Ahebro 5:9 - Mbeti ti Nzapa - Tënë so amu fini

⁹ So lo sara aye so kue lo lingbi fade ti sara awe, Jésus aga zo ti songo azo so kue ayeke ma yanga ti lo si lo yeke sara titene ala duti na fini lakue lakue.

Ahebro 5:9 ပူးပေါင်းရင်းမြစ်များ

Abia (Psaumes) 45:17

Gbia, amolenge ti mo ayeke duti ande na ndö ti mbata ti akotara ti mo; mo yeke sara si ala ga amakonzi na ndö ti sese kue.

Abia (Psaumes) 51:6

Mbi sara siokpari so ake mo, ake gi mo oko; mbi sara ye so ayeke sioni na le ti mo. Tongaso, fade azo ayeke baa so mo yeke mbirimbiri na lege ti tënë ti yanga ti mo; fade ala yeke baa so fango ngbanga ti mo ayeke na legeni.

Abia (Psaumes) 51:8

Me ye so anzere na be ti mo ayeke titene taa-tënë aduti na be ti mbi. Na be ti mbi kâ, mo yeke fa na mbi lege ti ndara.

Ésaïe 45:22

Ala azo so kue ayeke lango na nda ti sese, ala kiri na mbage ti mbi si fade mbi soo ala. Biani, mbi yeke Nzapa, mbeni nde ayeke daa pepe.

Ésaïe 49:6

Lo tene na mbi: “Titene mo ga gi zo ti kua ti mbi ti yo azo ti mara ti Jacob na nduzu, ti mu tanga ti azo ti Israel so angba na fini ti ga na ala, so alingbi pepe. Mbi yeke sara titene mo ga lumiere ti amara kue, tongaso si mbi yeke soo azo na kuâ ngbii asi na nda ti sese kue.”

Ésaïe 50:10

Mbeni zo ti kpengo mbeto ti *KOTA GBIA ayeke na popo ti ala? Alingbi lo ma yanga ti zo ti kua ti lo. Tongana mbeni zo ayeke tambula na ya ti vukongo ndo si lumiere oko ayeke daa pepe, alingbi lo zia be ti lo na ndö ti KOTA GBIA wani, lo luti na ndö ti Nzapa ti lo.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Daniel 9:24

A diko ngoi mbarambara fani balembarambara ndali ti azo ti mo nga ndali ti gbata ti mo so ayeke nde si ayeke nzoni kue. A diko ngoi ni titene sioni sarango ye na siokpari akai, titene a zi siokpari na li ti azo si mbirimbiri ti Nzapa angba lakue lakue, titene aye so zo abaa na ya ti mbeni ye tongana bango-li na tenengo peko ti tënë ti yanga ti Nzapa aga taa-tënë, titene kota da ti Nzapa so ayeke nde si ayeke nzoni kue, azo akiri azia ni nde ndali ti lo.

Zakarii 6:15

Azo so ayeke na yongoro ndo ayeke ga ande ti kiri ti leke kota da ti KOTA GBIA. Tongaso, fade ala yeke hinga atene, KOTA GBIA so ayeke na ndö ti dunia kue laa atokua mbi na ala. Ye ni ayeke si ande tongana ala ma yanga ti KOTA GBIA, Nzapa ti ala biani.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Nzoni Tënë so Luc asu na mbeti 13:32

Lo kiri tënë na ala, lo tene: “Ala gue, atene na zo ti mayere, zo ti gbungo kondo so, atene: ‘Mbi yeke tumba asioni yingo, mbi yeke kai akobela ti azo laso na kekereke; na lango ota ni, fade mbi yeke hunzi kua ti mbi.’

Jean 19:30

Jésus anyon kpingo vin ni si na pekoni, lo tene: “Ye kue ahunzi awe!” Lo ba li ti lo na sese si lo kui.

Awatokua 3:15

Ala fâ Makonzi so ayeke mu fini na zo, me Nzapa azingo lo na kuâ; e wani, e baa ni na le ti e.

Awatokua 4:12

Zo alingbi ti soo kuâ na lege ti mbeni iri nde pepe, ngbanga ti so na ndö ti dunia kue, mbeni iri nde so Nzapa amu ni na azo titene e soo kuâ na lege ni ayeke daa pepe.”

Awatokua 5:32

E yeke tene tënë ti aye so e baa na le ti e, e na Yingo-Vuru so Nzapa amu lo na azo so ama yanga ti lo.”

Rome 1:5

Na lege ti lo, Nzapa asara nzoni be na mbi si mbi ga watokua ndali ti iri ti Christ, ti sara si azo ti dunia kue ama na be na Jésus Christ si ala sara ye alingbi na tënë ti lo.

Rome 10:16

Me azo kue laa ayeda na Nzoni Tënë ni pepe, nilaa Ésaïe atene: “Kota Gbia, zo wa laa ayeda na tënë so e fa?”

Rome 15:18

Biani, mbi lingbi ti tene mbeni tënë nde pepe, gi tënë ti ye so Christ asara na lege ti mbi ti sara si azo ti amara nde ama yanga ti Nzapa. Lo sara ye ni na lege ti fango tënë nga na lege ti sarango ye ti mbi,

Rome 2:8

Me azo so ake ti ma yanga ti lo, ala so ake taa-tënë si ye so ayeke sioni ayeke gboto ala, fade ngonzo ti Nzapa ayeke londo tongana wâ na tere ti ala.

