Ahebro 6:1 - Mbeti ti Nzapa - Tënë so amu fini

¹ Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

Ahebro 6:1 ပူးပေါင်းရင်းမြစ်များ

Amato 4:18

Lege ti dutingo ti azo ti mbirimbiri ayeke tongana lumiere ti ndaperere, lo yeke su ngbii lo su ngangu ngangu na bekombite.

Zakarii 12:10

Mbi yeke sara titene yingo ti sarango ye ti nzoni na yingo ti sambelango mbi aga na ndö ti *ahale ti David nga na ndö ti azo ti gbata ti Jérusalem. Fade ala yeke baa ndo na mbage ti mbi, lo so ala kpo lo so. Ala yeke toto kuâ ti lo tongana ti so a yeke toto kuâ ti oko molenge-koli. Ala yeke toto lo ngangu mingi tongana ti so a yeke toto kuâ ti kozo molenge.

Matthieu 21:29

Lo kiri tënë na babâ ti lo, lo tene: ‘Mbi ye pepe’; me na pekoni, be ti lo aso ndali ti tënë so lo tene so si lo gue na yaka ni.

Matthieu 21:32

Biani, Jean aga ando na mbage ti ala, lo fa na ala lege so ayeke lege ti sarango ye ti mbirimbiri, me ala yeda na tënë ti lo pepe. Me azo ti rongo nginza ti lapo na awali-ndumba ayeda na tënë ti lo. Ti ala, na peko ti ye so kue ala baa, ala ke ti zia sioni lege ti ala, ala yeda na tënë ti lo pepe.”

Matthieu 3:2

lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 4:17

Gi na ndembe ni so, Jésus ato nda ti fa tënë, lo tene: “Ala zia ngbene lege ti sarango ye ti ala, ngbanga ti so *Kodro-gbia ti yayu aga nduru awe!”

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Matthieu 7:25

Ngu-Nzapa apika, ngu asuku amu ndo kue, pupu aya ngangu na ndö ti da ni, me da ni akungbi pepe, ngbanga ti so gere ni ayeke na ndö ti kota têne.

Marc 1:1

Nzoni Tënë na ndö ti Jésus Christ, Molenge ti Nzapa ato nda ni tongaso:

Marc 6:12

Tongaso adisiple ague ti fa tënë na azo, atene: “Ala zia ngbene lege ti sarango ye ti ala!”

Nzoni Tënë so Luc asu na mbeti 6:48

lo yeke tongana zo so ayeke sara da; lo zi du so ali si lo leke gere ti da ni na ndö ti têne. Ngu asuku amu ndo kue, ngu asua ngangu, apika tere ti da ni, me da ni ayingi oko pepe, ngbanga ti so lo sara da ni nzoni.

Jean 12:44

Jésus atene na kota go, atene: “Zo so ama na be na mbi, lo ma na be gi na mbi pepe, me lo ma na be nga na lo so atokua mbi.

Jean 14:1

Jésus atene na ala: “Ala gi be ti ala pepe; ala ma na be na Nzapa, ala ma na be na mbi nga.

Jean 5:24

“Biani, mbi tene na ala taa-tënë: zo so ama tënë ti mbi si lo ma na be na lo so atokua mbi, lo yeke na fini so angba lakue lakue. A yeke fâ ngbanga na li ti lo pepe, me lo sigigi na ya ti kuâ awe si lo yeke na fini.

Awatokua 11:18

So ala ma tënë so, be ti ala ade si ala gonda Nzapa, atene: “Nzapa amu nga lege na azo ti amara nde ti zia ngbene lege ti sarango ye ti ala si ala wara fini!”

Awatokua 17:30

Me ngoi so zo ahinga ye pepe, Nzapa abaa ni senge. Fadeso, lo yeke iri azo kue, na ndo kue titene ala zia ngbene lege ti sarango ye ti ala.

Awatokua 2:38

Pierre akiri tënë na ala: “Ayeke nzoni ala oko oko kue azia ngbene lege ti sarango ye ti ala, ala wara bateme na iri ti Jésus Christ titene Nzapa azi siokpari na li ti ala, tongaso fade Nzapa ayeke mu na ala Yingo-Vuru.

Awatokua 20:21

Mbi iri azuife na azo ti amara nde titene ala zia ngbene lege ti sarango ye ti ala, ala kiri na Nzapa si ala ma na be na Kota Gbia ti e Jésus.

Awatokua 26:20

Me mbi to nda ti fa tënë ti Nzapa kozoni na azo ti Damas nga na azo ti Jérusalem. Na pekoni, mbi fa tënë ni na azo ti sese ti Judée kue nga na azo ti amara nde; mbi hunda na ala titene ala zia ngbene lege ti sarango ye ti ala ti kiri na mbage ti Nzapa, ala sara ye so afa atene, ala zia ngbene lege ti sarango ye ti ala awe.

Awatokua 3:19

Tongaso, ala zia ngbene lege ti sarango ye ti ala, ala kiri na lege ti Nzapa, tongaso si lo zi siokpari ti ala.

