Ahebro 3:7 - Mbeti ti Nzapa - Tënë so amu fini

⁷ Ndani laa, tongana ti so Yingo-Vuru atene: “Laso, tongana ala ma go ti Nzapa,

Ahebro 3:7 ပူးပေါင်းရင်းမြစ်များ

2 Samuel 23:2

Yingo ti *KOTA GBIA atene tënë na lege ti mbi; tënë ti lo ayeke na menga ti mbi.

Abia (Psaumes) 81:11

Mbi laa mbi yeke *KOTA GBIA, Nzapa ti mo, mbi laa mbi sara si mo sigigi na sese ti Ezipte. Mo zi yanga ti mo kota, fade mbi zia aye daa asi.”

Abia (Psaumes) 81:13

Tongaso, mbi zia ala ti ngba na kpengbango be ti ala, ala sara ye so ala leke na be ti ala ti sarango ni!

Amato 27:1

Pika kate ti mo ndali ti ye ti kekereke pepe, ngbanga ti so ye so ayeke si laso, mo de ti hinga ni pepe.

Zo ti bongbingo azo 9:10

Kua so kue mo yeke na ngangu ti sara, mo sara ni, ngbanga ti so na ndo ti akuâ so mo yeke gue ande daa, mbeni kua, wala gbungo-li, wala hingango ndo, wala ndara ayeke daa pepe.

Ésaïe 55:3

Ala dingi mê ti ala, ala ma mbi, ala ga na mbi. Ala ma mbi si fade ala yeke duti na fini. *KOTA GBIA atene: “Mbi na ala, e yeke sara *mbuki so ayeke ngba lakue lakue; mbi yeke mu na ala anzoni ye so mbi mu zendo ni na David.

Ésaïe 55:6

Ala gi *KOTA GBIA na ndembe so ala lingbi ti wara lo. Ala iri lo na ndembe so lo yeke nduru na ala.

Matthieu 17:5

So lo ngba ti tene tënë ni, mbeni mbinda so aza zango aga amu ndö ti ala kue. Mbeni go alondo na ya ti mbinda ni, atene: “So ayeke Molenge ti mbi so mbi ye lo mingi, be ti mbi anzere na lo mingi. Ala ma yanga ti lo!”

Matthieu 22:43

Jésus atene na ala: “Tongana nyen si David, so Yingo amu na lo tënë ti tenengo ni alingbi ti iri lo, atene: ‘*Kota Gbia’ so? Biani, David atene:

Marc 12:36

So Yingo-Vuru amu na David tënë ti tenengo ni si lo tene: ‘*Kota Gbia Nzapa atene na Kota Gbia ti mbi, atene: Mo duti na mbage ti maboko ti mbi ti koli ngbii mbi sara titene awato ti mo aduti na gbe ti gere ti mo si.’

Jean 10:16

Ambeni taba ti mbi ayeke na ya ti gbagba ti ataba so pepe. Alingbi mbi fa na ala lege; fade ala yeke ma go ti mbi si ala kue aga bongbi oko ti ataba na wabatango-taba oko.

Jean 10:27

Ataba ti mbi ahinga go ti mbi; mbi hinga ala si ala yeke mu peko ti mbi.

Jean 10:3

Wabatango yanga ti gbagba ni azi yanga ni na lo, ataba ni ama go ti lo. Lo iri ataba ti lo na iri ti ala oko oko si lo sigigi na ala.

Jean 5:25

Biani, mbi tene na ala taa-tënë: mbeni ngbonga ayeke ga si ngbonga ni alingbi awe so akuâ ayeke ma go ti Molenge ti Nzapa si ala so ama go ni ayeke kiri ti duti na fini.

Awatokua 1:16

“A-ita, ye so Yingo-Vuru atene tënë ni na ya ti Mbeti ti Nzapa so, ayeke nzoni ye ni asi alingbi na ni. Yingo-Vuru atene tënë na ndö ti Judas na lege ti David; Judas so aga zo ti fango lege na azo ti gbungo Jésus so.

Awatokua 28:25

Azo ni ama tere na popo ti ala na ndö ti tënë ni pepe. So ala londo ti gue, Paul atene na ala gi mbeni tënë oko, lo tene: “Tënë so ando Yingo-Vuru atene na akotara ti ala na lege ti wayanga-Nzapa Ésaïe so ayeke taa-tënë! Yingo-Vuru atene:

Awatokua 8:29

Yingo atene na Philippe: “Mo gue, mo tengbi na pusu ti mbarata so.”

Ahebro 10:15

Yingo-Vuru atene nga na e tënë na ndö ni. Lo tene kozoni, lo tene:

Ahebro 3:13

Me so ngoi so Mbeti ti Nzapa airi ni “laso” angba, ala mu wango na popo ti ala lakue si siokpari ahanda mbeni zo pepe, tongaso si lo ga zo ti ngangu li pepe.

Ahebro 3:15

Mbeti ti Nzapa atene: “Laso, tongana ala ma go ti Nzapa, ala kpengba be ti ala pepe tongana ti so akotara ti ala asara ngangu li.”

Ahebro 4:7

Ndani laa Nzapa akiri aleke mbeni lango si lo di iri ni “laso”. Ngu mingi na pekoni, lo zia tënë ni na yanga ti David; e diko ni fade awe; tënë ni atene: “Laso, tongana ala ma go ti Nzapa, ala kpengba be ti ala pepe.”

Ahebro 9:8

Na lege so, Yingo-Vuru ayeke fa atene, so kozo da ti bongo ni angba so, lege ti si na use ndo ni ade ti zi pepe, ndo so ayeke nde si ayeke nzoni kue ahon atanga ni.

2 Pierre 1:21

Biani, zo alondo na be ti lo wani ti tene peko ti tënë ti yanga ti Nzapa pepe, me Yingo-Vuru laa ayeke fa lege na azo titene ala tene tënë na iri ti Nzapa.

Aye so Nzapa afa 3:20

Baa, mbi yeke luti na yanga ti da si mbi yeke pika ni. Zo so ama go ti mbi si lo zi yanga ti da ni, fade mbi yeke li na ya ti da ti lo si mbi na lo, e yeke te kobe.