Ahebro 5:6 - Mbeti ti Nzapa - Tënë so amu fini

⁶ Nzapa akiri atene nga: “Mo yeke duti wayango-sandaga kpu na kpu tongana ti Melkisedeke.”

Ahebro 5:6 ပူးပေါင်းရင်းမြစ်များ

Abia (Psaumes) 110:4

KOTA GBIA adeba yanga ti lo, lo tene: “Mo yeke duti wayango-sandaga kpu na kpu tongana ti Melkisedeke.” KOTA GBIA ayeke kiri na ndö ti tënë ti lo pepe.

Ahebro 5:10

Nzapa azia lo kota wayango-sandaga tongana ti Melkisedeke.

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Ahebro 7:11

Na lege ti Ndia so a mu na azo ti Israel, ahale ti Lévi laa a yeke soro ala ti ga awayango-sandaga; ala yeke awayango-sandaga tongana ti Aaron, me lege ti ala ti dutingo awayango-sandaga ni ayeke nzoni kue pepe. Tongana ayeke fade nzoni kue, ngbanga ti nyen ti mu mbeni wayango-sandaga tongana ti Melkisedeke? So ti tene, mbeni wayango-sandaga so ayeke hale ti Aaron pepe.

Ahebro 7:15

Mbeni ye so akiri avuru le ti tënë ni ayeke so: mbeni wayango-sandaga nde asi, lo yeke tongana Melkisedeke.

Ahebro 7:17

Biani, Mbeti ti Nzapa atene tënë na ndö ti lo, atene: “Mo yeke duti wayango-sandaga kpu na kpu tongana ti Melkisedeke.”

Ahebro 7:21

Me ti Jésus, Nzapa adeba yanga ti lo, atene: “*Kota Gbia adeba yanga ti lo awe, lo yeke kiri na ndö ti tënë ti lo pepe: mo yeke duti wayango-sandaga kpu na kpu.”

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

Ahebro 7:8

Ahale ti Lévi so ayeke wara dime na maboko ti azo, ala yeke azo so ayeke kui kuingo; me Melkisedeke so awara dime so, lo yeke na fini tongana ti so Mbeti ti Nzapa atene.