Ahebro 3:5 - Mbeti ti Nzapa - Tënë so amu fini

⁵ Moïse asara ti lo ando kua ti da ti Nzapa kue na legeni tongana zo ti kua ti Nzapa; kua ti lo ayeke ti fa na azo tënë so Nzapa ayeke tene ande na ala.

Ahebro 3:5 ပူးပေါင်းရင်းမြစ်များ

Néhémie 9:14

Mo sara si ala hinga *lango ti wungo tere, lango so a zia ni nde ndali ti mo. Na lege ti Moïse, zo ti kua ti mo, mo mu na ala atënë ti ndia, atënë ti yanga ti mo nga na andia.

Abia (Psaumes) 105:26

Tongaso lo tokua Moïse, zo ti kua ti lo nga na Aaron so lo soro lo.

Sigingo 14:31

Azo ti Israel abaa so, na lege ti ngangu ti maboko ti lo, KOTA GBIA ahon ndö ti azo ti Ezipte. Nilaa ala kpe mbeto ti KOTA GBIA si ala zia be ti ala na ndö ti KOTA GBIA nga na ndö ti Moïse, zo ti kua ti lo.

Sigingo 40:16

Moïse asara ye kue alingbi gi na yanga so KOTA GBIA amu na lo.

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Matthieu 24:45

“Zo ti kua so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti amba ti lo titene lo mu na ala kobe tongana ngbonga ni alingbi.

Matthieu 25:21

Makonzi ti lo atene na lo: ‘So nzoni! Mo yeke nzoni zo ti kua si mo yeke sara ye na legeni! Kete ye so a mu na mo, mo sara kua na ni na legeni; fade mbi yeke zia mo na ndö ti akota ye ti mbi. Ga, mo na makonzi ti mo asara ngia.’

Nzoni Tënë so Luc asu na mbeti 12:42

Kota Gbia atene na lo: “Ndombe so ayeke sara ye na legeni si lo yeke nga zo ti hingango ndo ayeke zo wa? Lo yeke zo so makonzi ti lo azia lo na ndö ti azo ti kua ti lo titene lo mu na ala kobe tongana ngbonga ni alingbi.

Nzoni Tënë so Luc asu na mbeti 24:27

Na pekoni, Jésus ato nda ti fa na ala nda ti tënë so ando awayanga-Nzapa kue atene na ndö ti lo na ya ti Mbeti ti Nzapa, ti londo na Moïse ngbii asi na awayanga-Nzapa kue.

Nzoni Tënë so Luc asu na mbeti 24:44

Na pekoni, lo tene na ala: “Na ndembe so mbi de na popo ti ala, mbi tene na ala, mbi tene: ayeke nzoni atënë so kue a su na ndö ti mbi na ya ti mbeti ti *Ndia ti Moïse, ti awayanga-Nzapa na ti Abia, aye ni asi alingbi na ni.”

Jean 5:39

Ala yeke gi nda ti Mbeti ti Nzapa, ngbanga ti so ala baa ti ala atene na lege ni, ala yeke wara fini so angba lakue lakue. Andaa gi Mbeti so laa ayeke tene tënë na ndö ti mbi!

Awatokua 28:23

Ala na Paul afa mbeni lango si na lango ni so, ala ga mingi awara lo na ndo so lo yeke lango daa. Ti londo na ndaperere ngbii asi na lakui, Paul afa tënë: lo fa ye so lo hinga na ndö ti *Kodro-gbia ti Nzapa si lo yeke gi lege kue titene ala yeda na tënë ti Jésus. Lo mu *Ndia ti Moïse na ambeti ti awayanga-Nzapa si lo yeke fa na tënë ni.

Awatokua 7:37

Moïse so laa atene na azo ti Israel, atene: ‘Fade Nzapa ayeke tokua mbeni wayanga ti lo na ala tongana ti so lo tokua mbi; lo yeke duti mbeni ita ti ala.’

Rome 3:21

Me fadeso, Nzapa afa so, zo yeke ga mbirimbiri na lege ti *Ndia pepe. Ndia ti Moïse na ambeti ti awayanga-Nzapa afa tënë ni awe.

1 Korente 4:2

Me ye so a yeke hunda na awabatango-ye, ayeke titene ala sara kua ti ala na legeni.

Ndia ti fani use ni 3:24

“Kota Gbia NZAPA, mo to nda ti fa na mbi, zo ti kua ti mo, kota ti mo na ngangu ti maboko ti mo. Mbeni nzapa nde, ataa na yayu, ataa na ndö ti sese so alingbi ti sara akota ye tongana mo ayeke daa pepe!

