Ahebro 6:17 - Mbeti ti Nzapa - Tënë so amu fini

¹⁷ Andaa, azo so Nzapa amu zendo ti mu aye na ala, lo ye ti fa biani na ala so be ti lo angba lakue na ndö ti zendo ni. Ndani laa lo deba yanga ti lo na ndö ti zendo ni.

Ahebro 6:17 ပူးပေါင်းရင်းမြစ်များ

Tongo nda ti aye 26:28

Ala kiri tënë, atene: “E baa biani so KOTA GBIA ayeke na mo. Nilaa e tene na be ti e, e tene, ayeke nzoni e na mo, e deba yanga ti e na popo ti e ti ga ambuki.

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Abia (Psaumes) 33:11

Me ye so KOTA GBIA aye ti sara ayeke ngba lakue lakue. Atënë ti be ti lo angba kpu na kpu.

Abia (Psaumes) 36:8

Nzapa, ndoye ti mo ayeke nzoni mingi, nzoni mingi! Azo ayeke kpe na mo ti bata tere ti ala na gbe ti maboko ti mo tongana ti so amolenge ti ndeke ayeke kpe ti bata tere ti ala na gbe ti *kpangi ti mama ti ala.

Sigingo 22:11

Me tongana a nzi nyama ni na ndo ti lo, fade lo yeke futa na wa ti nyama ni nginza so alingbi.

Amato 19:21

Apialo asi singo na ya ti be ti zo; me ye so KOTA GBIA aleke na be ti lo ti sara, ni laa ayeke si.

B. ti abia 5:1

Ita ti mbi ti wali, mo so mo yeke ga wali ti mbi so, mbi yeke li na yaka ti mbi, mbi yeke ko *mire ti mbi nga na yombo ti mbi, mbi yeke te da ti wotoro ti mbi, mbi yeke su mafuta ti wotoro ti mbi; mbi yeke nyon vin ti mbi, na ngu ti me ti mbi. A-ita, ala te ye, ala nyon ye, ala sule ndali ti yengo tere.

Ésaïe 14:24

*KOTA GBIA so ayeke na ndö ti dunia kue adeba yanga ti lo, atene: “Ye so mbi leke na be ti mbi ti sarango ni ayeke si; ye so mbi ye ti sara, mbi yeke sara ni.

Ésaïe 46:10

Aye so ayeke si ande, mbi fa tënë ni gi na tongo nda ni. Ye so ade ti si pepe, mbi tene tënë ni ngbene ye aninga awe. Mbi tene: “Pialo ti mbi ayeke si alingbi na ni. Ye so kue mbi ye ti sara, mbi yeke sara ni.”

Ésaïe 55:11

Tënë so ayeke sigigi na yanga ti mbi ayeke legeoko tongaso: tënë ni ayeke kiri na mbi senge pepe, tënë ni ayeke sara ye so mbi ye, tënë ni ayeke sara kua so mbi tokua lo ti sara.”

Ésaïe 55:7

Alingbi zo ti sioni azia lege ti sioni ti lo; zo ti sarango sioni azia asioni tënë ti be ti lo. Ayeke nzoni ala kiri na KOTA GBIA si fade lo baa mawa ti ala. Ayeke nzoni lo kiri na Nzapa ti e si lo zi tënë na li ti ala biani biani.

Malashii 3:6

“Mbi *KOTA GBIA, mbi sanze pepe. Me ti ala, ala ngba lakue azo ti mara ti Jacob.

Jean 10:10

Zo ti nzi aga ti lo gi ti nzi ye, ti fâ ye, ti buba ye. Ti mbi, mbi ga ti sara si azo aduti na fini si fini so awu ahon ndoni.

Rome 11:29

Biani, tongana Nzapa amu ye na zo awe, lo yeke kiri ti zi ni na maboko ti lo pepe; tongana Nzapa airi mbeni zo awe, lo yeke kiri ti ke lo pepe.

Rome 8:17

So e yeke amolenge ti Nzapa, e yeke wara nga anzoni ye ti lo so lo mu zendo ni na azo ti lo; e na Christ laa e yeke wara anzoni ye ni. Biani, so e na Christ e yeke baa pasi legeoko so, fade e na lo nga, e yeke duti na ya ti gonda ti lo.

Galasii 3:29

Tongana ala yeke azo ti Christ, andaa ala yeke *ahale ti Abraham, ala yeke wara ande ye so Nzapa amu zendo ni.

Efeze 1:11

Na lege ti gango so e ga oko na Christ, Nzapa asoro e kozoni titene e ga azo ti lo alingbi na ye so lo leke na be ti lo, lo sara ye so kue tongana ti so be ti lo aye.

Ahebro 11:7

Na lege ti mabe, Noe ama tënë ti aye so Nzapa atene tënë ni so ayeke si ande si zo ade ti baa ni pepe so. Noe abaa ni tongana senge tënë pepe, nilaa lo leke mbeni kota mangboko so lo na asewa ti lo ali na ya ni titene ala soo kuâ. Tongaso, lo fâ ngbanga na li ti azo ti dunia si na lege ti mabe, lo ga mbirimbiri na le ti Nzapa.

Ahebro 11:9

Na lege ti mabe, lo gue, lo duti tongana wande na kodro so Nzapa amu zendo ni na lo. Lo lango na ya ti da ti bongo, lo na Isaac na Jacob, ala so Nzapa amu zendo na ala titene kodro ni aga ti ala.

Ahebro 6:12

Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Ahebro 6:16

Tongana azo ayeke deba yanga ti ala, ala yeke deba na iri ti mbeni zo so ayeke kota ahon ala. Dengo ba ni ayeke sara si ala luti na ndö ti mbeni ye ti mbirimbiri, tongaso si dengo kite ahunzi na popo ti ala.

Ahebro 6:18

Dengo ba so Nzapa ade na zendo so lo mu so ayeke ngba lakue; tënë ti mvene ayeke na ya ti aye use so oko pepe. Aye use so ayeke kpengba e mingi, e so e zia be ti e ti ku ti wara ye so Nzapa aye ti mu na e.

Jacques 1:17

Nzoni ye so kue zo ayeke wara gi senge senge na matabisi so kue ayeke nzoni alondo na yayu, na maboko ti Nzapa, lo so lo sara ye so kue ayeke su na le ti nduzu. Lo yeke sanze pepe, lo yeke yingi pepe si vukongo ndo ayeke na mbage ti lo oko pepe, tongana lo turne tere ti lo.

Jacques 2:5

A-ita ti mbi so mbi ye ala mingi, ala ma mbi si: Nzapa asoro azo so azo ti dunia so abaa ala tongana awayere titene ala ga azo ti mosoro na lege ti mabe si *Kodro-gbia so Nzapa amu zendo ni aga ti ala. Biani, lo mu zendo ni na azo so aye lo!

1 Pierre 1:3

E gonda Nzapa, Babâ ti *Kota Gbia ti e Jésus Christ! Lo baa mawa ti e mingi si lo sara titene a kiri a du e mbeni na lege ti zingongo so lo zingo Jésus Christ na kuâ. Tongaso, e zia be ti e ti ku ye so ayeke sara titene zo aduti na fini.

1 Pierre 3:7

Akoli, ala nga, na dutingo so ala na awali ti ala ayeke duti, ayeke nzoni ala hinga so, awali ti ala ayeke tongana ta so akpengba pepe. Ala ne ala, ngbanga ti so ala, na awali ti ala kue laa ayeke wara nzoni ye so Nzapa ayeke mu na zo; nzoni ye ni ayeke dutingo na fini. Ala sara tongaso si mbeni ye akanga lege na sambela ti ala pepe.