Ahebro 5:2 - Mbeti ti Nzapa - Tënë so amu fini

² Na lege ti sarango ye ti lo, ambeni ye mingi atia kota wayango-sandaga ni. Nilaa lo lingbi ti baa mawa ti azo so agirisa lege nga na ala so ahinga atene, sioni ye laa ala sara pepe.

Ahebro 5:2 ပူးပေါင်းရင်းမြစ်များ

Sigingo 32:8

Hio tongaso, ala zia lege so lani mbi fa na ala. Ala mu lôro, ala kporo ni si asara na yanda ti bagara. Ala kuku akpo li ti ala na sese na dawa ti bagara ni, ala mu sandaga na lo si ala tene: ‘Baa, nzapa ti e so asara si e sigigi na kodro ti Ezipte laa!’

Ésaïe 29:24

Azo so lani li ti ala aga kirikiri, fade ala yeke ga azo ti hingango ndo; azo so lani ayeke ke tënë mingi, ala yeke yeda titene a fa ye na ala.”

Ésaïe 30:11

Ala zia nzoni lege, ala hon yamba, ala londo na ndö ti nzoni lege. Ala kiri atene na e tënë ti Nzapa ti Israel pepe, lo so lo yeke nde si lo yeke nzoni kue so!”

Nzoni Tënë so Luc asu na mbeti 22:32

Me mbi sambela ngbanga ti mo si mabe ti mo ati pepe. Tongana mo kiri ande na mbage ti mbi, ayeke nzoni mo sara titene a-ita ti mo akpengba.”

2 Korente 11:30

Tongana ayeke tënë ti gondango tere, mbi yeke gonda tere ti mbi, ngbanga ti so mbi yeke na ngangu pepe.

2 Korente 12:5

Fade mbi yeke gonda tere ti mbi ndali ti zo so; me ti mbi, fade mbi yeke gonda tere ti mbi, ngbanga ti so mbi yeke na ngangu pepe.

Galasii 4:13

Ala hinga kue: ndali ti songo tere ti mbi laa mbi wara lege ti fa Nzoni Tënë na ala ti kozo ni.

Efeze 4:18

Hingango ndo ti ala ayeke na ya ti vukongo ndo; fini so Nzapa ayeke mu na zo, ala wara ni pepe, ngbanga ti so be ti ala akpengba si ala hinga ndo pepe.

1 Timothée 1:13

Mbi yeke kozoni zo ti zongango lo, zo ti sarango ngangu na lo, zo ti tiringo na lo. Me Nzapa abaa mawa ti mbi, ngbanga ti so ye so mbi yeke sara lani so, mbi hinga ni pepe si mbi de nga ti ma na be pepe.

Ahebro 12:13

Ala suru lege so ayeke mbirimbiri titene ala hon daa, tongaso si zo so gere ti lo abuba, abuba biani pepe, me tere ti lo aga nzoni.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 2:18

Biani, lo lingbi ti mu maboko na azo so aye ti tarango be asi na ala, ngbanga ti so lo nga, lo baa pasi si aye ti tarango be asi ando na lo.

Ahebro 4:15

E yeke na kota wayango-sandaga so alingbi ti baa mawa ti e na ndo so ngangu atia e daa. Biani, aye ti tarango be kue asi na lo tongana ti so ayeke si na e, me lo sara ti lo siokpari oko pepe.

Ahebro 7:28

Azo so Ndia ti Moïse amu na ala lege ti ga akota wayango-sandaga, ala yeke azo so alingbi kue pepe; me na peko ti Ndia ni, Nzapa adeba yanga ti lo si lo mu Molenge ti lo ti ga kota wayango-sandaga so alingbi kue kpu na kpu.

Ahebro 9:7

Me zo so ayeke li na ya ti use ndo ni ayeke gi kota wayango-sandaga oko. Lo yeke li na ya ni gi fani oko na ya ti ngu oko. Tongana lo yeke li na ya ni, alingbi lo mu mene ti anyama ti mu na *sandaga na Nzapa ndali ti asiokpari ti lo wani, na pekoni, lo yeke mu sandaga ndali ti asiokpari so azo asara ni si ala hinga pepe so.

Jacques 5:19

A-ita ti mbi, tongana mbeni zo na popo ti ala agirisa lege ti taa-tënë, mbeni mba ti lo alingbi ti kiri na lo daa.

1 Pierre 2:25

Ala yeke ando tongana ataba so agirisa lege, me fadeso ala kiri na tere ti Christ so ayeke zo ti fango lege na ala si lo yeke nga zo ti batango fini ti ala.

Awafango-ngbanga 2:17

Me azo ti Israel ama yanga ti awafango-ngbanga ti ala ni pepe. Biani, ala kuku akpo li ti ala na gbe ti anzapa nde. Gi hio tongaso, ala zia lege so akotara ti ala atambula ando daa; ambeni kotara ti ala ayeke azo so abata ndia ti KOTA GBIA; sarango ye ti ala akpa ti akotara ti ala ni pepe.