Ahebro 6:12 - Mbeti ti Nzapa - Tënë so amu fini

¹² Ala woko na lege ti sarango kua pepe, me ala sara ye tongana ti azo so ama na be, azo so akiri na peko pepe. Azo ni ayeke wara aye so Nzapa amu zendo ni na ala.

Ahebro 6:12 ပူးပေါင်းရင်းမြစ်များ

Amato 12:24

Zo so maboko ti lo agbu kua ngangu, fade lo yeke sara komandema; me zo ti sopo ayeke ga ngbaa.

Amato 13:4

Zo ti sopo asara nzara ti ye, me lo yeke wara ni pepe; me azo so ayeke gbu kua ngangu, ala yeke wara aye gbani gbani.

Amato 15:19

Lege ti zo ti sopo asi singo na akeke ti ki; me lege ti azo ti mbirimbiri, a de ni nzoni.

Amato 18:9

Zo so asara sopo na kua ti lo, lo yeke ita ti zo so abuba kua ni.

Amato 2:20

Tongaso, ayeke nzoni mo mu lege ti dutingo ti azo ti nzoni; mo sara ye tongana ti azo ti mbirimbiri.

Amato 26:14

Zo ti sopo ayeke turne na ndö ti gbogbo tongana ti so yanga-da ayeke turne na ndö ti awen ti gbungo na yanga-da ni.

Amato 28:10

Zo so asara si azo ti mbirimbiri amu sioni lege, fade lo yeke ti na ya ti kuku ti lo wani. Me azo so sarango ye ti ala ayeke na legeni, ye so ayeke ga ti ala ayeke nzoni duti.

B. ti abia 1:8

Mo so mo yeke pendere mo hon awali kue so, tongana mo hinga pepe, mo mu peko ti gere ti ataba, mo fa lege na akete nyama ti mo, ngbii asi na tere ti agbefa ti awabatango-taba.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Matthieu 22:32

‘Mbi laa mbi yeke Nzapa ti Abraham, Nzapa ti Isaac na Nzapa ti Jacob.’ ” Jésus akiri atene: “Nzapa ayeke Nzapa ti akuâ pepe, me lo yeke Nzapa ti azo so ayeke na fini.”

Matthieu 25:26

Makonzi ni akiri tënë na lo: ‘Sioni zo ti kua, mo yeke zo ti sopo! Mo hinga, mo tene, mbi yeke ko ale ti kobe na ndo so mbi lu kobe daa pepe si mbi yeke bongbi ale ti kobe na ndo so mbi tuku ale ti kobe daa pepe.

Nzoni Tënë so Luc asu na mbeti 16:22

Mbeni lâ, zo ti mawa so akui si *a-ange ayo lo, ague na lo na tere ti Abraham. Zo ti mosoro ni akui nga si a lu lo.

Nzoni Tënë so Luc asu na mbeti 8:15

Ambeni zo ayeke tongana nzoni sese so ale ti kobe atuku daa; ala ma tënë ni na be so ayeke mbirimbiri si ayeke nzoni. Ala bata tënë ni si ala kanga be ti ala ti le lakue.”

Rome 12:11

Ala sara sopo pepe, me ala mu ngangu ti ala kue ti sara na kua ti *Kota Gbia; ala sara kua ni na be ti ala kue.

Rome 2:7

Azo so amu be ti ala kue ti gi ti sara nzoni ye, ala yeke gi titene Nzapa agonda ala, lo ne ala si lo mu na ala fini so angba lakue lakue, fade Nzapa ayeke mu lege na ala ti duti na fini kpu na kpu.

Rome 4:12

Lo yeke nga babâ ti azo so kue afâ ganza awe, so ti tene ala so azia be ti ala gi na ndö ti fango ganza pepe, me ala yeke sara ye na lege ti mabe tongana babâ ti e Abraham: lo ma na be na Nzapa kozoni si lo fâ ganza.

1 Tesalonike 1:3

Na le ti Nzapa Babâ ti e, e yeke dabe ti e lakue na kua so ala yeke sara na lege ti mabe; e yeke dabe ti e na ndoye so ayeke sara titene ala sara kua ngangu nga na be ti ala so ala zia ti ku *Kota Gbia ti e Jésus Christ.

2 Tesalonike 1:4

Ndani laa, e yeke pika kate ti e ngbanga ti ala na ya ti *a-Eglize ti Nzapa, ngbanga ti so ala ngba ti kanga be ti ala si ala ngba ti bata mabe ti ala na ya ti pasi nga na ya ti aye ti ngangu so kue ayeke si na ala.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 10:36

Alingbi ala kanga be ti ala tongana ala ye ti sara ye so be ti Nzapa aye, ti wara ye so Nzapa amu zendo ni.

Ahebro 11:33

Na lege ti mabe, ala tiri bira na ambeni gbia si ala mu kodro ti ala. Ala sara aye ti mbirimbiri, ala wara aye so Nzapa amu zendo ni, ala kanga yanga ti abamara;

Ahebro 12:1

So gba ti azo so asara ando ye na lege ti mabe ti ala ayeke ngoro e, ayeke nzoni e nga, e zi na ndö ti e akungba so kue ayeke sara si e tambula gbaa so, e zia nga lege ti siokpari so ayeke gbu e hio hio na ya ti gbanda ti lo. E kpe loro ti mandako so e yeke na ya ni so ngangu, e zia lege ni pepe.

Ahebro 13:7

Ala dabe ti ala na akozo zo so ayeke na li ti *Eglize, ala so afa na ala tënë ti Nzapa. Ala baa lege so azo ni so akui na ni, ala duti na mabe tongana ti azo ni so.

Ahebro 5:11

E yeke na tënë mingi ti tene na ala na ndö ti tënë so; me ayeke ngangu ti fa nda ti atënë ni, ngbanga ti so ala ga azo so ayeke ma ya ti tënë hio pepe.

Ahebro 6:15

Abraham akanga be ti lo aku si lo wara ye so Nzapa amu zendo ni na lo.

Jacques 1:3

Ala hinga so, aye so ayeke tara mabe ti ala so asi na ala ti sara si ala hinga ti kanga be ti ala.

2 Pierre 1:10

Ndani laa, a-ita, ayeke nzoni ala kiri asara ngangu ahon ti kozoni ti ngba na lege ti iringo so Nzapa airi ala, nga na lege ti sorongo so lo soro ala. Tongana ala sara tongaso, mbeni ye ti sara si ala ti ande ayeke daa oko pepe.

1 Jean 2:25

Ye so Christ amu zendo ti mu na e ayeke fini so angba lakue lakue.

Aye so Nzapa afa 13:10

Zo so a diko lo ndali ti kanga, fade lo yeke gue na kanga; zo so a diko lo titene a fâ lo na yongoro zeme, lo yeke kui kuâ ti yongoro zeme. So ayeke ngoi titene azo ti Nzapa akanga be ti ala si ala ngba na lege ti mabe laa.”