1 Korente 13:10

me tongana ye so ayeke nzoni kue ayeke si ande, ye so mbage ni atia ayeke hunzi.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

2 Korente 7:1

A-ita ti mbi so mbi ye ala mingi, azendo so kue ayeke ndali ti e. Tongaso, e *sukula sioni so kue ayeke na tere ti e nga na be ti e. Na lege ti kpengo mbeto ti Nzapa, e gi lege ti mu tere ti e kue na lo.

2 Korente 7:10

Vundu so Nzapa ayeda na ni ayeke sara titene zo azia ngbene lege ti sarango ye ti lo si lo lingbi ti soo kuâ. Mara ti vundu so, be ti zo alingbi ti so daa pepe. Me vundu so asara si zo azia ngbene lege ti sarango ye ti lo pepe, ni laa ayeke gue na zo na kuâ.

Efeze 2:1

Ando na le ti Nzapa, ala yeke azo so akui awe ndali ti asioni ye na asiokpari so ala sara.

Efeze 2:5

Ataa so na le ti Nzapa e yeke ando azo so akui awe ngbanga ti sioni ti e, lo kiri lo mu na e fini legeoko na Christ. Ndali ti nzoni be ti Nzapa si ala soo kuâ.

Efeze 4:12

Lo sara tongaso titene azo ti Nzapa aga azo so alingbi ti sara kua si Eglize so ayeke tere ti Christ amai,

Kolose 1:28

Tënë ti lo laa e yeke fa na azo. E yeke mu wango na azo kue si e yeke fa na ala ye na lege ti ndara kue, tongaso si zo oko oko na lege ti gango so lo ga oko na Christ aga kangba na lege ti Yingo.

Kolose 3:14

Ye so ahon tanga ti aye ni kue ayeke yengo tere so ayeke bongbi azo nzoni.

Kolose 4:12

Epafras so ayeke mbeni zo ti ala abara ala; lo yeke zo ti kua ti Jésus Christ, lo ngba ti tiri bira na lege ti sambela ndali ti ala. Lo yeke hunda na Nzapa titene ala luti ngangu, ala ga kangba na lege ti Yingo si ala yeke lakue nduru ti sara ye so kue be ti Nzapa aye.

1 Timothée 3:16

Biani, tënë ti mabe so a sigigi na nda ni awe ayeke kota tënë mingi, tënë ni ayeke so: Christ amu tere ti zo si lo fa tere ti lo na azo, Yingo-Vuru afa atene, lo yeke zo ti mbirimbiri, *a-ange abaa lo. A fa tënë ti lo na azo ti amara nde, azo ti dunia ama na be na lo si lo gue na yayu na ya ti gonda.

1 Timothée 6:19

Tongana ala sara tongaso, ala yeke bongbi ndali ti angoi so ayeke ga mbeni kpengba mosoro so ayeke nzoni si ala lingbi ti wara taa fini.

2 Timothée 2:19

Me kpengbango gere ti da so Nzapa aleke so ayeke yingi ande pepe. A su mbeti so na tere ti gere ti da ni, atene: “*Kota Gbia ahinga azo ti lo.” Mbeti ni akiri atene: “Zo so atene, ni yeke zo ti Kota Gbia, ayeke nzoni lo zia lege ti sarango ye ti sioni.”

Ahebro 11:6

Andaa, tongana zo ayeke na mabe pepe, lo lingbi ti ga nzoni na le ti Nzapa pepe, ngbanga ti so zo so aga nduru na Nzapa, alingbi lo hinga so, Nzapa ayeke daa biani si lo yeke mu anzoni ye na azo so ayeke gi lo.

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 9:14

Ye ni ayeke tongaso taa-tënë, me mene ti Christ ayeke na ngangu ti sara kua ahon ambeni ye so kue! Na lege ti Yingo so ayeke ngba kpu na kpu, Christ amu tere ti lo wani na sandaga na Nzapa, sandaga so sioni ye oko ayeke daa pepe. Mene ti lo ayeke sukula asioni so ayeke na be ti e si aye so ayeke gue na e na kuâ, fade e yeke kiri ti sara ni pepe, tongaso si e yeke sara kua ti Nzapa so ayeke na fini.

Jacques 1:4

Me alingbi kangango be ti ala ni aduti taa kangango be, tongaso si ala duti azo so ayeke nzoni kue, azo so alingbi si mbeni ye oko atia ala pepe.

1 Pierre 1:21

Na lege ti Christ, ala ma na be na Nzapa so azingo Christ na kuâ si amu na lo gonda. Tongaso, mabe ti ala na ye so ala zia be ti ala ti ku angba na ndö ti Nzapa.

1 Pierre 5:10

Pasi so ala yeke baa so ayeke ndali ti kete ngoi. Me Nzapa so ayeke sara nzoni be mingi na azo, lo iri ala titene ala li na ya ti gonda ti lo so ayeke ngba lakue lakue, ngbanga ti so ala ga oko na Christ awe. Tongaso, lo yeke sara titene ala ga nzoni kue, ala kpengba, ala wara ngangu si mbeni ye ayingi ala pepe.

1 Jean 4:12

Zo oko ade ti baa Nzapa pepe. Tongana e ye tere na popo ti e, Nzapa ayeke na e; so afa nga atene, na be ti e ndoye ti lo alingbi kue.