Rome 6:17

E mu singila na Nzapa: ando, ala yeke angbaa ti siokpari, me fadeso, ala yeda na be ti ala kue na taa-tënë so a fa na azo kue si ala, azo ti Rome, ala yeda nga na ni.

2 Korente 10:5

E yeke buba nga aye so kue azo ti baba ayeke mu ti kanga lege na amba ti ala ti hinga Nzapa. E yeke kanga lege na atënë ti be ti azo kue ti sara si atënë ti be ti ala aga ngbaa si ala ma yanga ti Christ.

Filipe 2:12

Tongaso, a-ita ti mbi so mbi ye ala mingi, ala so ayeke ma yanga ti Nzapa lakue so, ayeke nzoni ala ma yanga ti lo gi ndali ti le ti mbi pepe. Me so mbi yeke na tere ti ala pepe, fadeso ayeke kota ye mingi titene ala ngba ti ma yanga ti lo. Ala sara kua na mbeto, na dongo tere si ala soo kuâ.

2 Tesalonike 1:8

lo yeke ga ande na ya ti menga ti wâ. Biani, azo so ahinga Nzapa pepe si ala ke Nzoni Tënë ti Kota Gbia ti e Jésus so, lo yeke kiri na peko ti sioni ti ala na ala.

2 Tesalonike 2:16

Nzapa Babâ ti e aye e. Na lege ti nzoni be ti lo, lo mu ngangu na be ti e si angba lakue lakue, lo mu na e nzoni ye so e zia be ti e daa ti ku. E hunda na lo nga na Kota Gbia ti e Jésus Christ

2 Timothée 2:10

Ndani laa mbi yeke kanga be ti mbi na ya ti aye so kue ngbanga ti azo so Nzapa asoro ala. Tongaso, ala nga, fade ala yeke wara lege ti soo kuâ na lege ti gango so ala ga oko na Jésus Christ si ala yeke wara gonda so ayeke ngba lakue lakue.

Ahebro 1:14

A-ange ayeke gi ayingo so ayeke sara kua na Nzapa: lo yeke tokua ala titene ala sara nzoni na azo so lo ye ti soo ala.

Ahebro 11:40

Biani, Nzapa aleke ndali ti e mbeni nzoni ye so ahon atanga ni. Ndani laa, lo ye titene ala ku si e na ala, e ga nzoni kue legeoko.

Ahebro 11:8

Na lege ti mabe, Abraham ayeda na iringo so Nzapa airi lo, lo ma yanga ti Nzapa si lo zia kodro ti lo ti gue na mbeni kodro so Nzapa aye ti mu na lo titene aga ti lo. Abraham amu lege ague, ataa so lo hinga ndo so lo yeke gue daa pepe.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 2:10

Nzapa asara ye kue, ye kue ayeke ndali ti lo. Lo ye ti mu azo mingi ti li na ala na ya ti gonda ti lo. Biani, alingbi fade lo sara titene Jésus aga nzoni kue na lege ti pasi so lo baa. Andaa Jésus ayeke mu lege na azo titene ala soo kuâ.

Ahebro 2:3

Tongaso, tënë ti songo zo na kuâ ayeke kota ye mingi. Tongana e baa ni tongana mbeni senge ye na le ti e, fade e yeke kpe ngbanga ti Nzapa tongana nyen? Kota Gbia ato nda ti tene tënë ti songo zo na kuâ ni so kozoni. Na pekoni, azo so ama tënë ni, ala fa ni na e si ala ye gbe ni atene, tënë ni ayeke taa-tënë.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:15

Ndani laa, Christ ayeke zo ti lekengo songo na popo ti azo na Nzapa na lege ti mbeni fini mbuki. Azo so Nzapa airi ala alingbi ti wara anzoni ye so ayeke ngba ande lakue lakue, aye so Nzapa amu zendo ni. Azo ni so alingbi ti wara aye ni, ngbanga ti so Christ akui awe si na lege ti kuâ ti lo, azo so asara siokpari na ndembe so ala ngba na gbe ti kozo mbuki, lo lingbi ti zi ala na ya ti siokpari.

Ahebro 9:28

Legeoko nga, Christ amu tere ti lo na sandaga fani oko titene lo zi siokpari ti azo mingi. Ti fani use ni, lo yeke kiri ti ga ti zi siokpari ti azo pepe, me ti soo azo so kue ayeke ku lo.

1 Pierre 1:22

So ala yeda ti sara ye alingbi na taa-tënë, ala sukula be ti ala awe ti ye a-ita ti ala na be oko. Ala ye tere na popo ti ala na vurungo be, ala zia lege ni pepe.

1 Jean 5:20

E hinga so, Molenge ti Nzapa aga awe, lo mu na e lege ti hingango ndo si e hinga taa Nzapa. E na taa Nzapa, e ga oko na lege ti Molenge ti lo Jésus Christ. Lo laa lo yeke taa Nzapa, lo yeke fini so angba lakue lakue.

Jude 1:21

Ala ngba na lege ti ndoye ti Nzapa. Ala ku titene Kota Gbia ti e Jésus Christ amu na ala fini so angba lakue lakue na lege ti nzoni be ti lo.