Ahebro 3:2 - Mbeti ti Nzapa - Tënë so amu fini

² Ando, Moïse asara kua na legeni na ya ti da ti Nzapa kue. Legeoko nga, Jésus asara kua na Nzapa na legeni, Nzapa so asara si lo ga kota wayango-sandaga.

Ahebro 3:2 ပူးပေါင်းရင်းမြစ်များ

Sigingo 40:16

Moïse asara ye kue alingbi gi na yanga so KOTA GBIA amu na lo.

Wungo ti azo 12:7

Ti Moïse, zo ti kua ti mbi, ye ni ayeke tongaso pepe. Lo laa mbi zia be ti mbi na ndö ti lo ti baa ndo na ndö ti aye ti da ti mbi kue.

Jean 15:10

Tongana ala sara ye alingbi na andia ti mbi, fade ala yeke ngba na ya ti ndoye ti mbi, tongana ti so mbi sara ye alingbi na andia ti Babâ si mbi ngba na ya ti ndoye ti lo.

Jean 17:4

Mbi gonda mo na ndö ti sese so awe, mbi hunzi kua so mo mu na mbi ti sara awe.

Jean 7:18

Zo so ayeke tene gi tënë ti be ti lo, lo yeke gi titene azo agonda lo. Me zo so ayeke gi titene azo agonda zo so atokua lo, lo yeke tene gi taa-tënë; tënë ti mvene ayeke na yanga ti lo pepe.

Jean 8:29

Lo so atokua mbi, lo yeke na mbi. Lo zia mbi gi mbi oko pepe, ngbanga ti so mbi yeke sara lakue ye so anzere na be ti lo.”

Efeze 2:22

Na lege ti gango so ala ga oko na lo, a mu ala na atanga ni kue ti sara na da so Yingo ti Nzapa wani ayeke duti daa.

Ndia ti fani use ni 4:5

Ala baa, mbi fa na ala aye so ndia afa nga na atënë ti ndia alingbi na yanga so KOTA GBIA Nzapa ti mbi amu na mbi. Na ndembe so ala yeke si ande na ya ti kodro so ala yeke mu ni titene aga ti ala, fade ala yeke sara ye alingbi na ni.

1 Timothée 1:12

Mbi mu singila mingi na Jésus Christ, *Kota Gbia ti e, ndali ti so lo mu na mbi ngangu, lo baa mbi tongana zo so lo lingbi ti zia be ti lo na ndö ti lo, nilaa lo mu mbi na kua ti lo.

1 Timothée 3:15

Me tongana mbi si hio pepe, mbi ye mo hinga lege ti duti na popo ti azo ti Nzapa, so ti tene na popo ti azo ti *Eglize ti Nzapa, lo so lo yeke na fini. Eglize ni ayeke ya taa-tënë na nduzu si ayeke gbu ni ngangu.

Ahebro 2:17

Ndani laa, alingbi fade lo ga tongana a-ita ti lo na ya ti aye kue. Tongaso, lo ga kota wayango-sandaga so ayeke baa mawa ti azo si lo yeke sara kua ti Nzapa na legeni, titene lo zi asiokpari ti azo.

1 Samuel 12:6

Samuel akiri atene na azo ni: “KOTA GBIA ama ala awe, lo so airi ando Moïse na Aaron ti mu akotara ti ala na sese ti Ezipte si asigigi na ala.