Ahebro 3:18 - Mbeti ti Nzapa - Tënë so amu fini

¹⁸ Nzapa adeba yanga ti lo, atene: “Fade ala yeke li na kodro so pepe, kodro so mbi leke titene ala wu tere ti ala daa so”. Lo deba yanga ni na azo wa? Na azo so asara ngangu li so.

Ahebro 3:18 ပူးပေါင်းရင်းမြစ်များ

Abia (Psaumes) 78:22

ngbanga ti so ala zia be ti ala na ndö ti Nzapa pepe, ala ke ti ma na be so lo lingbi ti soo ala na kuâ.

Wungo ti azo 14:11

*KOTA GBIA atene na Moïse: “Azo so ayeke ngba ti ke mbi ngbii asi lawa? Ala yeke ke ti zia be ti ala na ndö ti mbi ngbii asi lawa, ataa aye ti kpene so kue mbi sara na popo ti ala?

Wungo ti azo 14:23

Nilaa, fade zo oko na popo ti ala ayeke baa pepe kodro so mbi deba yanga ti mbi ti mu na akotara ti ala. Azo so kue abaa mbi tongana mbumbuse zo so, mbeni oko ayeke baa kodro ni pepe.

Wungo ti azo 14:30

Mbi deba yanga ti mbi lani ti mu na ala kodro ni titene ala duti daa. Mbi deba yanga ti mbi awe, fade ala yeke li na ya ti kodro ni pepe, gi Kaleb, molenge ti Yefune na Josué, molenge ti Nune.

Wungo ti azo 14:37

Ala so atene sioni tënë ti kodro ni so, ala kui gi kuâ ti ngangu na dawa ti KOTA GBIA.

Wungo ti azo 20:12

Me KOTA GBIA atene na Moïse na Aaron: “Na sarango ye tongaso, ala zia be ti ala na ndö ti mbi KOTA GBIA pepe, ala fa na azo ti Israel pepe so mbi yeke nde si mbi yeke nzoni kue. Ndali ni, ala yeke gue na bongbi ti azo ni pepe na kodro so mbi mu na ala.”

Jean 3:36

Zo so ama na be na Molenge ni, lo yeke na fini so angba lakue lakue; zo so ake ti ma na be na Molenge ni, fade lo yeke na fini so pepe, me ngonzo ti Nzapa angba na ndö ti lo.”

Rome 11:30

Ando, ala azo ti amara nde, ala ke yanga ti Nzapa; me fadeso, Nzapa abaa mawa ti ala, ndali ti so azuife ama yanga ti lo pepe.

Ndia ti fani use ni 9:23

Na Kades-Barnea, KOTA GBIA atokua ala lani si lo tene na ala: “Ala gue, asara bira si ala mu sese so mbi mu titene aga ti ala.” Me ala ke ti sara ye alingbi na yanga so KOTA GBIA Nzapa ti ala amu. Ala zia be ti ala na ndö ti lo pepe, ala ke ti ma yanga ti lo.

Ahebro 3:11

Na ya ti ngonzo ti mbi, mbi deba yanga, mbi tene: kodro so mbi leke titene ala wu tere ti ala daa so, fade ala yeke li na ya ni oko pepe!”

Ahebro 4:11

Ndani laa, ayeke nzoni e sara ngangu ti li na ndo ti wungo tere so, tongaso si fade mbeni zo oko na popo ti e ati pepe na mungo tapande ti azo so asara ngangu li.

Ahebro 4:2

Biani, e nga, e ma Nzoni Tënë tongana ti so akotara ti e ama ni ando so. Me Nzoni Tënë ni asara ye oko na ala pepe, ngbanga ti so azo so ama tënë ni, ala ma na be na ni pepe.

Ahebro 4:6

Akozo zo so ama ando Nzoni Tënë ni, ala li na ndo ti wungo tere ni so pepe, ngbanga ti so ala ke ti yeda na tënë ni. Me lege angba na zingo ni titene ambeni zo ali na ndo ti wungo tere ni.