Ahebro 4:3 - Mbeti ti Nzapa - Tënë so amu fini

³ Ti e so e ma na be na Nzoni Tënë ni, e yeke li na ndo ti wungo tere ni. Nzapa atene ando, atene: “Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!” Andaa, Nzapa atene tënë so na peko ti so lo hunzi kua ti lo kue awe, ngbene ye so dunia abaa gigi.

Ahebro 4:3 ပူးပေါင်းရင်းမြစ်များ

Tongo nda ti aye 1:31

Nzapa abaa aye so kue lo sara: aye ni ayeke nzoni mingi. Lakui ahon, ndaperere asi. Omene lango laa.

Abia (Psaumes) 95:11

Tongaso na ya ti ngonzo ti mbi, mbi deba yanga, mbi tene: ‘Kodro so mbi leke titene ala wu tere ti ala daa, fade ala yeke li na ya ni oko pepe.’ ”

Sigingo 20:11

Biani, na ya ti lango omene, mbi KOTA GBIA, mbi sara yayu, sese, kota ngu-ingo na aye so kue ayeke na ya ni. Me na lango mbarambara ni, mbi wu tere ti mbi. Ndani laa mbi sara tufa na ndö ti lango ti wungo tere si mbi zia ni nde ndali ti mbi.

Ésaïe 28:12

Lo tene ando na ala, lo tene: “Baa, ndo ti wungo tere ti ala laa! Zo so awoko, ala zia lo, lo wu tere ti lo. Ndo ti dutingo kpoo laa.” Me ala ye ti ma pepe.

Jérémie 6:16

Tënë so KOTA GBIA atene ayeke so: Lege so ala ngba ti gue daa so, ala luti kete si: ala baa ndo, ala hunda ndo na ndö ti lege so azo amu ando so: ‘Nzoni lege ayeke na ndo wa?’ Ayeke nzoni ala mu lege ni so, tongaso si fade ala duti na siriri. Me ala kiri tënë: ‘E ye ti mu lege so pepe!’

Ezekiel 20:38

Azo so atomboka na tere ti mbi na azo so ake ti ma yanga ti mbi, fade mbi yeke zi ala na popo ti ala, azo ti Israel. Mbi yeke sara si ala sigigi na ya ti akodro so ala duti daa tongana awande, me ala yeke li na sese ti Israel pepe. Tongaso, fade azo ni ayeke hinga atene, mbi laa mbi yeke KOTA GBIA.

Matthieu 13:35

Lo sara tongaso titene tënë so wayanga-Nzapa atene, aga taa-tënë; lo tene: “Fade mbi yeke zi yanga ti mbi ti tene tënë na ala na lege ti atoli. Mbi yeke tene ande tënë ti aye so angba na hondengo ni, ngbene ye so dunia abaa gigi ngbii asi laso.”

Matthieu 25:34

Tongaso, fade Gbia ni ayeke tene na azo so ayeke na mbage ti maboko ti lo ti koli: ‘Ala ga, ala so Babâ ti mbi asara tufa na ndö ti ala; ala ga awa ti *Kodro-gbia ti yayu so lo leke ni ndali ti ala ando, ngbene ye so dunia abaa gigi.

Efeze 1:4

Kozo si dunia abaa gigi, Nzapa asoro e titene e ga azo ti lo na lege ti gango so e ga oko na Christ, tongaso si e ga azo so ayeke nde si ayeke nzoni kue, azo so na le ti lo, tënë ayeke na li ti ala pepe. Na lege ti ndoye ti lo,

Ahebro 3:11

Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!”

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 9:26

Tongana ye ni ayeke fade tongaso, ngbene ye so dunia abaa gigi, ka Christ abaa pasi fani mingi awe. Me so lango ti ndani aga nduru awe, Christ asi fani oko biani biani titene lo zi asiokpari ti azo na lege ti mene ti lo wani.

1 Pierre 1:20

Nzapa asoro Christ kozoni si dunia abaa gigi. Na ngoi ti ndani, lo fa Christ na le ti azo kue ndali ti nzoni ti ala, a-ita.