Ahebro 5:14 - Mbeti ti Nzapa - Tënë so amu fini

¹⁴ Kpengbango kobe ayeke ndali ti akangba, ngbanga ti so na lege ti sarango ye so ala yeke sara lakue, le ti ala azi awe ti hinga ye ti nzoni na ye ti sioni.

Ahebro 5:14 ပူးပေါင်းရင်းမြစ်များ

Tongo nda ti aye 3:5

Me Nzapa ahinga atene, na lango so ala yeke te ni, fade le ti ala ayeke zi si ala yeke ga tongana Nzapa ti hinga ye so ayeke nzoni na ye so ayeke sioni.”

2 Samuel 14:17

Mbi tene na be ti mbi, mbi tene: ‘Gbaa, tënë so gbia ayeke tene, ayeke de be ti zo. Biani, gbia ayeke tongana mbeni *ange ti Nzapa, ngbanga ti so lo hinga ti kangbi popo ti ye so ayeke nzoni na ye so ayeke sioni.’ Ayeke nzoni KOTA GBIA, Nzapa ti mo aduti na mo!”

1 Agbia 3:11

Nzapa atene na lo: “Mo hunda pepe ti duti na gigi aninga, wala ti wara mosoro, wala kuâ ti awato ti mo; me mo hunda hingango ndo titene mo sara na komandema na ndö ti azo ti mbi na legeni,

1 Agbia 3:9

Tongaso, mu na mbi, zo ti kua ti mo hingango ndo so alingbi titene mbi sara na komandema na ndö ti azo ti mo, titene mbi hinga ye so ayeke nzoni na ye so ayeke sioni. Tongaso pepe, zo wa laa alingbi ti sara komandema na ndö ti azo ti mo, azo ti mo so ayeke mingi mingi so?”

Mbeti ti Job 12:11

Azo ayeke tene: “Mê ayeke tara tënë tongana ti so yanga ayeke tara nzerengo ti kobe.

Mbeti ti Job 34:3

Biani, mê ayeke tara tënë tongana ti so yanga ayeke tara nzerengo ti kobe.

Mbeti ti Job 6:30

Mbeni tënë ti mvene ayeke na yanga ti mbi? Mbi hinga ye so iri ni vundu pepe?

Abia (Psaumes) 119:103

Atënë ti yanga ti mo anzere na yanga ti mbi mingi, anzere na yanga ti mbi ahon mafuta ti wotoro.

B. ti abia 1:3

afun pendere ahon ayombo ti mo. Iri ti mo ayeke yombo so afun amu ndo kue, ndani laa amaseka-wali aye mo mingi so.

B. ti abia 2:3

Tongana keke ti pome na popo ti akeke ti gbako, kamba ti be ti mbi ayeke tongaso na popo ti amaseka-koli. Mbi ye ti duti na gbe ti de ti lo; le ti keke ti lo anzere nzerengo na yanga ti mbi.

Ésaïe 7:15

Kobe ti molenge ni ayeke duti ngu ti me nga na mafuta ti wotoro, ngbii lo hinga ti ke ye ti sioni na ti soro ye ti nzoni.

Matthieu 5:48

Alingbi ala ga azo so ayeke nzoni kue tongana ti so Babâ ti ala so ayeke na yayu ayeke nzoni kue.

Rome 14:1

Zo so ama na be si ade ti kpengba pepe, ala yamba lo, ala kasa atënë ti be ti lo pepe.

1 Korente 2:6

Andaa, tënë ti mbi ayeke tënë ti ndara so mbi yeke fa ni na azo ti Christ so aga kangba na lege ti mabe awe. Ndara ni ayeke ndara ti azo ti dunia so pepe wala ndara ti ala so ayeke na komandema na ndö ti dunia so. Ti azo ni, fade a yeke hunzi ala kue kue kue.

Efeze 1:18

Mbi hunda nga titene lumiere ti Nzapa aza na ya ti hingango ndo ti ala, tongaso si ala lingbi ti hinga ye so lo iri ala ngbanga ni si lo yeke leke ti ku na ala so. Tongaso, fade ala hinga atene, aye so lo bata ndali ti azo ti lo ayeke anzoni ye ahon ndoni,

Efeze 4:13

ngbii e kue, e ga oko na lege ti mabe nga na lege ti hingango Molenge ti Nzapa. Tongaso, fade e yeke ga akangba na lege ti mabe si fini ti e kue ayeke ga tongana ti Christ.

Filipe 3:15

E so kue e ga akangba na lege ti aye ti Yingo, ayeke nzoni tënë ti be ti e kue aga gi oko. Tongana mbeni tënë ayeke daa si tënë ti be ti ala ague nde, fade Nzapa ayeke zi le ti ala na ndö ni.

1 Tesalonike 5:21

Me ala gi ya ti atënë ni kue mbirimbiri si ye so ayeke nzoni, ala bata ni;

1 Timothée 4:7

Mo ke ambai ti mvene so azo ayeke tene kirikiri si alingbi na tënë ti mabe pepe so. Me mo gbu tënë ti Nzapa ngangu.

Ahebro 6:1

Tongaso, alingbi e zia lege ti akozo tënë so e manda ando na ndö ti Christ, e hon fadeso ti manda akpengba tënë so alingbi na akangba, e kiri na ndö ti akozo kota tënë ni pepe. Akozo tënë ni ayeke so: tënë ti ziango ngbene lege ti sarango abuba ye, tënë ti mango na be na Nzapa,

Jacques 3:2

E kue, e yeke girisa lege fani mingi. Tongana mbeni zo agirisa lege na ya ti tenengo tënë ti lo pepe, andaa lo yeke zo ti nzoni kue, lo lingbi ti kanga tere ti lo kue.