Ahebro 5:3 - Mbeti ti Nzapa - Tënë so amu fini

³ Ndali ti so aye atia lo na lege ti sarango ye ti lo, lo yeke ya sandaga na Nzapa gi ndali ti azo ti kodro pepe, me lo yeke ya nga sandaga ndali ti asiokpari ti lo wani.

Ahebro 5:3 ပူးပေါင်းရင်းမြစ်များ

Awayango-sandaga 16:15

Koli-ngasa so a ga na lo ndali ti zingo siokpari na li ti azo ni, lo yeke fâ go ti lo, lo mu mene ni ti gue na ni na peko ti ridoo so akangbi ya ti da ni. Gi oko ye so lo sara na mene ti koli-bagara ni, ni laa lo yeke sara na mene ti koli-ngasa ni. Lo yeke fi mene ni na tere ti ye ti kangango na yanga ti sanduku ti mbuki ni nga na dawa ti ye ti kangango na yanga ti sanduku ti mbuki ni.

Awayango-sandaga 16:6

“Aaron ayeke mu koli-bagara ni na sandaga ndali ti zingo siokpari na li ti lo wani. Lo yeke ya bagara ni na Nzapa ti fa atene, lo zi siokpari na li ti lo wani nga na li ti asewa ti lo.

Awayango-sandaga 9:7

Moïse atene na Aaron: “Ga nduru na tere ti gbalaka, mo mu sandaga ti mo ndali ti zingo siokpari na li ti mo; mo mu nga sandaga ti mo so a yeke gbi ni kue na wâ. Mo mu asandaga ni so titene Nzapa azi siokpari na li ti mo nga na li ti azo ni kue. Na pekoni, mo mu sandaga ti azo ni titene Nzapa azi siokpari na li ti ala, alingbi na yanga so KOTA GBIA amu.”

1 Korente 15:3

Kozo ye so mbi fa na ala ayeke tënë so mbi wani, mbi ma: Christ akui ndali ti siokpari ti e tongana ti so Mbeti ti Nzapa atene.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 7:27

Jésus ayeke tongana tanga ti akota wayango-sandaga pepe: lo baa nzoni na le ti lo pepe ti ya *sandaga na ya ti lango oko oko ndali ti asiokpari ti lo wani kozoni si na pekoni, lo ya sandaga ndali ti asiokpari ti azo. Lo mu ti lo sandaga ni fani oko biani biani na ndembe so lo ka tere ti lo na kuâ.

Ahebro 9:7

Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.