Ahebro 4:14 - Mbeti ti Nzapa - Tënë so amu fini

¹⁴ E yeke na kota wayango-sandaga so ahon atanga ni kue, lo gue ngbii lo si na le ti Nzapa kâ na yayu: ayeke Jésus, Molenge ti Nzapa. Nilaa, ayeke nzoni e gbu mabe ti e ngangu, mabe so e yeke fa tënë ni.

Ahebro 4:14 ပူးပေါင်းရင်းမြစ်များ

Ezekiel 46:10

Fade makonzi na azo ti kodro ayeke li legeoko; tongana azo ni ayeke sigigi, lo kue, lo yeke sigigi.”

Matthieu 4:3

Zabolo aga nduru na tere ti lo si atene na lo: “Tongana mo yeke Molenge ti Nzapa, mo mu yanga na atêne so titene aga kobe!”

Marc 1:1

Nzoni Tënë na ndö ti Jésus Christ, Molenge ti Nzapa ato nda ni tongaso:

Marc 16:19

Na peko ti so *Kota Gbia Jésus atene tënë so na ala awe, a mu lo, a gue na lo na yayu si lo duti na tere ti Nzapa na mbage ti maboko ti lo ti koli.

Nzoni Tënë so Luc asu na mbeti 24:51

So lo ngba ti sara tufa na ndö ti ala, lo londo na tere ti ala, lo hon si a mu lo, a gue na lo na yayu.

Awatokua 1:11

Akoli ni atene na ala: “Ala azo ti Galile, ala ngba ti luti na ndo so ti baa ndo na nduzu ngbanga ti nyen? Jésus so a mu lo na popo ti ala ague na lo na yayu so, fade lo yeke kiri gi tongana ti so ala baa lo na guengo ni na yayu.”

Awatokua 3:21

Christ ayeke ngba na yayu ngbii asi na ngoi so fade Nzapa akiri aleke aye kue na legeni. Ngoi ni so, Nzapa atene tënë ni ando na yanga ti awayanga ti lo so lo zia ala nde ndali ti lo.

Rome 8:34

Zo wa laa alingbi ti fâ ngbanga na li ti ala? Zo oko pepe, ngbanga ti so Jésus Christ akui awe si na pekoni, lo zingo na kuâ, lo yeke duti na tere ti Nzapa, na mbage ti maboko ti lo ti koli si lo yeke sambela ndali ti e.

2 Korente 12:2

Mbi hinga mbeni zo ti Christ; asara ngu baleoko na osio so Nzapa amu lo ague na lo na ota yayu. – Wala lo mu lo na ngbongboro tere ti lo kue, mbi hinga pepe; wala zo ni asigigi na ya ti tere ti lo si a hon na lo, mbi hinga pepe, Nzapa oko laa ahinga. –

2 Korente 9:13

Fade azo ni ayeke baa ye so ala sara so si ala yeke gonda Nzapa ndali ti so, ala azo ti Korente, ala ma Nzoni Tënë ti Christ si ala yeke sara ye alingbi na ni. Azo ni ayeke gonda nga Nzapa ndali ti so ala bongbi aye ti ala oko na nzoni be ti mu na azo ti Nzapa so ayeke na Jérusalem nga na azo ti Nzapa kue.

Efeze 4:10

Lo so lo zu na sese, gi lo laa lo ma yongoro na peko ti anduzu kâ titene lo mu ya ti dunia kue.

Ahebro 1:8

Me ti molenge ti lo, Nzapa atene: “O Nzapa, mbata ti mo ti gbia ayeke ngba kpu na kpu! Na ya ti kodro-gbia ti mo, mo yeke sara komandema na legeni.

Ahebro 10:12

Me ti Christ, lo mu sandaga ni gi fani oko ti zi asiokpari ti azo si na pekoni, lo duti na tere ti Nzapa kpu na kpu, na mbage ti maboko ti lo ti koli.

Ahebro 10:23

Ye so e zia be ti e ti ku si e ngba ti tene tënë ni polele na le ti azo, ayeke nzoni be ti e awoko daa pepe, ngbanga ti so Nzapa ayeke bata tënë ti yanga ti lo si ye so lo mu zendo ti mungo ni, lo yeke mu ni.

Ahebro 10:29

Ti zo so abaa Molenge ti Nzapa buba na le ti lo, fade pasi ti zo ni ayeke hon ndoni. Andaa lo baa mene ti *mbuki so asukula asioni ti lo tongana senge ye na le ti lo si lo kiri lo tene sioni tënë na tere ti Yingo so ayeke sara nzoni be na zo.

Ahebro 12:2

Le ti e angba na ndö ti Jésus. Lo laa lo zi lege ti mabe na e si lo sara titene e ngba na lege ti mabe ni ngbii asi na ndani. Lo yeda si azo afâ lo na ndö ti keke ti kroa, lo sara kamene ti kuâ so lo kui na ndö ti keke ti kroa pepe. Lo yeda ndali ti so lo hinga kozoni so fade lo yeke duti na ngia. Fadeso, lo yeke duti na tere ti mbata ti Gbia Nzapa, na mbage ti maboko ti lo ti koli.

Ahebro 2:1

Ndani laa, tënë ti Nzapa so e ma, alingbi e gbu ni ngangu, tongaso si e girisa lege pepe.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

Ahebro 3:1

Tongaso, a-ita azo ti Nzapa, ala so lo iri ala ti ga azo ti lo, ayeke nzoni ala baa ndo na Jésus, lo so Nzapa atokua lo titene lo ga kota wayango-sandaga ti mabe so e yeke fa tënë ni.

Ahebro 3:14

Fadeso, e na Christ e yeke sara kua legeoko gi tongana kozo ye so e zia be ti e daa, e gbu ni ngangu ngbii asi na ndani.

Ahebro 6:20

Jésus ali na ndo so kozo ti e nga ndali ti e. Lo ga kota wayango-sandaga kpu na kpu tongana ti Melkisedeke.

Ahebro 6:6

Ataa so kue gbaa, ala kiri na sioni lege ti sarango ye ti ala ti kozoni. Lege titene a sara si ala kiri azia ngbene lege ti sarango ye ti ala ayeke daa oko pepe. Biani, ala kiri akanga Molenge ti Nzapa na ndö ti keke ti kroa si ala sara titene azo azonga lo.

Ahebro 7:3

Babâ ti lo na mama ti lo ayeke daa pepe, akotara ti lo ayeke nga daa pepe. Zo ahinga lango ti dungo lo wala lango ti kuâ ti lo pepe. Lo yeke tongana Molenge ti Nzapa: lo yeke sara kua ti wayango-sandaga kpu na kpu.

Ahebro 8:1

Kota tënë so e ye ti luti na ndö ni ayeke so: e yeke na mara ti kota wayango-sandaga so, lo yeke duti na yayu na tere ti mbata ti Gbia Nzapa na mbage ti maboko ti lo ti koli, Nzapa so ngangu ti lo ahon ndoni.

Ahebro 9:12

So Christ ali na ya ti da ti bongo ni, lo li fani oko biani biani na ndo so ayeke nde si ayeke nzoni kue ahon atanga ni. So lo li, lo ya mene ti angasa wala mene ti akete bagara pepe, me lo ya mene ti lo wani si lo zi e biani biani na ya ti asiokpari awe.

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

1 Pierre 3:22

Lo gue na yayu, lo duti na tere ti Nzapa na mbage ti maboko ti lo ti koli si *a-ange, ayingo so ayeke na komandema na ala so ayeke na ngangu ayeke na gbe ti lo.