Ndia ti fani use ni 34:5

Moïse, zo ti kua ti KOTA GBIA akui kâ, na sese ti Moab alingbi na tënë so KOTA GBIA atene.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

Ahebro 1:1

Ando, Nzapa atene tënë fani mingi na akotara ti e na lege nde nde; lo zia tënë ni na yanga ti awayanga-Nzapa si ala tene.

Ahebro 3:2

Ando, Moïse asara kua na legeni na ya ti da ti Nzapa kue. Legeoko nga, Jésus asara kua na Nzapa na legeni, Nzapa so asara si lo ga kota wayango-sandaga.

Ahebro 3:4

Da kue, zo laa asara ni, me lo so asara ye kue ayeke Nzapa.

Ahebro 8:5

Kua so ala yeke sara ayeke gi tongana limo ti aye so ayeke na yayu. Ye ni ayeke legeoko tongana ye so asi na Moïse na ngoi so lo ye ti leke da ti bongo. Nzapa atene na lo: “Fade mo yeke sara kue ti sara ye ni alingbi gi na kode so mbi fa na mo na li ti hoto so.”

Ahebro 9:24

Da ti Nzapa so azo aleke ni lani na maboko ti ala so, ayeke gi limo ti taa ndo ti nzoni kue. Da so azo aleke ni, ni laa Christ ali lani na ya ni pepe, me lo li na yayu si lo luti na le ti Nzapa ndali ti nzoni ti e.

Josué 1:15

ngbii KOTA GBIA amu lege na a-ita ti ala ti wu tere, tongana ti so lo sara na ala so; fade a-ita ti ala ni ayeke wara nga sese so KOTA GBIA, Nzapa ti ala ayeke mu na ala. Na pekoni, ala azo ti mara ti Ruben, ti Gad nga na ndambo ti mara ti Manase ayeke kiri na sese so Moïse, zo ti kua ti KOTA GBIA amu na ala, na mbage ti ngu ti Jourdain, ndo so lâ ayeke sigigi daa so.”

Josué 1:2

“Moïse, zo ti kua ti mbi akui awe. Londo fadeso, mo fâ ngu ti Jourdain, mo na azo ti Israel kue titene ala li na ya ti kodro so mbi mu na ala.

Josué 1:7

Biani, gbu ngangu, mo sara ye ti koli; mo sara ye alingbi na *Ndia so kue Moïse, zo ti kua ti mbi, afa na mo. Mo zia lege ti Ndia ni ti gue mbage na mbage pepe; tongaso si na ndo so kue mo yeke gue daa, aye so kue mo yeke sara, fade ayeke ga nzoni.

Josué 8:31

Lo leke ni alingbi na yanga so Moïse, zo ti kua ti KOTA GBIA amu na azo ti Israel. A su tënë ni na ya ti mbeti ti *Ndia ti Moïse, atene: “Gbalaka ni ayeke na asenge têne so zo andu tere ni na wen oko pepe.” Na ndö ti gbalaka ni, azo ti Israel ayeke mu na KOTA GBIA *asandaga so a yeke gbi ni kue na wâ nga na asandaga ti beoko.

Josué 8:33

Azo ti Israel kue na *akangba ti ala, amakonzi ti ala, awafango-ngbanga ti ala na awande so ayeke na popo ti ala, aluti na tere ti sanduku ti mbuki ti KOTA GBIA mbage na mbage. Ala luti na le ti awayango-sandaga so ayeke azo ti mara ti Lévi so ayeke yo sanduku ti mbuki ni. Mbeni ndambo ti azo ni aluti na mbage ti hoto ti Garizim si mbeni ndambo ti ala aluti na mbage ti hoto ti Ebal. Moïse, zo ti kua ti KOTA GBIA amu ando yanga na azo ni ti sara tongaso ti sara tufa na ndö ti azo ti Israel.

Aye so Nzapa afa 15:3

Ala yeke he bia ti Moïse, zo ti kua ti Nzapa, nga na bia ti Molenge ti Taba; bia ni atene: “*Kota Gbia, Nzapa so ngangu ti mo ahon angangu kue, aye so mo sara ayeke kota mingi si ayeke nga aye ti dongo be! Gbia ti amara nde, lege ti sarango ye ti mo ayeke mbirimbiri si ayeke na lege ti taa-tënë!