Ahebro 5:4 - Mbeti ti Nzapa - Tënë so amu fini

⁴ Zo ayeke mu tere ti lo wani ti si na kota ndo ni pepe, so ti tene, ti ga kota wayango-sandaga; me Nzapa laa ayeke iri zo ni tongana ti so lo iri ando Aaron.

Ahebro 5:4 ပူးပေါင်းရင်းမြစ်များ

1 Mbai 23:13

Amolenge ti Amram ayeke Aaron na Moïse. A zia Aaron nde, lo na *ahale ti lo titene ala sara kua na ndo so ayeke nde si ayeke nzoni kue ahon atanga ni kpu na kpu. Kua ti ala ayeke ti zö dukani na dawa ti KOTA GBIA, ti sara kua ti Nzapa na ti sara tufa na ndö ti azo na iri ti KOTA GBIA kpu na kpu.

2 Mbai 26:18

Ala luti na dawa ti gbia Ozias si ala tene na lo: “Gbia Ozias, kua ti zongo dukani na KOTA GBIA ayeke kua ti mo pepe; me kua ni ayeke ti awayango-sandaga so ala yeke *ahale ti Aaron, ala so a zia ala nde ndali ni. Mo sigigi na ya ti da so ayeke nde si ayeke nzoni kue so! Biani, mo sara ye so ayeke sioni mingi. Ye so mo sara so, mo yeke wara gonda ndali ni pepe na dawa ti KOTA GBIA Nzapa.”

Sigingo 28:1

“Moïse, na popo ti azo ti Israel, mo mu ita ti mo Aaron na tere ti mo, lo na amolenge ti lo Nadab, Abihu, Elazar na Itamar titene ala sara kua na mbi tongana awayango-sandaga.

Awayango-sandaga 8:2

“Mu Aaron na amolenge ti lo, na abongo so a zia nde ndali ti Nzapa, na mafuta ti tukungo na li ti zo ti zia lo nde, na koli-bagara so a yeke mu na *sandaga ndali ti zingo siokpari na li ti zo, na akoli-taba use nga na sakpa ti mapa so a sara na mama ni pepe.

Wungo ti azo 16:10

Kore, mo na a-ita ti mo, azo ti mara ti Lévi kue, KOTA GBIA azia lege na ala titene ala ga nduru na lo. Na ndö ni kue, ala kiri ayeke hunda kua ti wayango-sandaga!

Wungo ti azo 16:35

KOTA GBIA atokua mbeni wâ si agbi azo ngbangbo use na baleoku so ayeke zö dukani ti ala.

Wungo ti azo 16:5

Na pekoni, lo tene na Kore na azo so amu peko ti lo so, atene: “Kekereke na ndaperere, fade KOTA GBIA ayeke fa zo so ayeke ti lo, zo so lo zia lo nde ndali ti lo, zo so lo yeda na lo ti ga nduru na lo. Zo so KOTA GBIA asoro lo, fade lo yeke zia lege na zo ni ti ga nduru lo.

Wungo ti azo 16:7

Kekereke, ala zia ale ti wâ daa si ala tuku dukani na ndö ni na dawa ti KOTA GBIA. Zo so KOTA GBIA ayeke soro lo, lo laa KOTA GBIA azia lo nde ndali ti lo. Ala azo ti mara ti Lévi, ti ala ni afun sen awe!”

Wungo ti azo 18:7

Me mo, Aaron na amolenge ti mo, ala yeke sara kua ti ala ti wayango-sandaga na ndo so gbalaka ayeke daa nga na ndo so ayeke nde si ayeke nzoni kue ahon atanga ni; so ti tene na peko ti ridoo so akangbi ya ti da ni so. Mbi laa mbi mu na ala kua ni. Tongana mbeni senge zo aga nduru na ndo ni, fade a yeke fâ lo.”

Wungo ti azo 3:3

A tuku mafuta na li ti ala ti zia ala nde titene ala sara kua ti wayango-sandaga.

Jean 3:27

Jean akiri tënë na ala: “Tongana Nzapa amu ye na zo pepe, zo ni alingbi ti wara ni pepe.