Ahebro 6:16 - Mbeti ti Nzapa - Tënë so amu fini

¹⁶ Tongana azo ayeke deba yanga ti ala, ala yeke deba na iri ti mbeni zo so ayeke kota ahon ala. Dengo ba ni ayeke sara si ala luti na ndö ti mbeni ye ti mbirimbiri, tongaso si dengo kite ahunzi na popo ti ala.

Ahebro 6:16 ပူးပေါင်းရင်းမြစ်များ

Tongo nda ti aye 14:22

Abram akiri tënë na lo, atene: “Baa, maboko ti mbi so mbi yeke yoro na mbage ti KOTA GBIA, Nzapa so ayeke na yayu kâ na ndö ti aye kue, lo so lo sara yayu na sese so.

Tongo nda ti aye 21:23

Laso, na ndo so e yeke daa so, ayeke nzoni mo deba yanga ti mo na iri ti Nzapa, mo tene, mo yeke handa mbi pepe, wala amolenge ti mbi pepe, wala *ahale ti mbi pepe. Tongana ti so mbi sara nzoni na mo, mo nga, fade mo yeke sara nzoni na mbi, na azo ti kodro so mo duti daa so.”

Tongo nda ti aye 21:24

Abraham akiri tënë, atene: “Mbi deba yanga ti mbi awe.”

Tongo nda ti aye 31:53

Ayeke nzoni Nzapa ti Abraham na Nzapa ti Nahor afâ ngbanga na popo ti mbi na mo.” Tongaso Jacob adeba yanga ti lo na iri ti Nzapa ti Isaac, babâ ti lo, Nzapa so asara ye ti ziango mbeto na be ti azo.

2 Samuel 21:2

Gbia airi azo ti Gabaon ti tene tënë na ala. Azo ti Gabaon ayeke azo ti Israel pepe; me ala yeke tanga ti azo ti Amori so angba na fini. Azo ti Israel adeba yanga ti ala lani ti bata fini ti azo ti Gabaon. Me Saul, so tënë ti azo ti Israel na ti Juda agbu be ti lo ahon ndoni agi lege ti fâ azo ti Gabaon ti hunzi ala.

Sigingo 22:11

Me tongana a nzi nyama ni na ndo ti lo, fade lo yeke futa na wa ti nyama ni nginza so alingbi.

Galasii 3:15

A-ita, mbi ye ti mu tapande ti mbeni ye so azo ayeke sara ka na popo ti ala: tongana ambeni zo ama tere na ndö ti mbeni tënë si ala leke gere ti tënë ni mbirimbiri awe, mbeni zo alingbi ti buba ya ni pepe, mbeni zo alingbi nga ti zia mbeni tënë na ndö ni pepe.

Ahebro 6:13

Na ngoi so Nzapa amu zendo na Abraham, mbeni zo so ayeke kota ahon Nzapa titene lo deba na iri ti lo ayeke daa pepe, nilaa lo deba na iri ti lo wani,