lege ti mene ti lo, Christ azi siokpari ti azo so ama na be. Nzapa asara so ti fa atene, lo yeke mbirimbiri: asiokpari so azo asara ando, lo fâ ngbanga na li ti ala ndali ni pepe

Rome 3:4

Oko pepe! Alingbi azo ahinga atene, Nzapa ayeke sara ye na lege ti taa-tënë, me azo kue ayeke azo ti mvene. Nilaa Mbeti ti Nzapa atene: “Fade azo ayeke hinga atene, mo yeke mbirimbiri na lege ti tënë ti yanga ti mo si na ndembe so azo aye ti fâ ngbanga ti mo, mo sigigi na ya ti tënë ni.”

Rome 5:5

Ye so e zia be ti e ti ku ni, e yeke ku ni gbaa pepe, ngbanga ti so Nzapa azia ndoye ti lo na be ti e na lege ti Yingo-Vuru so lo mu na e.

Filipe 2:1

Gango so ala ga oko na Christ asara si ala kpengba. Ndoye ti lo asara si be ti ala awara ngangu, ala yeke na beoko na Yingo, ala ye tere si ala yeke sara nzoni be na azo.

Kolose 1:23

Me alingbi ala ngba na lege ti mabe, ala luti ngangu na ndö ni si ala kpengba. Na ndembe so ala ma Nzoni Tënë, ala wara lege ti zia be ti ala ti ku, ala zia lege ni, ala hon nde pepe. A fa Nzoni Tënë so na azo ti dunia kue si mbi Paul, mbi ga zo ti kua ti fango Nzoni Tënë ni.

Kolose 1:27

Nzapa aye si ala hinga mosoro na gonda so lo leke na hondengo ni ndali ti azo so ayeke azuife pepe. Ye so lo leke ayeke so: Christ ayeke na be ti ala si ala zia be ti ala ti ku titene ala duti ande na ya ti gonda ti lo.

Kolose 1:5

Na ndembe so taa-tënë so ayeke Nzoni Tënë asi kozoni na popo ti ala, na ya ti tënë ni, ala ma tënë ti ye so ala zia be ti ala ti ku na yayu. Ye so ala zia be ti ala ti ku asara si ala zia be ti ala na ndö ti Jésus Christ si ala ye azo ti Nzapa.

1 Tesalonike 1:10

Fadeso ala yeke ku Jésus, Molenge ti lo so ayeke londo na yayu ti ga. Nzapa azingo Molenge ti lo ni na kuâ, lo so lo yeke zi e na gbe ti ngonzo ti Nzapa so ayeke ga.

1 Timothée 1:1

Mbi Paul, mbi yeke *watokua ti Jésus Christ na peko ti yanga ti Nzapa, Wasongo e, lo na Jésus Christ so e zia be ti e kue na ndö ti lo.

1 Timothée 6:12

Tiri nzoni bira ti mabe na legeni titene mo gbu fini so angba lakue lakue. Biani, Nzapa airi mo ando ti wara fini ni so si mo tene tënë ti mabe ni pendere na le ti azo mingi so.

2 Timothée 2:13

tongana e sara ye alingbi na tënë ti yanga ti e pepe, ti lo, lo yeke ngba ti sara ye lakue alingbi na tënë ti yanga ti lo. Biani, lo lingbi ti bere tënë ti yanga ti lo wani pepe.”

Tite 1:2

tongaso si ala zia be ti ala ti ku fini so angba lakue lakue. Nzapa ayeke tene mvene pepe; kozo si dunia abaa gigi, Nzapa amu zendo ti mu na ala fini ni so.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 3:11

Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!”

Ahebro 3:6

Ti Christ, lo sara kua ni na legeni tongana Molenge ti Nzapa, lo yeke na komandema na ndö ti da ti Babâ ti lo. E laa e yeke da ni tongana e ngba ti zia be ti e na ndö ti ye so e yeke ku ni si e gonda tere ti e daa.

Ahebro 6:17

Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Ahebro 7:19

Biani, titene mbeni ye ti nzoni kue aduti daa, *Ndia ti Moïse asara ni oko pepe. Me mbeni ye so ayeke nzoni ahon ti kozoni asi awe; ye ni so laa e zia be ti e ti ku ni si na lege ni, e yeke ga nduru na Nzapa.

Ahebro 7:21

Me ti Jésus, Nzapa adeba yanga ti lo, atene: “*Kota Gbia adeba yanga ti lo awe, lo yeke kiri na ndö ti tënë ti lo pepe: mo yeke duti wayango-sandaga kpu na kpu.”

Josué 20:3

Tongana mbeni zo afâ zo na mbana pepe, wala lo laa lo yeda ti fâ zo ni pepe, lo lingbi ti kpe na ya ti mbeni gbata ni so ti bata tere ti lo. Tongaso, fade lo lingbi ti kpe zo so aye ti kiri peko ti sioni na zo ti fango zo ni.

1 Jean 1:10

Tongana e tene, e sara siokpari pepe, andaa e yeke sara si Nzapa aga zo ti mvene si tënë ti lo ayeke na be ti e pepe.

1 Jean 5:10

Zo so ama na be na Molenge ti Nzapa, tënë so Nzapa atene so ayeke na be ti lo. Zo so ake ti yeda na tënë so Nzapa atene, lo mu Nzapa tongana zo ti mvene, ngbanga ti so lo ke ti yeda na tënë so Nzapa atene na ndö ti Molenge ti lo.

1 Samuel 15:29

Kota Gbia, lo so lo yeke gonda ti Israel ayeke tene mvene pepe. Lo yeke zo pepe titene lo kiri na peko na ndö ti tënë ti lo.”